Jeremiah 5
1 Jerusalem khopi sung lampi jousea, dunglhei vailhei unlang, veng ningkoi lah jouse gahol’un. Mihem khatbeh dihtah’a thutan leh lungtheng tah’a thudih hol, namudoh jouleh, keiman ama jal’a akhopi kangaidam ding chuleh kasuhmang luding ahi.
你們當在耶路撒冷的街上跑來跑去， 在寬闊處尋找， 看看有一人行公義求誠實沒有？ 若有，我就赦免這城。
2 Amahon, Pakai chu aitih’a hingjing ahi, tia akihahsel ji vangun, jou leh nal jengin thu aseijiuvin ahi.
其中的人雖然指着永生的耶和華起誓， 所起的誓實在是假的。
3 Vo Pakai, nangman thutah jeng navet lhih jeng ahi. Nangin namite chunga nakhut nalhatan, ahivangin amahon nahsah in aneipouve. Nangin amaho nanoigeptan, ahivangin amahon hichu kisuhdihnan asangpouve. Amaichangu song bangin atah sah un, lungkhel ding aumpouve.
耶和華啊，你的眼目不是看顧誠實嗎？ 你擊打他們，他們卻不傷慟； 你毀滅他們，他們仍不受懲治。 他們使臉剛硬過於磐石， 不肯回頭。
4 Hichun keiman kaseitai,’’ Amahohi vaicha leh tahlelte ima hephalou ahiuve. Amaho’a kon’a ipi apha hungpot dingham? Amahon Pakai lampi ahepouvin, chuleh Pathen danthu jong agel phapouve.
我說：這些人實在是貧窮的，是愚昧的， 因為不曉得耶和華的作為 和他們上帝的法則。
5 Hijeh chun, keima lamkai vaihomte kom’a gachengting, gaseipeh tange. Ajeh chu amaho beh chun Pakai lampi leh Pathen danthu ho henauvinte,’’ kati. Ahivangin, alamkaiteu jong abep ahiuvin, Pathen namkol aheh bongun chuleh akigahnau khao jong abotten un ahiuve.
我要去見尊大的人，對他們說話， 因為他們曉得耶和華的作為 和他們上帝的法則。 哪知，這些人齊心將軛折斷， 掙開繩索。
6 Hiche jeh a chu, gammang lah’a kon hungdoh sakeiyin amaho athadiu. Chuleh nelphaiya kon hungdoh kamkei yin amaho akimatdiu ahi. Lutnun akhopi pam’a chang’un tin, khosunga kon’a potdoh tapou abotel ding ahi. Ijeh inem itileh achonsetnau atamvaltan, chuleh Pathen douna aboldoh u anasa behseh jengtai.
因此，林中的獅子必害死他們； 晚上的豺狼必滅絕他們； 豹子要在城外窺伺他們。 凡出城的必被撕碎； 因為他們的罪過極多， 背道的事也加增了。
7 Hichea hi, keiman nang iti kangaidam ding nahim? Nachate la keiya kon in ajammang sohtauvin, semthu Pathen angsung’a akihahsel jah jah jotauvin ahi. Keiman amaho kavah vaset ahiuvin; Ahivangin amahon jonthanghoi jeng abol'un chuleh notiho inkot’a akijot lut lut jenguvin ahi,’’ tin Pakaiyin aseiye.
我怎能赦免你呢？ 你的兒女離棄我， 又指着那不是神的起誓。 我使他們飽足， 他們就行姦淫， 成群地聚集在娼妓家裏。
8 Amahohi sakol kivahthau huhtah abangun, amitakip chu aheng-akompa jinu velel’a jonlungpu ngen ahiuve.
他們像餵飽的馬到處亂跑， 各向他鄰舍的妻發嘶聲。
9 Hiche mihohi, keiman iti talen matsah louva kalha ding ham? Chuleh hitobang nam mite chung’a hi, keiman iti phu kalahda ding ham? tin Pakaiyin aseiye.
耶和華說：我豈不因這些事討罪呢？ 豈不報復這樣的國民呢？
10 Alengpi leilaiyuva, lengpigui ho agol gol’a kituna lah’a khun, chesuh unlang gasumangun, beihel invang hinlha hih un. Abah chengu abon'in gamallhauvin, ajeh chu amaho hi keiya kon ahipouve.
你們要上她葡萄園的牆施行毀壞， 但不可毀壞淨盡， 只可除掉她的枝子， 因為不屬耶和華。
11 Ijeh inem itileh, Israel insung leh Judah insung mite hi, keiya dinga tahsanna beihel ahiuvin chuleh eidouva pang ahitauve, tin Pakaiyin aseiye.
原來以色列家和猶大家大行詭詐攻擊我。 這是耶和華說的。
12 Amahon, Pakai aseilep un, hitin aseiyuve. Aman eiho chunga imacha bol ponte. Ichunguva genthei hesohna hunglhung pontin chuleh gal kisat leh kellhah injong eilhunden pouvinte, atiuvin ahi.
他們不認耶和華，說： 這並不是他， 災禍必不臨到我們； 刀劍和饑荒，我們也看不見。
13 Pathen themgao hojong hi ahomkeo bep hiuvin tin, asunguva Pathen thupeh umlou ahitauve. Hijeh a chu, agaothu seidoh’u jong, achunguva chuding ahibouve.
先知的話必成為風； 道也不在他們裏面。 這災必臨到他們身上。
14 Hijeh chun Pakai van Pathen in hitin aseiye, hiche mite hin hitobang a thu aseijeh’un, keiman kathupeh chengse hi, nakam sunga kon’a meikou banga kasemdoh ding, chuleh mipite chu thinggosa bangdiu, meikou chun akahvam hel diu ahi, ati.
所以耶和華－萬軍之上帝如此說： 因為百姓說這話， 我必使我的話在你口中為火，使他們為柴； 這火便將他們燒滅。
15 O Israel, keiman gamlatah’a kon’a namkhat nachunguva kahinlhut khum ding ahi, tin Pakaiyin aseiye. Hiche nam mite chu thahattah ahiuvin khanglui laiya pat’a anaumsa mite ahiuve. Aham-apao ujong najahkhahlou hel nam mite ahiuvin, ipi aseiyu jong nahetlouhel nam mite ahiuve.
耶和華說：以色列家啊， 我必使一國的民從遠方來攻擊你， 是強盛的國， 是從古而有的國。 他們的言語你不曉得， 他們的話你不明白。
16 Agal manchah hou chu thina lhankot kihonna abang jengin, agalsatteu jong thahattah jeng ahiuve.
他們的箭袋是敞開的墳墓； 他們都是勇士。
17 Amahon, nalousoh ho leh na anneh ding jouse anehgamdiu, amahon nachapateu leh nachanuteu jong abahgamdiu, amahon nakelngoi hon ho leh nagancha ho jouse anehgamdiu, amahon nalengpiga holeh natheiga ho jouse anehgamdiu, chuleh kulpi nakaikhum uva hoidohna khopia nanei jouseu jong abon’a asuhmang hel diu ahi, ati.
他們必吃盡你的莊稼和你的糧食， 是你兒女該吃的； 必吃盡你的牛羊， 吃盡你的葡萄和無花果； 又必用刀毀壞你所倚靠的堅固城。
18 Hijongleh hitobang nikho jenga jong chu, keima nangho kasuhgam hel loudiu nahiuve, tin Pakaiyin aseiye.
耶和華說：「就是到那時，我也不將你們毀滅淨盡。
19 Chuleh namiten, ipi jeh’a Pakai i- Pathen u chun ichunguva hitobang hi abol ham, tia adoh teng uleh, nanghon amaho jah’a hitia naseipeh diu; Nanghon Pakai i-Pathen u chu nadondauvin nangho gamsunga gamdang pathen ho najenleuvin ahi. Hiche jeh’a chu, tua hi, nanghon nahetphah louvu migam’a, nahetlou hel u mite naga jenle diu ahi, tin seipeh in ati.
百姓若說：『耶和華－我們的上帝為甚麼向我們行這一切事呢？』你就對他們說：『你們怎樣離棄耶和華，在你們的地上事奉外邦神，也必照樣在不屬你們的地上事奉外邦人。』」
20 Hiche thuhi Israel ho lah’a phongjal unlang chuleh Judah te kom’a gaseiphong un.
當傳揚在雅各家， 報告在猶大說：
21 Hiche hi ngaiyun, vo mingol lungthim beiho, mit neiya kho muthei louho chuleh bil neiya kho jathei louho.
愚昧無知的百姓啊， 你們有眼不看， 有耳不聽， 現在當聽這話。
22 Nanghon keima neigin louvu ham? Ipi dinga ka-angsung’a tija tah’a kihot hot lou nahiuvem? Keima Pakaiyin, twikhanglen kinong tinkih nading leh aitih’a twiyin akhokhel lou nadingin, twipi pang’a neldi gamgi kakoiye. Twikhanglen twipi chu kinuh ham lah lah henlang kithong jeju jong leh, hiche gamgi hi twiyin akhokhel louding ahi.
耶和華說：你們怎麼不懼怕我呢？ 我以永遠的定例， 用沙為海的界限， 水不得越過。 因此，你們在我面前還不戰兢嗎？ 波浪雖然翻騰，卻不能逾越； 雖然匉訇，卻不能過去。
23 Ahin hiche mite hi, louchal tah leh doumah bol hattah mite chu ahiuvin, amahon kei eidalhauvin, keiya kon in achemang gamtauvin ahi.
但這百姓有背叛忤逆的心； 他們叛我而去，
24 Amahon alungthim giltah’uva kon in, Pakai i-Pathen’u gingu hite. Ajeh chu aman aphat cha-a chuh-go hihen khal-go hijongleh eipeh uva; eiho dinga aphatcha a chang-at phat eikoipeh jingpau ahi, tin aseipouve.
心內也不說： 我們應當敬畏耶和華－我們的上帝； 他按時賜雨，就是秋雨春雨， 又為我們定收割的節令，永存不廢。
25 Nagitlouna chengse chun phattheiboh nachan dingho adelmangin, chuleh nachonsetna chengse chun thilpha jouse apaidoh tai.
你們的罪孽使這些事轉離你們； 你們的罪惡使你們不能得福。
26 Ijeh inem itileh, kamitelah’a migilouteho achengtauve. Gamleng hon sa achanlhih bangun, amahon mi matding achanglhi lhi uvin, thang akampeh un, matding agojing uve.
因為在我民中有惡人。 他們埋伏窺探，好像捕鳥的人； 他們設立圈套陷害人。
27 Vacha thang kamten, abom dimset’a vacha apoh bangun, a-in hou chu dihloutah’a achomdoh u thil adimset in ahi. Hiche jeh chun, amaho alendoh gam’un chuleh ahaodoh gamtauve.
籠內怎樣滿了雀鳥， 他們的房中也照樣充滿詭詐； 所以他們得成為大，而且富足。
28 Amaho athaodoh gam’un, chuleh atahsau jong ajolsel gamtauve. chuleh athilse bolhou chu angahje ahetapouve. Amahon, chagate chung a dihtah’a thutanna adalpih un, chuleh vaicha gentheite ding chanvou jong dihtah in achansah pouve.
他們肥胖光潤， 作惡過甚，不為人伸冤！ 就是不為孤兒伸冤， 不使他亨通， 也不為窮人辨屈。
29 Hichengse jeh’a hi, keiman amaho chu talen pelouva kaum ding ham?’’ tin Pakaiyin aseiye. Chuleh hiche nam mite chunga keiman phu kalahda ding ham?’’ ati.
耶和華說：我豈不因這些事討罪呢？ 豈不報復這樣的國民呢？
30 Hiche gamsunga hin, thil gimneitah leh tijat umtah chu asohtai.
國中有可驚駭、可憎惡的事：
31 Themgao hon jouthu jeng aseiyun, Thempu hon jong ama dei deiyun vai ahomtauve. Kamiten hitobang hi nadeiyun ahi. Ahivangin ijakai achaina ahunglhun tengleh, ipi naboldiu ham?’’ ati.
就是先知說假預言， 祭司藉他們把持權柄； 我的百姓也喜愛這些事， 到了結局你們怎樣行呢？
