Jeremiah 4

1 Vo Israel, nangma hung kilekit ding nahin, nangma kahenga hung kilekit tan, tin Pakaiyin aseiye. Thet umtah doilim hochu napai doh’a chuleh nangma ka-angsunga kon’a nachemang kit tahlou ding ahi.

耶和華說：以色列啊， 你若回來歸向我， 若從我眼前除掉你可憎的偶像， 你就不被遷移。

2 Chuleh kamin’a “Pakai hingjing” tia nangma nakihah sel’a, nangman thulah, thutandih chuleh chondihna chu nadinpi ding ahi. Chuteng namtin vaipi dinga nangma phatthei channa nahiding, chuleh mitin hung kikhom uva kamin avahchoi ding ahi.

你必憑誠實、公平、公義， 指着永生的耶和華起誓； 列國必因耶和華稱自己為有福， 也必因他誇耀。

3 Hiche hi, Judah mite leh Jerusalem’a chengte henga Pakai thusei chu ahi. “Lholou gamtah leiset tobang nalungsung’u chu kaljal’unlang, muchi pha chu ling leh khao lah’a themang hih un.

耶和華對猶大和耶路撒冷人如此說： 要開墾你們的荒地， 不要撒種在荊棘中。

4 Vo Judah leh Jerusalem mite, kiletsah hoitho pailhauvin, Pakai angsung’a kipelut uvin. Nalungsung uva setna dim chep-vun chu tan un paidoh un, nalung khel’un. Achutilouleh nachonset nau jal’a chu kalungsat nachung uva meikong banga hung deojah ding, hichu koima aphelmit ding umlouhel ding ahi,’’ tin Pakaiyin aseiye.

猶大人和耶路撒冷的居民哪， 你們當自行割禮，歸耶和華， 將心裏的污穢除掉； 恐怕我的忿怒因你們的惡行發作， 如火着起， 甚至無人能以熄滅！

5 Judah gamsunga samphongun, chuleh Jerusalem’a phongjal un! Amaho chu seipeh un, gamsung pumpia phongjal’un. “Nakihinso nadiuvin jam un, chuleh kulpi kikaikhum khopi sunga jamlut un.’’

你們當傳揚在猶大， 宣告在耶路撒冷說： 你們當在國中吹角，高聲呼叫說： 你們當聚集！ 我們好進入堅固城！

6 Melchihna ponlap khat, Jerusalem mite din khaidoh’un; Hoidohna din tun jamtauvin, umden den hih un! Ijeh inem itileh keiman sahlam gamkaiya kon’a manthahna nachunguva kahinlhunsah ding ahi, ati.

應當向錫安豎立大旗。 要逃避，不要遲延， 因我必使災禍與大毀滅從北方來到。

7 Keipi bahkai khat, namtin vaipi sumang chu, akiselna kokhuh’a konin ahung pot’e. Aman akiselna kokhuh ahin dalhan, nang lampi ahin jottai. Aman nagamsung asuhmang ding, nakhopi jousea jong mi chenna lou khogem asoding ahi.

有獅子從密林中上來， 是毀壞列國的。 牠已經動身出離本處， 要使你的地荒涼， 使你的城邑變為荒場無人居住。

8 Hijeh chun khaodip-pon kivon’unlang kap uvin mauvun. Ajeh chu Pakai lungsat, khohsetah chu ichunguva alhunge. tiuvin.

因此，你們當腰束麻布，大聲哀號， 因為耶和華的烈怒沒有向我們轉消。

9 Pakaiyin aseiye,’’ Hiche nikho chuleh lengpa leh leng chapate kicha-a kihotdiu, thempuho jong tija diu chuleh themgao hojong lungdong dendiu ahi,’’ ati.

耶和華說：「到那時，君王和首領的心都要消滅；祭司都要驚奇，先知都要詫異。」

10 Hichun keiman, “Vo Hatchungnung Pakai, nangman Jerusalem’a cham-lungmon umding ahi, tia natepsa hilou ham? Ahivangin, nangin amaho najoulheptai, alol’u leh chemjam akisuto gamtai,’’ kati.

我說：「哀哉！主耶和華啊，你真是大大地欺哄這百姓和耶路撒冷，說：『你們必得平安。』其實刀劍害及性命了。」

11 Hiche phat chuleh, Pakaiyin amite jah’a aseiding, ‘’Vo kamite, nelgam’a kon’a meisa tobang kho-hui savetvut in nahin nunkhum diu, hiche hui chu huilhi leh buhsi semhoh hui hilou ding ahi.’’

那時，必有話對這百姓和耶路撒冷說：「有一陣熱風從曠野淨光的高處向我的眾民颳來，不是為簸揚，也不是為揚淨。

12 Hiche khopihui chu keiman huneitah’a kahin nunsah ahi. Chuleh tua namanthah nadiu thutan khum’a phongdoh’a chu keima kahi,’’ ati.

必有一陣更大的風從這些地方為我颳來；現在我又必發出判語，攻擊他們。」

13 Ven, melma chu meilhang lom bangin ahunge. Agalsatna kangtalai ho chimpei kipei abangin, asakolte jong muvanlai sangin ajangkhai jouve. Itobanga khohse hitam, eiho amahthah ihitauve.

看哪，仇敵必如雲上來； 他的戰車如旋風， 他的馬匹比鷹更快。 我們有禍了！ 我們敗落了！

14 Vo Jerusalem, huhhing'a naumthei nadin nalungthim a thilse ho kisoptheng in. Itihchan geiya, nalung sunga setna hochu nachen sah ding ham?

耶路撒冷啊，你當洗去心中的惡， 使你可以得救。 惡念存在你心裏要到幾時呢？

15 Dan khopi leh Ephraim thinglhang gam’a hungkon thangkou ten, nang manthahna ding thuse jeng aphonguve.

有聲音從但傳揚， 從以法蓮山報禍患。

16 Namtin vaipi jouse gih’un chuleh hichehi Jerusalem’a seiphongun. Melmapa chu gamla tah’a konin ahung e. Aman Judah gamsung khopi ho douna kho ahinsam’e.

你們當傳給列國， 報告攻擊耶路撒冷的事說： 有探望的人從遠方來到， 向猶大的城邑大聲吶喊。

17 Lou ngah hon lou ahon bang’un Jerusalem khopi chu aum kimveltauve. Ajeh chu kamiten kei doumah mah aboltauve, tin Pakaiyin aseiye.

他們周圍攻擊耶路撒冷， 好像看守田園的， 因為她背叛了我。 這是耶和華說的。

18 Vo Judah, nathilbol leh nachonna chengsen, thilse hichenghi nachung’a ahinlhut ahitai. Hiche gentheina hi akha kine banga nachunga hunglhung ahitan, nalungchang geiya ahin dot ahitai.

你的行動，你的作為，招惹這事； 這是你罪惡的結果， 實在是苦， 是害及你心了！

19 Ohe, kalungchang anai, kadip adambehseh e! kalungchang aphudot dot in, thipbeh in kaumtheipoi. Ajeh chu keiman melmapa sumkon gin kajan chuleh agalsatna pumpi pohjah gin kajai.

我的肺腑啊，我的肺腑啊，我心疼痛！ 我心在我裏面煩躁不安。 我不能靜默不言， 因為我已經聽見角聲和打仗的喊聲。

20 Manthahna chunga manthahna, gamsung ahunglhung’e, gamsung pumpi ahomkeuvin akijamtai. Hetmanlouvin kaponbuh chengseu abon'in asusetan, chuleh kachennau jouseu jong asuse gamtai.

毀壞的信息連絡不絕， 因為全地荒廢。 我的帳棚忽然毀壞； 我的幔子頃刻破裂。

21 Itihchan hi gal ponlap kavet vet’uva, chuleh gal husa leh sumkon gin kangai ngai diuham?

我看見大旗，聽見角聲， 要到幾時呢？

22 Pakaiyin aseiye, “Kamite angol gam’uvin, keima jong eihepouve. chapang ngol bangin aumun, imacha ahekhen theipouve. Thilse bolna lam’a athem’un ahivangin amahon thilpha bolje ahepouve,’’ati.

耶和華說：我的百姓愚頑，不認識我； 他們是愚昧無知的兒女， 有智慧行惡，沒有知識行善。

23 Keiman leiset kaven, hichu ahomkeo leh alimbei ahi. Keiman vanlam kaven, vah aumpon athim e.

先知說：我觀看地， 不料，地是空虛混沌； 我觀看天，天也無光。

24 Keiman thinglhang leh molsang ho kaven, akihot ling gam’un chuleh aonle le gam tauve.

我觀看大山，不料，盡都震動， 小山也都搖來搖去。

25 Kavet pet chun, mihem ho jouse kamutapoi. Chuleh vacha ho jouse jong alengmang gamtauve.

我觀看，不料，無人； 空中的飛鳥也都躲避。

26 Kavet pet chun, gam leiset phalai jouse gamgo asohtan, chuleh khopi jouse jong chu, Pakai lungsat khohse chun khogemsa asogamtai.

我觀看，不料，肥田變為荒地； 一切城邑在耶和華面前， 因他的烈怒都被拆毀。

27 Pakaiyin aseiye, “Leiset pumpi ahom keova hung umding, ahivanga leiset apumpia kasuhmanglou ding ahi.

耶和華如此說：全地必然荒涼， 我卻不毀滅淨盡。

28 Leiset lunghem ding, vanho jong hung thim ding. Ajeh chu keiman kamite chunga kathupehsa ahitai. Chuleh keiman katohding chu kageltohsa ahitan, nung jong nungkhel kit pong’e,’’ati.

因此，地要悲哀， 在上的天也必黑暗； 因為我言已出，我意已定， 必不後悔，也不轉意不做。

29 Sakol kangtalai chunga touho leh thalpi kap them ho husa chun, mipi jouse ajam chehtauve. Amaho hamjing lah’a akisel’un, chuleh molsang lam’a ajamtauve. Khopi jouse ahomkeuvin aumtan, mihem khatcha jong achengtapoi.

各城的人因馬兵和弓箭手的響聲就都逃跑， 進入密林，爬上磐石； 各城被撇下， 無人住在其中。

30 Vo Jerusalem, nangin ipi nabol am, Nangma kisusea dalhahsa nahitai. Ibol’a nangma ponsil hoitah tah’a nakivon’a, sana-a nakijep ham? Ibol’a namitte ni chu mitlouva najeppol ham? Nakijepna chu pannabei ahin, nakivoppi nadongmahon la donlouvin nakoiyun, thadin bou naholtauve.

你淒涼的時候要怎樣行呢？ 你雖穿上朱紅衣服， 佩戴黃金裝飾， 用顏料修飾眼目， 這樣標緻是枉然的！ 戀愛你的藐視你， 並且尋索你的性命。

31 Keiman numei naosonat masapen thoh’a, aka-pen gin tobang khat kajan. Hiche hi Jerusalem chanu melhoitah, haithei louva aka-gin chu ahi. Ohe ada kahi, tolthat ho’a kon in nei panpin, ati.

我聽見有聲音，彷彿婦人產難的聲音， 好像生頭胎疼痛的聲音， 是錫安女子的聲音； 她喘着氣、挓挲手， 說：我有禍了！ 在殺人的跟前，我的心發昏了。