Ka La 1

1 Phatkhat mi ana dimsetna Jerusalem khopi chu tunvang kho gem a sodoh tai. Chitin namtin laha ana minthang khopi chu tunvang meithai a sodoh tan ahi. Vannoi leiset lengnu dinmun ana lo chu tunvang soh dinmun alo jotai.

先前滿有人民的城， 現在何竟獨坐！ 先前在列國中為大的， 現在竟如寡婦； 先前在諸省中為王后的， 現在成為進貢的。

2 Jan khovah vah'in mitlhi long chutchut in akap in ana ngailu cheng holah a jong alhamon ding aum tapouvin aloi agol chengse la aheodah leh adou gal in apang gam tauvin ahi.

她夜間痛哭，淚流滿腮； 在一切所親愛的中間沒有一個安慰她的。 她的朋友都以詭詐待她， 成為她的仇敵。

3 Galhingin Judah akai taovin soh channa leh engbolna athoh tan ahi. Gam dang nammite laha achengun kicholdona mun amujou pouvin ahi. Agalmite uvin a umkimvel’un jamdoh thei louvin akoichah tauve.

猶大因遭遇苦難， 又因多服勞苦就遷到外邦。 她住在列國中，尋不着安息； 追逼她的都在狹窄之地將她追上。

4 Jerusalem lampiho akhul lhatan koi macha Pathen houna kin bol dingin ahung doh tapouvin, khopi kotpihola donlouvin aumgamtan athempu hou akhoisa gam tauvin anungah khangthah teu akhankho diu gelnan akap gam tauve.

錫安的路徑因無人來守聖節就悲傷； 她的城門淒涼； 她的祭司歎息； 她的處女受艱難，自己也愁苦。

5 A sugenthei houhi a Pakaiyun apang un ajalou teuchu akhantou tul tul jengun ahi. Pakaiyin achonset jih uva Jerusalem chu aengbol uva achateo galhinga kiman a gamla tah’a kikaimang gamu ahitauve.

她的敵人為首； 她的仇敵亨通； 因耶和華為她許多的罪過使她受苦； 她的孩童被敵人擄去。

6 Jerusalem khopi, ahoinale aloupina chu amang thah ahi tai. Alamkaiteu jong neh ding ham hing mu joulou sakhigol toh abang gam tauvin, agalmiteo masanga jam doh nading tha jong anei jou tapouve.

錫安城的威榮全都失去。 她的首領像找不着草場的鹿； 在追趕的人前無力行走。

7 Lung lengvaija Jerusalem avale laitahin, tumasanga aphatlai nikho agel doh’e. Tunla agalmite khutnoija aum tan koimacha apanhu ding aum tapoi. Agalmiteuvin ajep lhu’uvin alhu ho chu aveuvin anuisat’un ahi.

耶路撒冷在困苦窘迫之時， 就追想古時一切的樂境。 她百姓落在敵人手中，無人救濟； 敵人看見，就因她的荒涼嗤笑。

8 Achonset behseh jeh'in Jerusalem ponse bangin paimangin aumtan. Tumasanga anagel thupi hon, tuhin anoisetauve, ajehchu aponu kiho-lhah peha jumle jachat thoha um ahitaove. Hijeh chun hahdoh ngamlou hella khoisa jing jenga um ahitai.

耶路撒冷大大犯罪， 所以成為不潔之物； 素來尊敬她的，見她赤露就都藐視她； 她自己也歎息退後。

9 Amaho hin a khonung diu kigel phah louhelin jonthanhoina in akisuhboh uve. Amaho a kemsuh jing tauvin, a lhamon diu aphong ding diu koima aum tapoi. Pakai ka hahsetnao nei vetpehun tin akap tauve.

她的污穢是在衣襟上； 她不思想自己的結局， 所以非常地敗落， 無人安慰她。 她說：耶和華啊，求你看我的苦難， 因為仇敵誇大。

10 Galmiten ajokhophelun anei jouseu akichom tauve. Pakaiyin a Hou-in sunga lut dia anaphallou nam dangte chun ahouin sungu asuh boh pehu chu amudoh tauvin ahi.

敵人伸手，奪取她的美物； 她眼見外邦人進入她的聖所－ 論這外邦人，你曾吩咐不可入你的會中。

11 Amiteu nehding hollin apeng jen jun tauvin, a hinjouna diuvin anei agouvu ajohdohun, vo Pakai neihin veuvin e-chan geija thet le kidah’a ka um’u hitam tin akap tauve.

她的民都歎息，尋求食物； 他們用美物換糧食，要救性命。 他們說：耶和華啊，求你觀看， 因為我甚是卑賤。

12 Vo chele vahle, hilang hin hopa ho hiche thilsoh hi ija na gellou u-ham? Pathenin ka chunguva alunghan abuhlhah nale eibol gimnau hi vetem uvin.

你們一切過路的人哪，這事你們不介意嗎？ 你們要觀看： 有像這臨到我的痛苦沒有－ 就是耶和華在他發烈怒的日子使我所受的苦？

13 Aman vanna konin meikong ahin sep lhan kagu kachang’u ahalgo tai. Aman ka lampi uva thang a kamin eile hoitauve. Aman eichom thengselun nilhum lhumin hahsatna eithoh sahun ahi.

他從高天使火進入我的骨頭， 剋制了我； 他鋪下網羅，絆我的腳， 使我轉回； 他使我終日淒涼發昏。

14 Ka chonsetnao khaovin eikanun sohchanna nam kolin eihenun ahi. Pakaiyin katha’u eisuh ngoi pehun kagal miteu komah eipedohun akhutuva chatmon ka um taove.

我罪過的軛是他手所綁的， 猶如軛繩縛在我頸項上； 他使我的力量衰敗。 主將我交在我所不能敵擋的人手中。

15 Pakaiyin kalah'uva um kami hatteu thaneina asulhan kakhang thahteo suhmangna dingin galmite amangchan ahi, Pakaiyin lengpithei chilna akisuhchip bangin akhopi hoitah chu a suchip tan ahi.

主輕棄我中間的一切勇士， 招聚多人攻擊我， 要壓碎我的少年人。 主將猶大居民踹下， 像在酒醡中一樣。

16 Hicheho jouse jeh'in kakapin kamitlhi kamaija alonglha jenjung jingin ahinlah koima eilhamon ding le eitilhembi ding aum pon ahi. Galmiten eijou khup del tauvin, kakhang thahte’u khonung ding jong abing tan ahi.

我因這些事哭泣； 我眼淚汪汪； 因為那當安慰我、救我性命的， 離我甚遠。 我的兒女孤苦， 因為仇敵得了勝。

17 Jerusalemin panpi ngaiyin akhut alhang dohin ahinlah apanpi ding amu joupoi. Pakaiyin Ami Isrealte chunga, aheng akom ho chu agalmi asohdoh pehhan! Ama ho hi ponse banga paimanga um ahitai.

錫安舉手，無人安慰。 耶和華論雅各已經出令， 使四圍的人作他仇敵； 耶路撒冷在他們中間像不潔之物。

18 Jerusalemin aseiyin Pakai hi adih’e, ajeh chu keiman ama dounan na kana tong’e, chitin namtinin ka thusei hi neingai pehun, ka thoh gimna hi neihet pehun, ka chanute’u leh ka chapate’u khol gamla taha galhingin eikaimang peh tauve.

耶和華是公義的！ 他這樣待我，是因我違背他的命令。 眾民哪，請聽我的話， 看我的痛苦； 我的處女和少年人都被擄去。

19 Keiman kaloi kagolte koma kithopina kathumin amahonla eingai peh pouve. Ka themputeu leh ka lamkaiteu khopi sung’a kelin athi gam tauve, ahinkhou kihuhdohna ding aholun amu jou pove.

我招呼我所親愛的， 他們卻愚弄我。 我的祭司和長老正尋求食物、救性命的時候， 就在城中絕氣。

20 Pakai kalung lengvaina neivetpehin, ka chonset jeh'in ka lungthim ahesoh’e, kholai dung’a kitha tona aumin insung lang’a thilong aki jam’e.

耶和華啊，求你觀看， 因為我在急難中。 我心腸擾亂； 我心在我裏面翻轉， 因我大大悖逆。 在外，刀劍使人喪子； 在家，猶如死亡。

21 Ka lung gim ka khoisatna mitam tahin eijah pehin ahinlah koima chan eihung lhamon pon ahi. Ka galmiten kathoh gimna ajah phatun Pakai nangin neibolnao hi akipa piuvin ahi. Oh Pakai keiho thoh tobang banga amaho nathohsah dinga naseipihnao nikhochu lhunsah loiyin.

聽見我歎息的有人； 安慰我的卻無人！ 我的仇敵都聽見我所遭的患難； 因你做這事，他們都喜樂。 你必使你報告的日子來到， 他們就像我一樣。

22 Pakai ka chonsetnao jeh'a nei engbol bangu chun amahon eibolsetnao hi venlang amahojong engbolin. Ka lengvainao hi atamvalin ka lungthim sung’u asuna lheh jeng’e.

願他們的惡行都呈在你面前； 你怎樣因我的一切罪過待我， 求你照樣待他們； 因我歎息甚多，心中發昏。