Saame 121

1 Ko e Hiva ʻae ʻalu hake. Te u hanga hake hoku mata ki he ngaahi moʻunga, ʻaia ʻoku haʻu mei ai hoku tokoni.

I will lift up mine eyes unto the hills, from whence cometh my help.

2 ‌ʻOku haʻu hoku tokoni meia Sihova, ʻaia ne ne ngaohi ʻae langi mo māmani.

My help cometh from Yhwh, which made heaven and earth.

3 ‌ʻE ʻikai tuku ʻe ia ke hiki ho vaʻe: ko ia ʻoku ne tauhi koe ʻe ʻikai tulemohe ia.

He will not suffer thy foot to be moved: he that keepeth thee will not slumber.

4 Vakai, ko ia ʻoku ne tauhi ʻa ʻIsileli ʻe ʻikai te ne tulemohe pe mohe.

Behold, he that keepeth Israel shall neither slumber nor sleep.

5 Ko Sihova ko ho tauhi: ko Sihova ko ho fakamalu ia ʻi ho nima toʻomataʻu.

Yhwh is thy keeper: Yhwh is thy shade upon thy right hand.

6 ‌ʻE ʻikai taaʻi koe ʻe he laʻā ʻi he ʻaho, pe ʻe he māhina ʻi he pō.

The sun shall not smite thee by day, nor the moon by night.

7 ‌ʻE fakahaofi koe ʻe Sihova mei he kovi kotoa pē: te ne fakamoʻui ho laumālie.

Yhwh shall preserve thee from all evil: he shall preserve thy soul.

8 ‌ʻE tauhi ʻe Sihova hoʻo ʻalu kituʻa mo hoʻo liu mai mei he ʻaho ni, pea taʻengata.

Yhwh shall preserve thy going out and thy coming in from this time forth, and even for evermore.