Men Epijuj 6

1 KOMAIL jeri kan peiki on me wia komail ada pan Kaun o, pwe i me pun.

KOMAIL seri kan peiki ong me wia komail ada pan Kaun o, pwe i me pung.

2 Kakaki jam om o in om, iei tapin kujoned, me inaupa mia,

Kakaki sam om o in om, iei tapin kusoned, me inaupa mia,

3 Pwe koe en injenemau o pil maur warai nin jappa.

Pwe koe en insenemau o pil maur warai nin sappa.

4 Komail jam akan der kamakar mal noumail jeri kan, kakair irail ada ni kaian mau o panau on Kaun o.

Komail sam akan der kamakar mal noumail seri kan, kakair irail ada ni kaian mau o panau ong Kaun o.

5 Komail ladu kan en oke omail jaumaj akan ni pali uduk ni majak o rerer o pil ni tiak en karakarak en monion omail dueta on Krijtuj.

Komail ladu kan en oke omail saumas akan ni pali uduk ni masak o rerer o pil ni tiak en karakarak en mongiong omail dueta ong Kristus.

6 Kaidin janjal mon aramaj eta, pwen konekon re’rail, a en dueta ladu en Krijtuj, me kin pereperen wiawia kupur en Kot jan monion omail.

Kaidin sansal mon aramas eta, pwen konekon re’rail, a en dueta ladu en Kristus, me kin pereperen wiawia kupur en Kot sang mongiong omail.

7 O komail en papa mau, pwe on Kaun o, a kaidin on aramaj akan.

O komail en papa mau, pwe ong Kaun o, a kaidin ong aramas akan.

8 Pwe komail aja, me mau kot, me amen pan wiada, Kaun pan katini on i jota lipilipil ij i, ma ladu de me maioda amen.

Pwe komail asa, me mau kot, me amen pan wiada, Kaun pan katingi ong i sota lipilipil is i, ma ladu de me maioda amen.

9 O komail jaumaj akan en wia dueta on irail, o der jakone irail, pwe komail aja, me arail o pil omail Jaumaj kotikot nanlan, o a jota kotin lipilipil aramaj amen.

O komail saumas akan en wia dueta ong irail, o der sakone irail, pwe komail asa, me arail o pil omail Saumas kotikot nanlang, o a sota kotin lipilipil aramas amen.

10 Ikmuri ri ai kan komail kelaileki Kaun o ni a manaman.

Ikmuri ri ai kan komail kelaileki Kaun o ni a manaman.

11 Purion tatan mauin karoj en Kot, pwe komail en kak kelail palian tewil a widiwidin kan.

Puriong tatan mauin karos en Kot, pwe komail en kak kelail palian tewil a widiwiding kan.

12 Pwe kaidin uduk o nta, me kitail en pei on, a on jaupeidi o manaman akan, o on jaumaj en jappa kan, me kin kakaunda nan rotorot wet, o on kaun nenin en lan akan. (aiōn g165)

Pwe kaidin uduk o nta, me kitail en pei ong, a ong saupeidi o manaman akan, o ong saumas en sappa kan, me kin kakaunda nan rotorot wet, o ong kaun ngenin en lang akan. (aiōn g165)

13 Ari, pweki mepukat komail en ale tatan mauin karoj en Kot, pwe komail en kak kelail ni ran jued, o kajinenda murin omail kapwaiadar meakaroj.

Ari, pweki mepukat komail en ale tatan mauin karos en Kot, pwe komail en kak kelail ni ran sued, o kasinenda murin omail kapwaiadar meakaros.

14 Komail ari kajinenda, luke pamail en katenetenki melel o pereki pere pan maramara me pun.

Komail ari kasinenda, luke pamail en katengetengki melel o pereki pere pan maramara me pung.

15 O na omail en kitekit pena, pwen onop on wa jili ronamau en popol.

O nä omail en kitekit pena, pwen onop ong wa sili rongamau en popol.

16 A pil eu pan ko on mepukat: Komail ale perepa en pojon, pwen kakun kila katieu kijiniai en me jued o.

A pil eu pan ko ong mepukat: Komail ale perepa en poson, pwen kakun kila katieu kisiniai en me sued o.

17 Komail pil ale lijorop en kamaur o kodlaj en Nen, me majan en Kot.

Komail pil ale lisorop en kamaur o kodlas en Ngen, me masan en Kot.

18 O podidi on kapakap o wia poekipoeki. Nidinidiki Nen ni meakaroj. O majamajan, o poden kapakapaki jaraui kan karoj.

O podidi ong kapakap o wia poekipoeki. Ngidingidiki Ngen ni meakaros. O masamasan, o poden kapakapaki saraui kan karos.

19 O kapakapa kin ia, pwe i en nil meledok o au ai en jar a pajan ai ainar en kaweweda me rir en ronamau.

O kapakapa kin ia, pwe i en ngil meledok o au ai en sara pasang ai aingar en kaweweda me rir en rongamau.

20 Me nai jaunpadakepa, me jalidier, pwe i en kelail on padapadaki, duen me kon on.

Me ngai saunpadakepa, me salidier, pwe i en kelail ong padapadaki, duen me kon ong.

21 A pwe komail en aja ir ai kan, o me i kin wiada, ri atail kompok Tikikuj o papa lelapok en Kaun o, pan padaki on komail meakaroj.

A pwe komail en asa ir ai kan, o me i kin wiada, ri atail kompok Tikikus o papa lelapok en Kaun o, pan padaki ong komail meakaros.

22 I me i kadarala, pwe komail en ajadar ir at akan, o pwe i en kamait monion omail.

I me i kadarala, pwe komail en asadar ir at akan, o pwe i en kamait mongiong omail.

23 Popol on ri atail, o limpok ianaki pojon jan ren Kot Jam o Kaun Iejuj Krijtuj!

Popol ong ri atail, o limpok iangaki poson sang ren Kot Sam o Kaun Iesus Kristus!

24 Mak en mimi ren karoj, me kin pok on atail Kaun Iejuj Krijtuj kokolata!

Mak en mimi ren karos, me kin pok ong atail Kaun Iesus Kristus kokolata!