Men Epijuj 5

1 KOMAIL kaalemoni Kot dueta jeri kompok kan.

KOMAIL kaalemongi Kot dueta seri kompok kan.

2 O kekeid ni limpok dueta Krijtuj, me kotin, pok on kitail, ap kotin jokonpaude kin kitail, pwen wiala kijakij o mairon eu, me kin pomau on Kot.

O kekeid ni limpok dueta Kristus, me kotin, pok ong kitail, ap kotin sokonpaude kin kitail, pwen wiala kisakis o mairong eu, me kin pomau ong Kot.

3 A nenek, o jon en jaut karoj, o norok kapwa ender man pwaida re omail, duen me kon on jaraui kan.

A nenek, o song en saut karos, o norok kapwa ender man pwaida re omail, duen me kon ong saraui kan.

4 Pil der lokaia jued, o kaman, o lokaia mal, me jota kon on, a iet: Komail en danke.

Pil der lokaia sued, o kaman, o lokaia mal, me sota kon ong, a iet: Komail en danke.

5 Mepukat komail en aja o dedeki, me jota me nenek, de jamin, de me norok kapwa, me poni ani tikitik, pan kak jojoki wein Krijtuj o Kot.

Mepukat komail en asa o dedeki, me sota me nenek, de samin, de me norok kapwa, me pongi ani tikitik, pan kak sosoki wein Kristus o Kot.

6 Jota amen en kotau ki komail lokaia mal, pwe mepukat kin kareda onion en Kot on jeri jopeik kan.

Sota amen en kotau ki komail lokaia mal, pwe mepukat kin kareda ongiong en Kot ong seri sopeik kan.

7 Komail ender kij arail.

Komail ender kis arail.

8 Pwe maj o komail me rotorot, a met komail marainlar ren Kaun o; weweid wei duen jeri en marain akan.

Pwe mas o komail me rotorot, a met komail marainlar ren Kaun o; weweid wei duen seri en marain akan.

9 Pwe wan marain mepukat: Kamau, o pun o melel.

Pwe wan marain mepukat: Kamau, o pung o melel.

10 O kajauiada, me kin kaperenda kupur en Kaun o.

O kasauiada, me kin kaperenda kupur en Kaun o.

11 O der waroki on wiawia jued en me rotorot akan, a mak eta, en kapun on irail.

O der waroki ong wiawia sued en me rotorot akan, a mak eta, en kapung ong irail.

12 Pwe me re kin wiada waja rir, me jued o jota mau on, en inda.

Pwe me re kin wiada wasa rir, me sued o sota mau ong, en inda.

13 A karoj me pan kajanjaleda, pan kadiarok kida marain, pwe marain kin kajanjaleda meakaroj.

A karos me pan kasansaleda, pan kadiarok kida marain, pwe marain kin kasansaleda meakaros.

14 I me a kotin majani: Pirida koe me mamair, o paurida jan ren me melar akan, a Krijtuj pan kamarain uk ada.

I me a kotin masani: Pirida koe me mamair, o paurida sang ren me melar akan, a Kristus pan kamarain uk ada.

15 Kalaka, pwe komail en keid ineneweita, kaidin duen me lolepon a duen me lolekon kan.

Kalaka, pwe komail en keid ineneweita, kaidin duen me lolepon a duen me lolekong kan.

16 Audaud anjau mau, pweki ran akan me jued.

Audaud ansau mau, pweki ran akan me sued.

17 Komail ari ender lamponla, a en lolekon, pwe i duen kupur en Kaun.

Komail ari ender lamponla, a en lolekong, pwe i duen kupur en Kaun.

18 Ender kamom wain, pwe a kin kareda tiak jued, a komail en direki Nen.

Ender kamom wain, pwe a kin kareda tiak sued, a komail en direki Ngen.

19 O jauaj pena ki pjalm, o kaul en kapin, o kaul nenin; komail kaul o kajan on Kaun o nan monion omail.

O sauas pena ki psalm, o kaul en kaping, o kaul ngenin; komail kaul o kasang ong Kaun o nan mongiong omail.

20 Danke kaukaule Kot o Jam ni mar en atail Kaun Iejuj Krijtuj.

Danke kaukaule Kot o Sam ni mar en atail Kaun Iesus Kristus.

21 O papa komail pena amen amen ni majak dol en Krijtuj.

O papa komail pena amen amen ni masak dol en Kristus.

22 Komail li akan, udi on pein omail warok kan dueta on Kaun.

Komail li akan, udi ong pein omail warok kan dueta ong Kaun.

23 Pwe ol o me tapwin a paud, dueta Krijtuj me tapwin momodijou, o i me Jaunkamaur pan war a.

Pwe ol o me tapwin a paud, dueta Kristus me tapwin momodisou, o i me Saunkamaur pan war a.

24 A duen momodijou kin udi on Krijtuj, iduen li akan en udi on ar warok kan ni meakaroj.

A duen momodisou kin udi ong Kristus, iduen li akan en udi ong ar warok kan ni meakaros.

25 Komail ol akan pok on pein omail warok kan, dueta Krijtuj kotin pok on momodijou o kotiki don i pein i.

Komail ol akan pok ong pein omail warok kan, dueta Kristus kotin pok ong momodisou o kotiki dong i pein i.

26 Pwen kajarauiala i, o kamakelekeleda i ki pil o, iei a majan.

Pwen kasarauiala i, o kamakelekeleda i ki pil o, iei a masan.

27 Pwen kajanjale don pein i momodijou linan, me jota topala o omrok ape, a me jaraui o jo kaopa kot.

Pwen kasansale dong pein i momodisou lingan, me sota topala o omrok ape, a me saraui o so kaopa kot.

28 Nan iduen ol akan en pok on ar warok kan dueta pein war arail akan. Me kin pok on a warok, kin pok on pein i.

Nan iduen ol akan en pok ong ar warok kan dueta pein war arail akan. Me kin pok ong a warok, kin pok ong pein i.

29 Jota amen kin juedeki pein uduk a; pwe a kin kamana o kanainai eta, dueta Krijtuj kin kotin apwali momodijou.

Sota amen kin suedeki pein uduk a; pwe a kin kamanga o kanainai eta, dueta Kristus kin kotin apwali momodisou.

30 Pwe kitail me kajan en war a, o uduk a, o a kokon akan.

Pwe kitail me kasang en war a, o uduk a, o a kokon akan.

31 I me aramaj o pan muei jan jam a o in a, ap muei on a paud, ira ari pan uduk ta ieu la.

I me aramas o pan muei sang sam a o in a, ap muei ong a paud, ira ari pan uduk ta ieu la.

32 Meid kaponepon lapalap eu; a nai kaparokki duen Krijtuj a warokeki on momodijou.

Meid kaponepon lapalap eu; a ngai kaparokki duen Kristus a warokeki ong momodisou.

33 Pil dueta komail, amen amen komail en pok on a warok dueta pein i, a li o en kakaki a warok.

Pil dueta komail, amen amen komail en pok ong a warok dueta pein i, a li o en kakaki a warok.