Timoteuj I 4

1 A NEN me kotin kokop melel, ni imwin kaua akai pan pupe wei jan pojon, ap id wuki on nen widin o padak en tewil akan,

A NGEN me kotin kokop melel, ni imwin kaua akai pan pupe wei sang poson, ap id wuki ong ngen widing o padak en tewil akan,

2 Me kin janjale mau ki liki, ap likilikam o injen arail kakaluakalar ki kijin mata karakar.

Me kin sansale mau ki liki, ap likilikam o insen arail kakaluakalar ki kisin mata karakar.

3 Re kin inapwiedi kapapaud, o dene ren liki jan jon en mana, me Kot kotin wiadan irail, me danke, o pojon, o dedekila melel

Re kin inapwiedi kapapaud, o dene ren liki sang song en manga, me Kot kotin wiadang irail, me danke, o poson, o dedekila melel o.

4 Pwe audepa karoj, en Kot me mau, o jota meakot me mal, ma aramaj pan tunole ap danke.

Pwe audepa karos, en Kot me mau, o sota meakot me mal, ma aramas pan tungole ap danke.

5 Pwe a pan kajaraui kila majan Kot o kapakap.

Pwe a pan kasaraui kila masan Kot o kapakap.

6 Ma koe pan padaki on ri atail akan, koe ap pan papa en Krijtuj Ieiuj mau amen, me kin keleki majan en pojon o padak mau, me koe dadaureta mau lel met.

Ma koe pan padaki ong ri atail akan, koe ap pan papa en Kristus Iesus mau amen, me kin keleki masan en poson o padak mau, me koe dadaureta mau lel met.

7 Ma koe pan kan kajoi likam en li laud akai o kaianeki pein uk me kon on Kot.

A koe en kang kasoi likam en li laud akai o kaianeki pein uk me kon ong Kot.

8 Pwe kaiane kin uk pali war, a jota non katopa, a meid mau paieki Kot ni meakoaroj, pwe iei kaporopor en maur et o pil maur kokodo

Pwe kaiane kin uk pali war, a sota non katepa, a meid mau paieki Kot ni meakaros, pwe iei kaporopor en maur et o pil maur kokodo.

9 Nan melel kojoi pot et o a war on kitail en apwaliea.

Nan melel kasoi pot et o a war ong kitail en apwaliela.

10 Pwe iet me je kin dodok on o kalokolokki, at kaporoporeki Kot ieiaj, me Jaunkamour en aramaj akan karoj, a maj on irail me pojon.

Pwe iet me se kin dodok ong o kalokolokki, at kaporoporeki Kot ieias, me Saunkamaur en aramas akan karos, a mas ong irail me poson.

11 Mepukat koe en katitiki o kaukaweweki.

Mepukat koe en katitiki o kaukaweweki.

12 Jota amen me pan mamaleki om manakap, a wiala men kaalemoni on jaulan kan, ni om lokaia o wiawia kan, o limpok, o pojon, o makelekel.

Sota amen me pan mamaleki om manakap, a wiala men kaalemongi ong saulang kan, ni om lokaia o wiawia kan, o limpok, o poson, o makelekel.

13 O nantion wadok, o panaui, o padak lao i pan pwar wei.

O nantiong wadok, o panaui, o padak lao i pan pwar wei.

14 Der kajamal la pai en mak o, me koe aleer ki deideikop o ni en jaunkoa kan ar pwil pa ar po om.

Der kasamal la pai en mak o, me koe aleer ki deideikop o ni en saunkoa kan ar pwil pa ar po om.

15 Koe en podidi o jopijokki mepukat, pwe om lolekon en janjal on karoj.

Koe en podidi o sopisokki mepukat, pwe om lolekong en sansal ong karos.

16 Kalaka pein uk o padak o, tenedi on jon pukat, pwe ma koe pan wiada due, koe ap pan dorela pein uk o pil, me kin ron uk.

Kalaka pein uk o padak o, tengedi ong song pukat, pwe ma koe pan wiada due, koe ap pan dorela pein uk o pil, me kin rong uk.