Timoteuj I 3

1 MELEL kajoi pot et: Ma amen rapaki koa en pijop, a kin inon ion wiawia mau eu.

MELEL kasoi pot et: Ma amen rapaki koa en pisop, a kin inong iong wiawia mau eu.

2 A pijop o en pun, o warok en li ta men, o jo kowei kodo, a lelapok, o tiak mau, o apwali men kairu, o koiok on padak;

A pisop o en pung, o warok en li ta men, o so kowei kodo, a lelapok, o tiak mau, o apwali men kairu, o koiok ong padak;

3 A der kamom joko, o jo pamara, a en materok, o der inon ion akamai, o der pok on moni.

A der kamom soko, o so pamara, a en materok, o der inong iong akamai, o der pok ong moni.

4 Me kin kaunda mau pein toun im a, o me na jeri kan kin peiki on ni tiak pun.

Me kin kaunda mau pein toun im a, o me na seri kan kin peiki ong ni tiak pung.

5 A ma amen, me jokoiok on kaunda pein toun im a, iaduen a pan kak kaunda momodijou en Kot?

A ma amen, me sokoiok ong kaunda pein toun im a, iaduen a pan kak kaunda momodisou en Kot?

6 Pil kaidin jaulan kap amen, pwe a ende aklapalap, ap lodi on kadeik en tewil.

Pil kaidin saulang kap amen, pwe a ende aklapalap, ap lodi ong kadeik en tewil.

7 O en pil kalok mau ren me mi liki, pwe a de lodi on kanamenok o katikatiamau pan tewil.

O en pil kalok mau ren me mi liki, pwe a de lodi ong kanamenok o katikatiamau pan tewil.

8 Pil dueta jaunkoa kan en lelapok, jo lo riapot, jo kamom joko, jo noroke moni.

Pil dueta saunkoa kan en lelapok, so lo riapot, so kamom soko, so noroke moni.

9 Me kin kolekol nan injen arail makelekel rir en pojon.

Me kin kolekol nan insen arail makelekel rir en poson.

10 Mepukat en kajojonla maj, irail ap pan papa, ma irail me pun.

Mepukat en kasosongla mas, irail ap pan papa, ma irail me pung.

11 Pil dueta en jaunkoa ar warok kan, ren wia me kon on, o jo likinekine, o jo kowei kodo, o melel ni meakaroj.

Pil dueta en saunkoa ar warok kan, ren wia me kon ong, o so likinekine, o so kowei kodo, o melel ni meakaros.

12 Jaunkoa kan en warok en li ta men o ren kaunda mau nair jeri kan o toun im arail.

Saunkoa kan en warok en li ta men o ren kaunda mau nair seri kan o toun im arail.

13 A me papa mau, kin kalok maui pein irail, o re pan pereperenki melel pojon me mi ren Krijtuj Iejuj.

A me papa mau, kin kalok maui pein irail, o re pan pereperenki melel poson me mi ren Kristus Iesus.

14 Mepukat i intin won uk, o i kaporoporeki, me i pan pwarala re om madan.

Mepukat i inting wong uk, o i kaporoporeki, me i pan pwarala re om madang.

15 A ma i pwapwand, koe en aja duen me koe pan wia nan tanpaj en Kot, iei momodijou en Kot ieiaj, o ur o pajon en melel.

A ma i pwapwand, koe en asa duen me koe pan wia nan tanpas en Kot, iei momodisou en Kot ieias, o ur o pason en melel.

16 Meid lapalap rir en pai ren Kot: Kot janjaleda ni uduk, ap diarokada me pun amen ren Nen, ap pwaralan tounlaw kan, ap lolok on men liki kan, ap kamelel lar ren toun jappa, ap peukadalan waja linan.

Meid lapalap rir en pai ren Kot: Kot sansaleda ni uduk, ap diarokada me pung amen ren Ngen, ap pwaralang tounlang kan, ap lolok ong men liki kan, ap kamelel lar ren toun sappa, ap peukadalang wasa lingan.