Men Korint I 11

1 KOMAIL idauen ia do duen I kin idauen Krijtuj.

KOMAIL idauen ia do duen i kin idauen Kristus.

2 I kin kapinaki komail omail tamataman ia ni meakan karoj, o dadaurata pun kan, duen i kakalikidi on komail er.

I kin kapingaki komail omail tamataman ia ni meakan karos, o dadaurata pung kan, duen i kakalikidi ong komail er.

3 A i men, komail en ajadar, me Krijtuj tapwin ol akan, a ol me tapwin li, a Kot me tapwin Krijtuj.

A i men, komail en asadar, me Kristus tapwin ol akan, a ol me tapwin li, a Kot me tapwin Kristus.

4 A ma amen amen ren ol akan wia kapakap de kokop ap lijoropedi, a kin kajuedeki pein mon a.

A ma amen amen ren ol akan wia kapakap de kokop ap lisoropedi, a kin kasuedeki pein mong a.

5 A ma li amen wia kapakap de kokop, ap jota lijoropedi, nan I kin kajuedeki pein mon a, pwe a rajon me pit en mon a jeijei jan.

A ma li amen wia kapakap de kokop, ap sota lisoropedi, nan i kin kasuedeki pein mong a, pwe a rasong me pit en mong a seisei sang.

6 Pwe ma li amen jota lijoropedi, en koteda, a ma a kanamenok li en kotedar o kotokot, i en pwaindi mon a.

Pwe ma li amen sota lisoropedi, en koteda, a ma a kanamenok li en kotedar o kotokot, i en pwaindi mong a.

7 A ol o ender lijoropedi, pwe i me kajanjal o linan en Kot, a li o me linan en ol o.

A ol o ender lisoropedi, pwe i me kasansal o lingan en Kot, a li o me lingan en ol o.

8 Pwe ol jo tapi jan li, a li jan ol o.

Pwe ol so tapi sang li, a li sang ol o.

9 Pwe ol jota wiaui on li, a li wiaui on ol o.

Pwe ol sota wiaui ong li, a li wiaui ong ol o.

10 I me li o en kida manaman eu pon mon a pweki tounlan kan,

I me li o en kida manaman eu pon mong a pweki tounlang kan,

11 Ari jo, li amen jota kak mia ma jota ol; o ol amen jota kak mia, ma jota li, a mepukat ren Kaun o.

Ari so, li amen sota kak mia ma sota ol; o ol amen sota kak mia, ma sota li, a mepukat ren Kaun o.

12 Pwe duen li o a tapi jan ol, iduen ol o wiaui kida li, a karoj wiauier ren Kot.

Pwe duen li o a tapi sang ol, iduen ol o wiaui kida li, a karos wiauier ren Kot.

13 Komail en pein kajauiada, ma a janjal mau, ma li amen kapakap on Kot, ap jo lijoropedi.

Komail en pein kasauiada, ma a sansal mau, ma li amen kapakap ong Kot, ap so lisoropedi.

14 De pein komail aja, me kanamenok pan ol, ma a pwili peipei.

De pein komail asa, me kanamenok pan ol, ma a pwilipeipei.

15 A linan en li a pwilipeipei, pwe pid en mon a en ko on i, en pwaindi i.

A lingan en li a pwilipeipei, pwe pid en mong a en ko ong i, en pwaindi i.

16 A ma amen re omail men akamai, a en aja, me kit jota kin wia due, momodijou en Kot akan pil jo.

A ma amen re omail men akamai, a en asa, me kit sota kin wia due, momodisou en Kot akan pil so.

17 A ni ai kujonededa me pukat i jota kin kapina omail pokon pena, me jota kin ka maui a kajuedeki komail,

A ni ai kusonededa mepukat i sota kin kapinga omail pokon pena, me sota kin kamaui a kasuedeki komail,

18 Pwe ni omail pokon pena nan momodijou, i ronadar, me komail kin liak toror pajan, o i mur kamelele.

Pwe ni omail pokon pena nan momodisou, i rongadar, me komail kin liak toror pasang, o i mur kamelele.

19 Pwe komail en liak toror pajan, pwe me pun kan en janjal kida re omail.

Pwe komail en liak toror pasang, pwe me pung kan en sansal kida re omail.

20 Komail lao pokon pena waja kij, kaidin i jak kamadip en Kaun o.

Komail lao pokon pena wasa kis, kaidin i sak kamadip en Kaun o.

21 Pwe ni kamadip toun kapar kin amatan maj, a amen men manadar, a amen jokolar.

Pwe ni kamadip toun kapar kin amatang mas, a amen men mangadar, a amen sokolar.

22 Jota im omail, waja en mana o nim? De komail kin mamaleki momodijou en Kot o kanamenok ir ala, me jota ar tunol? Da me i en inda? I en kapin komail? Ni mepukat i jota pan kapina.

Sota im omail, wasa en manga o nim? De komail kin mamaleki momodisou en Kot o kanamenok ir ala, me sota ar tungol? Da me i en inda? I en kaping komail? Ni mepukat i sota pan kapinga.

23 Pwe i aleer jan ren Kaun o, me i pwiliki on komail er, me Kaun Iejuj pon ota en a panala, a limada prot,

Pwe i aleer sang ren Kaun o, me i pwiliki ong komail er, me Kaun Iesus pong ota en a pangala, a limada prot,

24 Murin a laolaoki, kamauieda, pilitiki pajan, majani: Ale tunole war ai met et, me pilitiki on komail, en wia, pwen katakataman kin ia.

Murin a laolaoki, kamauieda, pilitiki pasang, masangi: Ale tungole war ai met et, me pilitiki ong komail, en wia, pwen katakataman kin ia.

25 A murin jak, a pil kotin limada dal majani: Dal wet iei inau kap, me wiaui kidar nt’ ai. Pan pak en omail nima jan, komail wiaki men kataman kin ia.

A murin sak, a pil kotin limada dal masani: Dal wet iei inau kap, me wiaui kidar nt’ ai. Pan pak en omail nima sang, komail wiaki men kataman kin ia.

26 Pwe pan pak en omail kan prot wet o nima jan dal wet, Komail kajanjaleda en Kaun a matala, lao a kotido.

Pwe pan pak en omail kang prot wet o nima sang dal wet, komail kasansaleda en Kaun a matala, lao a kotido.

27 Ari me kan prot wet o nim jan dal en Kaun o ap jo war on iei me dip ion war o ntan Kaun o.

Ari me kang prot wet o nim sang dal en Kaun o ap so war ong iei me dip iong war o ntan Kaun o.

28 Amen amen en kajauiada pein i, ap kan jan prot o nima jan dal o.

Amen amen en kasauiada pein i, ap kang sang prot o nima sang dal o.

29 Pwe me kan o nim jowar, kin kan o nim kadeik on pein i, pwe a jota kajampwaleki war o.

Pwe me kang o nim sowar, kin kang o nim kadeik ong pein i, pwe a sota kasampwaleki war o.

30 Nan i me toto nan pun omail me luetalar o jomaudar, o me toto mairedier.

Nan i me toto nan pung omail me luetalar o somaudar, o me toto mairedier.

31 Pwe ma kitail kajauiada pein kitail, kitail jota pan pakadeikada.

Pwe ma kitail kasauiada pein kitail, kitail sota pan pakadeikada.

32 A ma kitail pan pakadeikada, kitail pan kalokolok ren Kaun o, pwe kitail de ian men liki lokidokila.

A ma kitail pan pakadeikada, kitail pan kalokolok ren Kaun o, pwe kitail de iang men liki lokidokila.

33 Ari ri ai ol akan, komail lao pokon pena pwen jak, en papajan pena amen amen.

Ari ri ai ol akan, komail lao pokon pena pwen sak, en papasan pena amen amen.

34 A ma amen men manadar, i en mana maj nan im a; pwe komail de pokon penan kadeik o. A me lua kan i pan kapunala ni ai pwara won.

A ma amen men mangadar, i en manga mas nan im a; pwe komail de pokon penang kadeik o. A me lua kan i pan kapungala ni ai pwara wong.