Men Korint I 10

1 PWE ri ai kan, i men, komail en aja duen jam atail akan, me mi pan palin dapok eu o kotela madau o.

PWE ri ai kan, i men, komail en asa duen sam atail akan, me mi pan palin dapok eu o kotela madau o.

2 Irail karoj ap paptaij on Mojej ni palin dapok o ni madau o,

Irail karos ap paptais ong Moses ni palin dapok o ni madau o.

3 O karoj tunoler jak nenin,

O karos tungoler sak ngenin,

4 O karoj nim jan pil nenin; pwe irail nim jan paip nenin, me kotikot re’rail, iei paip o Krijtuj.

O karos nim sang pil ngenin; pwe irail nim sang paip ngenin, me kotikot re’rail, iei paip o Kristus.

5 A me toto re’rail, me Kot jota kak kupuramauki, pwe irail lokidokilar nan jap tan.

A me toto re’rail, me Kot sota kak kupuramauki, pwe irail lokidokilar nan sap tan.

6 A mepukat wiauier, pwe kitail de kaalemoni, pwe kitail ender inon ion me jued akan duen irail inon ion.

A mepukat wiauier, pwe kitail de kaalemongi, pwe kitail ender inong iong me sued akan duen irail inong iong.

7 Komail pil ender kati ani mal due irail, duen a intinidier: Aramaj pukat mondi penan nam o nim ap uda madomadon.

Komail pil ender kati ani mal due irail, duen a intingidier: Aramas pukat mondi penang nam o nim ap uda madomadong.

8 Kitail pil der wia nenek, duen me akai irail wiadar, ap rianen jilekid mekilar ni ran ta ieu.

Kitail pil der wia nenek, duen me akai irail wiadar, ap rianen silekid mekilar ni ran ta ieu.

9 Kitail pil der kajonejon Krijtuj, duen akai irail kajonejon i, ap mekilar jerpent kai.

Kitail pil der kasongesong Kristus, duen akai irail kasongesong i, ap mekilar serpent kai.

10 Komail pil der lipaned, duen akai ir lipanededar, ap kame kilar men kamekam men.

Komail pil der lipaned, duen akai ir lipanededar, ap kame kilar men kamekam men.

11 Mepukat karoj wiaui on irail men kaalemoni; ap intinidier, pwe men panaui kin kitail, pwe kitail leler imwin kaua. (aiōn g165)

Mepukat karos wiaui ong irail men kaalemongi; ap intingidier, pwe men panaui kin kitail, pwe kitail leler imwin kaua. (aiōn g165)

12 Ari ma amen lamelame, me a kajinenda, en kalaka pein i, pwe a de pupedi.

Ari ma amen lamelame, me a kasinenda, en kalaka pein i, pwe a de pupedi.

13 Jota jonejon eu lel on komail, i eta, me aramaj itar on pwe Kot me melel, me jota kin mueid on komail Jonejon eu me komail jota itar on, A ni jonejon a pan kotin kaimwijokela duen me pan kak pa omail

Sota songesong eu lel ong komail, i eta, me aramas itar ong, pwe Kot me melel, me sota kin mueid ong komail songesong eu, me komail sota itar ong. A ni songesong a pan kotin kaimwisokela, duen me pan kak pa omail

14 Ari kompoke pai kan, komail tane jan kati ani mal!

Ari kompoke pai kan, komail tange sang kati ani mal!

15 Mepukat i indai on komail, pwe komail me lolekon; a pein komail kajauiada, me i inda.

Mepukat i indai ong komail, pwe komail me lolekong; a pein komail kasauiada, me i inda.

16 Dal en pai me kit kin kapaiada, kaidin i dal en atail jaupena ren ntan Krijtuj? O prot me kit kin pilitiki pajan, kaidin i atail jaupena en war en Krijtuj?

Dal en pai me kit kin kapaiada, kaidin i dal en atail saupena ren ntan Kristus? O prot me kit kin pilitiki pasang, kaidin i atail saupena en war en Kristus?

17 Pwe kitail me toto me lopon ta ieu, o war ta ieu, pwe kitail karoj tunole jan lopon ta ieu.

Pwe kitail me toto me lopon ta ieu, o war ta ieu, pwe kitail karos tungole sang lopon ta ieu.

18 Komail kilan Ijrael pali uduk. Irail me kin kan jan mairon, kaidin irail pil minimini on pei jaraui?

Komail kilang Israel pali uduk. Irail me kin kang sang mairong, kaidin irail pil minimini ong pei saraui?

19 A da me i en inda? I en inda me mairon on ani mal meakot? De dikedik en ani mal meakot?

A da me i en inda? I en inda me mairong ong ani mal meakot? De dikedik en ani mal meakot?

20 A karoj me men liki kan maironki, re kin maironki on tewil akan a kaidin on Kot. A I jota mauki, komail en minimin on tewil akan.

A karos me men liki kan mairongki, re kin mairongki ong tewil akan a kaidin ong Kot. A i sota mauki, komail en minimin ong tewil akan.

21 Komail jota kak nima jan dal en Kaun o pil jan dal en tewil akan; komail jota kak ian tepel en Kaun o pil tepel en tewil akan.

Komail sota kak nima sang dal en Kaun o pil sang dal en tewil akan; komail sota kak iang tepel en Kaun o pil tepel en tewil akan.

22 De kitail en palian Kaun o? Kitail me kelail jan i?

De kitail en palian Kaun o? Kitail me kelail sang i?

23 A muei oner meakaroj, a kaidin karoj me kin kamaula; a muei oner meakaroj, a kaidin karoj me kin kapunla.

A muei onger meakaros, a kaidin karos me kin kamaula; a muei onger meakaros, a kaidin karos me kin kapungla.

24 Jota amen me pan apwali pein a dipijou, a en amen.

Sota amen me pan apwali pein a dipisou, a en amen.

25 Karoj me kin netila nan wajan netikila uduk, komail kan, ap der kalelapok duen jon ar, pwe komail der katoutouki injen omail.

Karos me kin netila nan wasan netikila uduk, komail kang, ap der kalelapok duen song ar, pwe komail der katoutouki insen omail.

26 Pwe japwilim en Kaun jappa o audepa kan.

Pwe sapwilim en Kaun sappa o audepa kan.

27 A ma amen, me jopojon pan luke komail, en toun kapara kamadip, o ma komail men ian, ari, karoj me pan nek on komail, komail en kan, ap der kalelapok duen jon a, pwe komail der ka toutouki injen omail.

A ma amen, me soposon pan luke komail, en toun kapara kamadip, o ma komail men iang, ari, karos me pan nek ong komail, komail en kang, ap der kalelapok duen song a, pwe komail der katoutouki insen omail.

28 A ma amen pan indan komail: Met kijan mairon en ani mal, komail der kan pweki i, me kajaledar, pwe komail der kawela injen arail.

A ma amen pan indang komail: Met kisan mairong en ani mal, komail der kang pweki i, me kasaledar, pwe komail der kawela insen arail.

29 A met i jolar inda duen pein injen om a duen injen en amen. Pwe menda injen en amen pan kajauiada ai jaladokelar?

A met i solar inda duen pein insen om a duen insen en amen. Pwe menda insen en amen pan kasauiada ai saladokelar?

30 Pwe ma i ian kan ki danke, menda i en kalok jued, pwe i tunole ni ai danke?

Pwe ma i iang kang ki danke, menda i en kalok sued, pwe i tungole ni ai danke?

31 Ari, ma komail kan de nim de wia meakot, komail en wia meakaroj, pwen wauneki Kot.

Ari, ma komail kang de nim de wia meakot, komail en wia meakaros, pwen wauneki Kot.

32 Komail der kadipikelekel men Juj, de men Krik, de momodijou en Kot,

Komail der kadipikelekel men Sus, de men Krik, de momodisou en Kot,

33 Duen i kin pok on amen amen ni ai wiawia kan karoj, o jo moneki me pein ai, pwen jauaja me toto, pwe irail en dorela.

Duen i kin pok ong amen amen ni ai wiawia kan karos, o so moneki me pein ai, pwen sauasa me toto, pwe irail en dorela.