Dagiti Salmo 107
1 Agyamankayo kenni Yahweh, ta naimbag isuna, ken ti kinapudnona iti tulagna ket agtalinaed iti agnanayon.
| הדו ליהוה כי טוב כי לעולם חסדו׃ |
2 Agsao koma dagiti sinubbot ni Yahweh, dagiditi inispalna manipud iti pannakabalin ti kabusor.
| יאמרו גאולי יהוה אשר גאלם מיד צר׃ |
3 Inruarna ida kadagiti ganggannaet a daga, manipud iti laud ken manipud iti daya, manipud iti amianan ken manipud iti abagatan.
| ומארצות קבצם ממזרח וממערב מצפון ומים׃ |
4 Nagalla-allada idiay let-ang iti awan matataona a dalan ket awan ti nasarakanda a siudad a pagnaedanda.
| תעו במדבר בישימון דרך עיר מושב לא מצאו׃ |
5 Gapu ta nabisinan ken nawawda, natalimudawda gapu ta napakapsutanda.
| רעבים גם צמאים נפשם בהם תתעטף׃ |
6 Ket immawagda kenni Yahweh iti pakariribukanda ket inispalna ida manipud iti pakarigatanda.
| ויצעקו אל יהוה בצר להם ממצוקותיהם יצילם׃ |
7 Indalanna ida iti nalinteg a dalan tapno makapanda iti siudad a pagnaedanda.
| וידריכם בדרך ישרה ללכת אל עיר מושב׃ |
8 O idaydayaw koma dagita a tattao ni Yahweh gapu iti kinapudnona iti tulagna ken gapu kadagiti nakakaskasdaaw a banbanag nga inaramidna iti sangkataoan!
| יודו ליהוה חסדו ונפלאותיו לבני אדם׃ |
9 Ta penpennekenna dagiti tarigagay dagiti mawaw ken pinunnona dagiti tarigagay dagiti mabisin kadagiti nasayaat a banbanag.
| כי השביע נפש שקקה ונפש רעבה מלא טוב׃ |
10 Nagtugaw dagiti dadduma iti kasipngetan ken nalidem, a balbalud iti panagsagaba ken kadagiti kawar.
| ישבי חשך וצלמות אסירי עני וברזל׃ |
11 Daytoy ket gapu iti panagsukirda iti sao ti Dios ken linaksidda ti pagannurutan ti Kangangatoan.
| כי המרו אמרי אל ועצת עליון נאצו׃ |
12 Pinagpakumbabana dagiti pusoda babaen iti panagrigat; naitublakda ket awan iti tumulong a mangibangon kadakuada.
| ויכנע בעמל לבם כשלו ואין עזר׃ |
13 Ket immawagda ngarud kenni Yahweh iti panagrigatda ket inyaonna ida iti pakarikutanda.
| ויזעקו אל יהוה בצר להם ממצקותיהם יושיעם׃ |
14 Inikkatna ida manipud iti sipnget ken lidem ken pinugsatna dagiti kawarda.
| יוציאם מחשך וצלמות ומוסרותיהם ינתק׃ |
15 O idaydayaw koma dagita a tattao ni Yahweh gapu iti kinapudnona iti tulagna ken gapu kadagiti nakakaskasdaaw a banbanag nga inaramidna iti sangkataoan!
| יודו ליהוה חסדו ונפלאותיו לבני אדם׃ |
16 Ta dinadaelna dagiti bronse a ruangan ken pinutedna dagiti landok a balunek.
| כי שבר דלתות נחשת ובריחי ברזל גדע׃ |
17 Maagda kadagiti panagsukirda ken nagrigatda gapu kadagiti basbasolda.
| אולים מדרך פשעם ומעונתיהם יתענו׃ |
18 Napukawda ti ganasda a mangan iti aniaman a taraon, ket immasidegda kadagiti ruangan ti patay.
| כל אכל תתעב נפשם ויגיעו עד שערי מות׃ |
19 Ket immawagda kenni Yahweh iti panagrigatda, ket inispalna ida manipud iti pakarikutanda.
| ויזעקו אל יהוה בצר להם ממצקותיהם יושיעם׃ |
20 Imbaonna dagiti saona ket pinaimbagna ida, ken inispalna ida manipud iti pannakadadaelda.
| ישלח דברו וירפאם וימלט משחיתותם׃ |
21 O dayawen koma dagita a tattao ni Yahweh gapu iti kinapudnona iti tulagna ken gapu kadagiti nakaskasdaaw a banbanag nga inaramidna iti sangkataoan!
| יודו ליהוה חסדו ונפלאותיו לבני אדם׃ |
22 Agidatonda koma kadagiti daton ti panagyaman ken iwaragawagda dagiti aramidna babaen iti panagkankanta.
| ויזבחו זבחי תודה ויספרו מעשיו ברנה׃ |
23 Dagiti dadduma ket nagdaliasat iti baybay babaen iti barko ken nagnegosyoda iti ballasiw ti taaw.
| יורדי הים באניות עשי מלאכה במים רבים׃ |
24 Nakita dagitoy dagiti aramid ni Yahweh ken dagiti datdatlag nga inaramidna kadagiti taaw.
| המה ראו מעשי יהוה ונפלאותיו במצולה׃ |
25 Ta binilinna ken pinarnuayna ti napigsa nga angin a nangpadalluyon kadagiti taaw.
| ויאמר ויעמד רוח סערה ותרומם גליו׃ |
26 Nagpangatoda aginggana iti tangatang; limnedda iti kaadalman. Narunaw dagiti biagda gapu iti pakarigatan.
| יעלו שמים ירדו תהומות נפשם ברעה תתמוגג׃ |
27 Nagdiwerdiwer ken naiparusisida a kasla kadagiti mammartek ket nagpatinggan ti laingda.
| יחוגו וינועו כשכור וכל חכמתם תתבלע׃ |
28 Ket immawagda ngarud kenni Yahweh iti pakariribukanda, ket inyaonna ida manipud iti pakarigatanda.
| ויצעקו אל יהוה בצר להם וממצוקתיהם יוציאם׃ |
29 Pinagkalmana ti bagyo ket nagtalna dagiti dalluyon.
| יקם סערה לדממה ויחשו גליהם׃ |
30 Ket nagrag-oda gapu ta kimmalma ti baybay, ken inyapanna ida iti tinarigagayanda a pagsangladan.
| וישמחו כי ישתקו וינחם אל מחוז חפצם׃ |
31 O dayawen koma dagita a tattao ni Yahweh gapu iti kinapudnona iti tulagna ken gapu kadagiti nakakaskasdaaw a banbanag nga inaramidna iti sangkataoan!
| יודו ליהוה חסדו ונפלאותיו לבני אדם׃ |
32 Itag-ayda koma isuna iti gimongan dagiti tattao ken idaydayawda koma isuna iti taripnong dagiti panglakayen.
| וירממוהו בקהל עם ובמושב זקנים יהללוהו׃ |
33 Pagbalbalinenna a let-ang dagiti karayan, dagiti ubbog ti danum a namaga a daga,
| ישם נהרות למדבר ומצאי מים לצמאון׃ |
34 ken pagbalinenna a langalang ti nabunga a daga gapu iti kinadangkes dagiti tattaona.
| ארץ פרי למלחה מרעת ישבי בה׃ |
35 Pagbalbalinenna a dan-aw dagiti let-ang ken ti namaga a daga nga ubbog dagiti danum.
| ישם מדבר לאגם מים וארץ ציה למצאי מים׃ |
36 Pagnanaedenna ti mabisin sadiay, ket mangbangonda iti siudad a pagnaedanda.
| ויושב שם רעבים ויכוננו עיר מושב׃ |
37 Mangbangonda it siudad a pagtalonanda, a pagmulaanda iti ubas, ken mangpataud iti nawadwad nga apit.
| ויזרעו שדות ויטעו כרמים ויעשו פרי תבואה׃ |
38 Benbendisionanna ida isu nga immadoda. Saanna nga ipalubos a maksayan ti bilang dagiti tarakenda.
| ויברכם וירבו מאד ובהמתם לא ימעיט׃ |
39 Bimmassit ken naibabainda gapu iti nasaem a riribuk ken panagsagaba.
| וימעטו וישחו מעצר רעה ויגון׃ |
40 Imbuyatna ti pungtotna kadagiti mangidadaulo a nakaigapuan iti panagalla-allada idiay let-ang, nga awanan iti dal-dalan.
| שפך בוז על נדיבים ויתעם בתהו לא דרך׃ |
41 Ngem salsalaknibanna ti agkasapulan manipud iti panagrigat ken ay-aywananna dagiti pamiliana a kasla iti arban.
| וישגב אביון מעוני וישם כצאן משפחות׃ |
42 Makita daytoy dagiti nalinteg ket agrag-oda, ket nagulimek dagiti amin a kinadangkes.
| יראו ישרים וישמחו וכל עולה קפצה פיה׃ |
43 Ti siasinoman a nasirib ket rumbeng a panunotenda dagitoy a banbanag ken utubenna dagiti aramid ni Yahweh iti kinapudnona ti tulagna.
| מי חכם וישמר אלה ויתבוננו חסדי יהוה׃ |
