תהילים 130

1 שיר המעלות ממעמקים קראתיך יהוה׃

Abụ nrigo. O Onyenwe anyị, ọ bụ site nʼebe dị omimi ka m na-ebeku gị akwa.

2 אדני שמעה בקולי תהיינה אזניך קשבות לקול תחנוני׃

Onyenwe anyị, nụrụ olu m. Ka ntị gị na-aṅakwa ntị nʼolu arịrịọ m, maka amara.

3 אם עונות תשמר יה אדני מי יעמד׃

O Onyenwe anyị, a sị na i detuo mmehie niile, Onyenwe anyị, onye pụrụ iguzo?

4 כי עמך הסליחה למען תורא׃

Ma ọ bụ nʼaka gị ka mgbaghara mmehie dị; ime ka anyị tụọ gị egwu, ma jeere gị ozi.

5 קויתי יהוה קותה נפשי ולדברו הוחלתי׃

Ana m echere Onyenwe anyị, mkpụrụobi m na-echekwa ya, ọ bụ nʼokwu ya ka olileanya m dị.

6 נפשי לאדני משמרים לבקר שמרים לבקר׃

Mkpụrụobi m na-echere Onyenwe anyị karịa ndị nche abalị na-echere chị ọbụbọ, e, karịa ndị nche abalị na-echere chị ọbụbọ.

7 יחל ישראל אל יהוה כי עם יהוה החסד והרבה עמו פדות׃

Ndị Izrel, ka olileanya unu dịrị na Onyenwe anyị, nʼihi na ịhụnanya ya na-adịgide adịgide, nʼaka ya ka nzọpụta zuruoke dịkwa.

8 והוא יפדה את ישראל מכל עונתיו׃

Ya onwe ya, ga-agbapụta Izrel site na mmehie ya niile.