איוב 7
| הלא-צבא לאנוש על- (עלי-) ארץ וכימי שכיר ימיו | 1 |
Mihem jouse hinkho hi hahsatna toh kidel jing hilou ham? Ihinkho uhi kitha lah khut tobang hilou ham?
| כעבד ישאף-צל וכשכיר יקוה פעלו | 2 |
Liim ngaicha aum natong mi tobang ahin, soh atohna man ngah tobang ahi.
| כן הנחלתי לי ירחי-שוא ולילות עמל מנו-לי | 3 |
Keima jong lha phabep sunga chu phatchomna bei natoh eikipen ahi, lunggel gentheina dimset in jankho sot noijah genthei kathoh e.
| אם-שכבתי-- ואמרתי מתי אקום ומדד-ערב ושבעתי נדדים עדי-נשף | 4 |
Jalkhun chungah kalumin, itih tah le jingkah ahitadem tin kagel jin, ahinlah jan in eisu chol in khovah kahsen kaki pehle le jin ahi.
| לבש בשרי רמה וגיש (וגוש) עפר עורי רגע וימאס | 5 |
Kati chungla than leh akhih in atom dimin ka vun jong apohkeh gamin anai along longe.
| ימי קלו מני-ארג ויכלו באפס תקוה | 6 |
Ka nikho ho jong pon khong ho patphei kilham sangin ging jon, kinepna beijin akichai ji'e.
| זכר כי-רוח חיי לא-תשוב עיני לראות טוב | 7 |
O Pathen, kahin kho hi hai khat bep bou ahi ti nei geldoh peh in, chule keiman kipana hi kanei kit lou hel ding ahi.
| לא-תשורני עין ראי עיניך בי ואינני | 8 |
Nangin tua hi neimu ahin, ahinlah nei musot pon nate, nangin neiven natin ahinlah keima ana chemang tange.
| כלה ענן וילך כן יורד שאול לא יעלה (Sheol h7585) | 9 |
Meilhang akithecheh a aman hel bangin, athiho khu hung kile kit tapou vinte. (Sheol h7585)
| לא-ישוב עוד לביתו ולא-יכירנו עוד מקמו | 10 |
Amaho chu ainuva patna tonsotna mukit tah lou dinga chemang ahitauve.
| גם-אני לא אחשך-פי אדברה בצר רוחי אשיחה במר נפשי | 11 |
Keima thusei louvin kaum theipoi, kalung genthei naho kasei doh a ka lhagao genthei jeh a kiphin ding kahi.
| הים-אני אם-תנין כי-תשים עלי משמר | 12 |
Keima hi twikhanglen'a kichat chat um ganhing len ahilouleh gullui kahia nahonbit nanoija chu neikoi jeng ding ham?
| כי-אמרתי תנחמני ערשי ישא בשיחי משכבי | 13 |
Keima kalupna in eilhamon intin, chule ka imut teng kanat genthei na ho olsah tante tin kagelle.
| וחתתני בחלמות ומחזינות תבעתני | 14 |
Ahinlah nangin mangse neimatsah jin, chule gaothil mu in nei kichat sah ji'e.
| ותבחר מחנק נפשי מות מעצמותי | 15 |
Hitia genthei thoh sang hin, eikimeh lih jeng hen lang thileng pha kasa joi.
| מאסתי לא-לעלם אחיה חדל ממני כי-הבל ימי | 16 |
Kahinkho kadei mon hitia hin hin ding hi kadei tapoi, O nikho lhomcha kanei sung hin kachangin nei dalha jengin.
| מה-אנוש כי תגדלנו וכי-תשית אליו לבך | 17 |
Mihem hohi ipi hiuva, nangin hibanga hi na khohsah a chule nagel jing jeng ham?
| ותפקדנו לבקרים לרגעים תבחננו | 18 |
Ajeh chu nangin jingkah seh le nakhol chil soh in, chule phat jousen na patep jinge.
| כמה לא-תשעה ממני לא-תרפני עד-בלעי רקי | 19 |
Kachil valna ding phatsung beh a ipi dinga nei dalhah lou ham?
| חטאתי מה אפעל לך-- נצר האדם למה שמתני למפגע לך ואהיה עלי למשא | 20 |
Chonset kanei ahilehnang chunga ipi kabol khah ham? O mihem te vejing pa, keihi nanga dinga pohgih kahija, natup penna neisem ham?
| ומה לא-תשא פשעי-- ותעביר את-עוני כי-עתה לעפר אשכב ושחרתני ואינני | 21 |
Kachonsetna hi ngaidam jengin lang chule kathemmona ho nei lahmang peh tan, ajeh chu leivui lah a kijam a thivah ding kahitan, nangin hin ven natin chemang tange.
