Sòm 110

1 Se yon sòm David. Seyè a pale ak wa a, chèf mwen an, li di: -Chita la sou bò dwat mwen, jouk tan mwen fè lènmi ou yo tounen yon ti ban pou lonje pye ou.

[A Psalm by David.] The LORD says to my Lord, "Sit at my right hand, until I make your enemies a footstool for your feet."

2 Seyè a va fè ou dominen sou peyi ki lòt bò fwontyè peyi Siyon. Li di ou: -Gouvènen sou tout lènmi ou yo.

The LORD will send forth the rod of your strength out of Zion. Rule in the midst of your enemies.

3 Jou w'ap pare pou konbat lènmi ou yo, pèp ou a va prese vin ba ou konkou. Tankou lawouze nan granmaten, jenn gason ou yo va vin jwenn ou sou mòn ki apa pou Bondye a.

Your people offer themselves willingly on the day of your power. On the holy mountains at sunrise the dew of your youth will be yours.

4 Seyè a te sèmante, l'ap toujou kenbe pawòl li: -Ou se prèt pou tout tan, menm jan ak Mèlkisedèk.

The LORD has sworn, and will not change his mind: "You are a priest forever in the order of Melchizedek."

5 Seyè a kanpe sou bò dwat ou. Lè l' ankòlè l'ap krabinen wa yo.

The LORD is at your right hand. He will crush kings in the day of his wrath.

6 L'ap jije nasyon yo, l'ap anpile kadav sou kadav, l'ap kraze chèf yo toupatou sou latè.

He will judge among the nations. He will heap up dead bodies. He will shatter the head throughout a vast territory.

7 Wa a ap bwè dlo larivyè k'ap koule bò wout la. Se poutèt sa li p'ap janm bese tèt devan lènmi l' yo.

He will drink of the brook in the way; therefore he will lift up his head.