Psalms 30

1 A Psalm of David: dedication-song of the house. I will extol thee, Jehovah; for thou hast delivered me, and hast not made mine enemies to rejoice over me.

Itan-okka O Yahweh, ta intag-aynak ken saanmo nga impalubos nga agragsak dagiti kabusorko gapu kaniak.

2 Jehovah my God, I cried unto thee, and thou hast healed me.

O Yahweh a Diosko, immawagak kenka iti tulong, ket inagasannak.

3 Jehovah, thou hast brought up my soul from Sheol, thou hast quickened me from among those that go down to the pit. (Sheol h7585)

O Yahweh, inyaonmo ti kararuak manipud sheol; pinagtalinaednak a sibibiag manipud iti pannakaiyulogko iti tanem. (Sheol h7585)

4 Sing psalms unto Jehovah, ye saints of his, and give thanks in remembrance of his holiness.

Agkantakayo kadagiti pagdaydayaw kenni Yahweh, dakayo a napudno a tattaona! Agyamankayo no malagipyo ti kinasantona.

5 For a moment [is passed] in his anger, a life in his favour; at even weeping cometh for the night, and at morn there is rejoicing.

Ta ti pungtotna ket apagbiit laeng; ngem ti kinaimbagna ket agingga iti tungpal biag. Umay ti panagsangit iti rabii, ngem umay ti rag-o iti bigat.

6 As for me, I said in my prosperity, I shall never be moved.

Iti kinatalged kinunak, “Saanakto a pulos a magun-gon.”

7 Jehovah, by thy favour thou hadst made my mountain to stand strong: thou didst hide thy face; I was troubled.

O Yahweh, babaen iti kinaimbagmo impasdeknak a kas maysa a natibker a bantay; ngem idi inlemmengmo ti rupam, nariribukanak.

8 I called to thee, Jehovah, and unto the Lord did I make supplication:

Immawagak kenka O Yahweh, ket nasarakak ti kinaimbag manipud iti Apok!

9 What profit is there in my blood, in my going down to the pit? shall the dust praise thee? shall it declare thy truth?

Ania ngata ti pagimbagan ti ipapatayko, no maiyulogak iti tanem? Idaydayawnaka ngata ti tapuk? Iwaragawagna kadi ti kinamatalekmo?

10 Hear, O Jehovah, and be gracious unto me; Jehovah, be my helper.

Denggem O Yahweh, ket maasika kaniak! O Yahweh, agbalinka a katulongak.

11 Thou hast turned for me my mourning into dancing; thou hast loosed my sackcloth, and girded me with gladness;

Pinagbalinmo a panagsalsala ti panagladladingitko; inikkatmo ti nakirsang a lupotko ket binadoannak iti kinaragsak.

12 That [my] glory may sing psalms of thee, and not be silent. Jehovah my God, I will praise thee for ever.

Ita ngarud, ti napadayawan a pusok ket ikantana ti panagdayaw kenka ket saanak nga agulimek; O Yahweh a Diosko, pagyamananka iti agnanayon!