Psalms 111

1 Praise ye Jehovah. I will give thanks unto Jehovah with my whole heart, In the council of the upright, and in the congregation.

E HALELU aku ia Iehova: E mililani aku au ia Iehova me kuu naau a pau, Ma ke anaina o ka poe pono, a me ka ahakanaka no hoi.

2 The works of Jehovah are great, Sought out of all them that have pleasure therein.

He mana no na hana a Iehova, A ua imiia hoi e ka poe a pau i makemake aku ia mau mea.

3 His work is honor and majesty; And his righteousness endureth for ever.

He nani, a he hanohano hoi kana hana; E mau loa ana no kona pono.

4 He hath made his wonderful works to be remembered: Jehovah is gracious and merciful.

Ua hana oia i mea e hoomanaoia'i kana mau hana mana: He aloha, a he lokomaikai o Iehova.

5 He hath given food unto them that fear him: He will ever be mindful of his covenant.

Ua haawi mai oia i ka ai na ka poe makau aku ia ia: E hoomanao mau loa no oia i kona berita.

6 He hath showed his people the power of his works, In giving them the heritage of the nations.

Ua hoike mai oia i kona poe kanaka i ka mana o kana mau hana, I ka haawi ana mai ia lakou e noho ma na hooilina o ko na aina e.

7 The works of his hands are truth and justice; All his precepts are sure.

O na hana a kona mau lima, he oiaio, a he hoopono, He oiaio no kana mau kauoha a pau.

8 They are established for ever and ever; They are done in truth and uprightness.

Onipaa loa lakou, a i ka manawa pau ole, Ua hanaia ma ka oiaio, a ma ka pololei.

9 He hath sent redemption unto his people; He hath commanded his covenant for ever: Holy and reverend is his name.

Hoouna mai oia i ka hoolapanai no kona poe kanaka: Ua kauoha mai oia, e mau loa kona berita: He hoano, a he mea weliweli hoi kona inoa.

10 The fear of Jehovah is the beginning of wisdom; A good understanding have all they that do [his commandments]: His praise endureth for ever.

O ka makau aku ia Iehova, oia ke kumu o ke akamai; He naauao maikai ka poe a pau o hana malaila; E mau loa ana no kona hoonaniia.