约伯记 39

1 山岩间的野山羊几时生产，你知道吗？ 母鹿下犊之期，你能察定吗？

“Wee nĩũũĩ rĩrĩa mbũri cia irĩma-inĩ iciaraga? Wee nĩwĩroragĩra rĩrĩa thwariga ĩgũciara kaana kayo?

2 它们怀胎的月数，你能数算吗？ 它们几时生产，你能晓得吗？

Wee nĩũtaraga mĩeri ĩrĩa ciikaraga ingĩgaaciara? Nĩũũĩ hĩndĩ ĩrĩa iciaraga?

3 它们屈身，将子生下， 就除掉疼痛。

Ciĩthunaga igaciara twana twacio; ruo rwacio rwa gũciara rũgathira.

4 这子渐渐肥壮，在荒野长大， 去而不回。

Twana twacio twagĩraga mwĩrĩ, tũgakũra tũrĩ na hinya o kũu gĩthaka-inĩ; tũkinyaga ihinda rĩa kwehera na tũticookaga.

5 谁放野驴出去自由？ 谁解开快驴的绳索？

“Nũũ warekereirie njagĩ ĩthiiage ĩtarĩ mũũria? Nũũ wamĩohorire mĩhĩndo?

6 我使旷野作它的住处， 使咸地当它的居所。

Ndaamĩheire werũ ũtuĩke mũciĩ wayo, naguo bũrũri wa cumbĩ ũtuĩke gĩtũũro kĩayo.

7 它嗤笑城内的喧嚷， 不听赶牲口的喝声。

Ĩthekagĩrĩra inegene rĩrĩ thĩinĩ wa itũũra; ndĩiguaga mũkaĩrĩrio wa mũtwarithia.

8 遍山是它的草场； 它寻找各样青绿之物。

Ĩrimũthagĩra irĩma-inĩ ĩgĩetha gwa kũrĩa, ĩkahaara kahuti o gothe karuru.

9 野牛岂肯服事你？ 岂肯住在你的槽旁？

“Mbogo ya njamba-rĩ, yetĩkĩra gũgũtungata? No ĩkindĩrie mũharatĩ-inĩ waku ũtukũ?

10 你岂能用套绳将野牛笼在犁沟之间？ 它岂肯随你耙山谷之地？

No ũhote kũmĩoha matandĩko ĩrĩme na mũraũ? No ĩkuume thuutha ituamba-inĩ ĩkĩrĩmaga na mũraũ?

11 岂可因它的力大就倚靠它？ 岂可把你的工交给它做吗？

No ũmĩĩhoke nĩ ũndũ atĩ ĩrĩ na hinya mũingĩ? No ũmĩtigĩre wĩra waku mũritũ ĩrutage?

12 岂可信靠它把你的粮食运到家， 又收聚你禾场上的谷吗？

No ũmĩĩhoke ĩkũrehere ngano yaku, na ĩmĩcookanĩrĩrie kĩhuhĩro-inĩ gĩaku?

13 鸵鸟的翅膀欢然搧展， 岂是显慈爱的翎毛和羽毛吗？

“Mathagu ma nyaga mabatabataga nĩ gũkena, no matingĩgerekanio na mathagu na njoya cia njũũ.

14 因它把蛋留在地上， 在尘土中使得温暖；

Ĩrekagĩria matumbĩ mayo tĩĩri-inĩ na ĩkamatiga mũthanga-inĩ magwate ũrugarĩ,

15 却想不到被脚踹碎， 或被野兽践踏。

ĩtegwĩciiria atĩ no makinywo na magũrũ makue, kana marangwo nĩ nyamũ ya gĩthaka.

16 它忍心待雏，似乎不是自己的； 虽然徒受劳苦，也不为雏惧怕；

Ĩĩkaga ciana ciayo ũũru ta itarĩ ciayo; ndĩmakaga atĩ wĩra wayo no ũtuĩke wa tũhũ,

17 因为 神使它没有智慧， 也未将悟性赐给它。

nĩgũkorwo Ngai ndaamĩheire ũũgĩ kana akĩmĩhe igai rĩa mwĩciirĩrie mwega.

18 它几时挺身展开翅膀， 就嗤笑马和骑马的人。

No rĩrĩ, rĩrĩa yatambũrũkia mathagu ĩhanyũke, ĩthekagĩrĩra mbarathi na mũmĩhaici.

19 马的大力是你所赐的吗？ 它颈项上挓挲的鬃是你给它披上的吗？

“Wee nĩwe ũheaga mbarathi hinya wayo, kana ũkamĩhumba ngingo na mũreera?

20 是你叫它跳跃像蝗虫吗？ 它喷气之威使人惊惶。

Wee nĩwe ũtũmaga ĩrũũge ta ngigĩ, ĩkahahũra andũ na mũtiihĩre wayo wa mwĩtĩĩo?

21 它在谷中刨地，自喜其力； 它出去迎接佩带兵器的人。

Ĩhuragia thĩ na ũcamba ĩgĩkenagĩra hinya wayo, ĩkaguthũka ĩtoonyete mbaara-inĩ.

22 它嗤笑可怕的事并不惊惶， 也不因刀剑退回。

Ĩthekagĩrĩra guoya, ĩtarĩ ũndũ ĩngĩtigĩra; ndĩmakagio nĩ rũhiũ rwa njora.

23 箭袋和发亮的枪， 并短枪在它身上铮铮有声。

Thiaka wa mũmĩhaici ũbocabocaga mbaru-inĩ ciayo, hamwe na itimũ rĩkũhenia na mĩcengi.

24 它发猛烈的怒气将地吞下； 一听角声就不耐站立。

Irĩĩaga tĩĩri nĩ ũrũme; ndĩngĩrũgama ĩkindĩirie hĩndĩ ĩrĩa karumbeta kagamba.

25 角每发声，它说呵哈； 它从远处闻着战气， 又听见军长大发雷声和兵丁呐喊。

Hĩndĩ ĩrĩa karumbeta kagamba ĩgatiiha, ‘Hĩ!’ Ĩnyiitaga thaaha wa mbaara ĩrĩ o haraaya, na ĩkaigua kayũ ka anene a mbaara, o na mbugĩrĩrio ya mbaara.

26 鹰雀飞翔，展开翅膀一直向南， 岂是借你的智慧吗？

“Rwĩgĩ-rĩ, nĩwe ũrũhotithagia kũmbũka na ũũgĩ waku, kana gũtambũrũkia mathagu maruo rwerekeire mwena wa gũthini?

27 大鹰上腾在高处搭窝， 岂是听你的吩咐吗？

Nderi nĩwe ũmĩathaga yũmbũke na igũrũ, na ĩkeyakĩra gĩtara kĩayo igũrũ mũno?

28 它住在山岩， 以山峰和坚固之所为家，

Ĩtũũraga kĩharũrũka-inĩ kĩa ihiga, na nĩ ho ĩraaraga; rũhĩa-inĩ rwa ihiga iraaya mũno nĩ ho mwĩgitio wayo.

29 从那里窥看食物， 眼睛远远观望。

Ĩrĩ hau nĩguo ĩcaragĩria gĩa kũrĩa; maitho mayo moonaga irio irĩ o kũraya.

30 它的雏也咂血； 被杀的人在哪里，它也在那里。

Tũcui twayo tũnyuuaga thakame, na handũ harĩa arĩa moragĩtwo marĩ, hau nĩ ho ĩkoragwo.”