La Bu 97
1 Pakai hi leng ahi! Vannoi mite kipah hen! Twikhanglen akimvelle agamla penna um miho jong kipah uhen.
Jehovah reigns. Let the earth rejoice. Let the multitude of islands be glad.
2 Amahi meilhang thim in atomin, chonphatna le thudih chu alaltouna khombul ahi.
Clouds and darkness are around him. Righteousness and justice are the foundation of his throne.
3 Amasang ah meikong aleng’in akidoupi ho ahallih gamin ahi.
A fire goes before him, and burns up his adversaries on every side.
4 Akolphe vah'in vannoi leiset asalvah’in ahi. Leiset in amun akithing thingin ahi.
His lightning lights up the world. The earth sees, and trembles.
5 Molle lhangjong Pakai masanga khoilu bangin ajunlha jengin ahi. Leiset pumpi Pakai masanga hitiahi thil soh-a ahi.
The mountains melt like wax at the presence of Jehovah, at the presence of the Lord of the whole earth.
6 Vanhon adih nale akitahna aphongdoh’in namtin’in aloupina amu’uvin ahi.
The heavens declare his righteousness. All the peoples have seen his glory.
7 Milim semthu doihou ho jouse, pannabei semthu pathen kiletsahpi hojouse jumle jachat athoh’un ahi, ajeh chu semthu pathen hojouse a-anga kun teidiu ahi.
Let all them be shamed who serve engraved images, who boast in their idols. Worship him, all you gods.
8 Jerusale in ajauvin akipah un chuleh Judah khopiho jouse jong athanom’un ahi. Ajeh chu O Pakai nangma thudih nahi.
Zion heard and was glad. The daughters of Judah rejoiced, because of your judgments, Jehovah.
9 Nangma hi O Pakai vannoi leisetna athupipen nahin, semthu pathenho jouse chunga dopsang’in naumin ahi.
For you, Jehovah, are most high above all the earth. You are exalted far above all gods.
10 Nangho Pakai ngailuhon thilse nahot bollun ahi. Aman ami chonphate ahinkho-u ahuhdohjin ahi, chuleh miphalouho thaneina a kon in ahuhdohjin ahi.
You who love Jehovah, hate evil. He preserves the souls of his faithful ones. He delivers them out of the hand of the wicked.
11 Michonpha ho vah-in asalvah’in, chuleh milungdih ho akipah jiuvin ahi.
Light is sown for the righteous, and gladness for the upright in heart.
12 Koi hileh michonpha ho jouse kipah henlang amintheng chu thangvah’u hen!
Be glad in Jehovah, you righteous people. Give thanks to his holy Name.
