Jeremiah 51
1 Hiche hi Pakaiyin aseiye: “Keiman Babylon mite douna mi sumangpa katil doh ding ahi.”
耶和華如此說： 我必使毀滅的風颳起， 攻擊巴比倫和住在立加米的人。
2 Gamchom mite hunguva huisin changpol alhoh manjel bang a, gimna nikhoa amanu doudia jet le veiya kona ahindel khum diu ahi.
我要打發外邦人來到巴比倫， 簸揚她，使她的地空虛。 在她遭禍的日子， 他們要周圍攻擊她。
3 Galvon kivon manlouvin lhauvin, ahilou le thalpi kap thempa jong chun athalpi kamda henlang; galsat mi phalai ho hing hoi dauvin! Sepai jouse sugam hel’ un
拉弓的，要向拉弓的和貫甲挺身的射箭。 不要憐惜她的少年人； 要滅盡她的全軍。
4 Babylon mite gamsung le lamlen ho-a akithat ho lhuchap ding ahiuve.
他們必在迦勒底人之地被殺仆倒， 在巴比倫的街上被刺透。
5 Van Sepai Pakai in Israel leh Judah adalha poi. Ama chu a Pathen-u ahijing in, agamsung-u chonsetna le Israel mithengpa douna adim jeng vang uvin.
以色列和猶大雖然境內充滿違背以色列聖者的罪， 卻沒有被他的上帝－萬軍之耶和華丟棄。
6 Babylon na konin jam un! Kihinsona din lhaiyun! Amanu talen kipehnaa chun kisat lhah thasah hih-uvin! Pakai phulah phat ahin lethuhna lhingset ding ahi.
你們要從巴比倫中逃奔， 各救自己的性命！ 不要陷在她的罪孽中一同滅亡； 因為這是耶和華報仇的時候， 他必向巴比倫施行報應。
7 Babylon hi Pakai khut’a sana khon tobang chu ahin, vannoi pumpi kidon khamsah ahi, namtin vaipin Babylon lengpitwiya kham ahin, chule hichea chu ngolgam a ahitauve.
巴比倫素來是耶和華手中的金杯， 使天下沉醉； 萬國喝了她的酒就顛狂了。
8 Hetman louvin Babylon alhun Amanu din kap’uvin. Amanu ding damdoi peuvin. Ijemtia adam kitthei a ahi le.
巴比倫忽然傾覆毀壞； 要為她哀號； 為止她的疼痛， 拿乳香或者可以治好。
9 Kithopi ding kanom in, ahinlah tun huhdoh thei ahitapoi. Amanu dalhauvin, chetau hite igamcheh uva. Ajeh chu athu kitan lhah na-in van asun, anasa behseh in akitepi abeihel e.
我們想醫治巴比倫， 她卻沒有治好。 離開她吧！我們各人歸回本國； 因為她受的審判通於上天，達到穹蒼。
10 Pakaiyin idihna aphongdoh tai. Hungun, Pakai i-Pathen’u thilbol Zion a seichoi juhite.
耶和華已經彰顯我們的公義。 來吧！我們可以在錫安 報告耶和華－我們上帝的作為。
11 Thalchang ho notval un! lumho domsang un, Pakaiyin Medes lengte lung asuthoutai. Ajeh chu atup chu Babylon a suhmang ding chu ahi, ajeh chu hiche Pakai phulah, a-hou in phulahna ahi.
你們要磨尖了箭頭， 抓住盾牌。 耶和華定意攻擊巴比倫，將她毀滅，所以激動了米底亞君王的心；因這是耶和華報仇，就是為自己的殿報仇。
12 Babylon kulbang vum'a gal ponlap tungdoh-un, khongah hatsah-un, khongah ho tungdoh-un, ajeh chu Babylon mite douna’a Pakaiyin asei chu agongtoh in, atong tai.
你們要豎立大旗， 攻擊巴比倫的城牆； 要堅固瞭望臺， 派定守望的設下埋伏； 因為耶和華指着巴比倫居民所說的話、 所定的意，他已經作成。
13 Hiche gamsung’a hin vadung tampi along in. Kiveina manlu tahtah aum e, ahivangin aphat akichaina ahunglhun tai.
住在眾水之上多有財寶的啊， 你的結局到了！ 你貪婪之量滿了！
14 Pakai Sepai chu amatah akihahsel e, ama min in, “Nakhopi sung’u nagal mite hungdim din, khaokho ho tobang hela mihem kahindip teitei ding nahi, amahon nangma douna’a hung ao-doh diu ahi.”
萬軍之耶和華指着自己起誓說： 我必使敵人充滿你，像螞蚱一樣； 他們必吶喊攻擊你。
15 Pakai in leiset hi Amathahatna asem ahin, asetlouna dinga achihnaa akoi, ahetchetnaa kona jong Aman van aphajal ahitai.
耶和華用能力創造大地， 用智慧建立世界， 用聰明鋪張穹蒼。
16 Ama a-aw asodoh teng, van hoa twipi tamtah ahung umjin van monga konin meilhang asemkhom e. Gojuh teng kol aphetsah-in, akholmuna kon khohui anunsah e.
他一發聲，空中便有多水激動； 他使雲霧從地極上騰。 他造電隨雨而閃， 從他府庫中帶出風來。
17 Hiche amuteng ule mitin a ngolden jiuve chule hetthemna anei pove! Mikhut thiem takip semthu milim a kijumso ahiuve. Ajeh chu amilim semthu uchu joubulom ahin, amaho – a haitheina hu le thilboltheina aumpoi.
各人都成了畜類，毫無知識。 各銀匠都因他的偶像羞愧； 他所鑄的偶像本是虛假的， 其中並無氣息，
18 Hiche milim semthu hochu mohseh, athu aki kholtoh phatteng ule mangthah cheh diu ahi.
都是虛無的，是迷惑人的工作， 到追討的時候，必被除滅。
19 Ahinlah Israel Pathen vang chu milim semthu ahipoi! Thil ijakai Sempa le ahung konna ahin, ama amite ama goulo ahi. Van Pakai sepai janel chu Ama min ahi.
雅各的分不像這些， 因他是造作萬有的主； 以色列也是他產業的支派。 萬軍之耶和華是他的名。
20 Pakaiyin aseiyin, nangma kagal heicha le chemjam nahin, “Namtin vaipi le lenggam jouse suhmangna kaman nahi.”
你是我爭戰的斧子和打仗的兵器； 我要用你打碎列國， 用你毀滅列邦；
21 Chule nangma’a sakolte le achunga toupa kasuh chip ding, kangtalaiho le atolte jong mangthah ding ahi.
用你打碎馬和騎馬的； 用你打碎戰車和坐在其上的；
22 Nangma’a pasal le numei jong kasuchip ding, tehse le chate jong kasuchip ding ahi; Chule nangma’a nungah le gollhang jong kasuchip ding ahi.
用你打碎男人和女人； 用你打碎老年人和少年人； 用你打碎壯丁和處女；
23 Nangma’a kelngoichingpa le akelngoihon jong kasuchip ding, nangma’a loubolpa le abongchal ho, chule agal lamkaiho le vaihom ho jong kasuchip ding ahi.
用你打碎牧人和他的群畜； 用你打碎農夫和他一對牛； 用你打碎省長和副省長。
24 Pakaiyin aseiyin, “Keima in Jerusalem a kamite chun thilse abol chengseu Babylon mite kale thuhding ahi,” ati.
耶和華說：「我必在你們眼前報復巴比倫人和迦勒底居民在錫安所行的諸惡。」
25 Pakayin aseiyin “Ven, thahat mollentah leiset pumpi sumang! Keima nakidoupi kahi.” Nachung a kakhut kalhan doh a, munsang’a kona kasuh lhah’a, nangma ima hilou akavamsa mol kaso ding nahi.
耶和華說： 你這行毀滅的山哪， 就是毀滅天下的山， 我與你反對。 我必向你伸手， 將你從山巖滾下去， 使你成為燒毀的山。
26 Nangma tonsot’a dalpeia umdin nanga kona in – ning song ding le inbul song dia alah lou diu ahitan, nangma hi pampei hel’a um ding nahitai, tin Pakaiyin aseije.
人必不從你那裏取石頭為房角石， 也不取石頭為根基石； 你必永遠荒涼。 這是耶和華說的。
27 Namtin din ponlap khat tahdoh unlang, namtin vaipi lah’a sumkon gintoh kigotsah un kisat ding! Ararat sepaite hinpuidoh un, Minni, chule Ashkenaz gal lamkai semun lang, khao khoho bang in sakol ho hungtousah – un.
要在境內豎立大旗， 在各國中吹角， 使列國預備攻擊巴比倫， 將亞拉臘、米尼、亞實基拿各國招來攻擊她； 又派軍長來攻擊她， 使馬匹上來如螞蚱，
28 Amanu douding namtin vaipi hinpui un, lamkai ding Medes lengte chule a vaihom ho jouse toh,
使列國和米底亞君王，與省長和副省長， 並他們所管全地之人，都預備攻擊她。
29 agam chu akithing thing jeng in anasalheh jeng e. Pakaiyin Babylon dounaa thil agon jouse kikhel lou ding ahi. Babylon gamsung ahomkeova umsah ding aching beihel’a koi ding ahi.
地必震動而瘠苦； 因耶和華向巴比倫所定的旨意成立了， 使巴比倫之地荒涼，無人居住。
30 Amanu galhat ho, galsat ahaiyun. Akul sunga aumden tauve ahatnau adailhan numei toh abang tauve. Achen nau ahallha uvin chule khopi kelkot jouse atumkeh – un ahi.
巴比倫的勇士止息爭戰， 藏在堅壘之中。 他們的勇力衰盡，好像婦女一樣。 巴比倫的住處有火着起， 門閂都折斷了。
31 Thusep khat chu achomto kisuto ding, thangkou khat chu achom khattoh kisuto – a, akhopi chu among khatna konin akilatai ti hil dingin.
跑報的要彼此相遇， 送信的要互相迎接， 報告巴比倫王說： 城的四方被攻取了，
32 Jam na diu lampi ho akikhah in pumpeng aneihou meiya akihal lhan, sepaite akicha gam tauve.
渡口被佔據了， 葦塘被火燒了， 兵丁也驚慌了。
33 Ijeh-inem itileh thaneipen Pakai, Israel Pathen in hitin aseiye, “Babylon chanu chu kengto chotpha akinei tengleh changpol tobang ahin, Ahivang in phat chomkhat nung leh achang –at phat hung lhung ding ahitai,’’ ati.
萬軍之耶和華－以色列的上帝如此說： 巴比倫城好像踹穀的禾場； 再過片時，收割她的時候就到了。
34 “Babylon lengpa Nebuchadnezzar in keima eival lhum in, aman eisuchip in; kathahat jouse asugoitan ahi. Hing ne bangin keima eivel lhum tai, ka haosatna oiva set in eine peh tan. Aman kagam sunga kon in eipei doh tai.
以色列人說： 巴比倫王尼布甲尼撒吞滅我，壓碎我， 使我成為空虛的器皿。 他像大魚將我吞下， 用我的美物充滿他的肚腹， 又將我趕出去。
35 Keima chungle kaphunggol mite chunga pum hat jinga thil kibol chu Babylon khopi chunga chujeng hen,’’ ati. Zion cheng mite chun seiju hen, “Keima thisan man chu Babylon mite gam'a chengte chung a chu jeng hen,’’ tin Jerusalem in jong seihen.
錫安的居民要說： 巴比倫以強暴待我， 損害我的身體， 願這罪歸給她。 耶路撒冷人要說： 願流我們血的罪歸到迦勒底的居民。
36 Jerusalem mite koma Pakaiyin aseiyin, “Nakhan khou gel’ing ting, namelma teuvin nabolnau chu kale ditsah ding ahi. Babylon twikul kansah ingting chule avadung jouse kangsoh ding ahi.”
所以，耶和華如此說： 我必為你伸冤，為你報仇； 我必使巴比倫的海枯竭，使她的泉源乾涸。
37 Chuteng Babylon chu ingem jeng kisechop ding, gamsa chenna soh ding; chule koima chenna hitalouva, gamsa jengseh chenna hiding ahi.
巴比倫必成為亂堆，為野狗的住處， 令人驚駭、嗤笑， 並且無人居住。
38 Amaho abonchauvin keipi bahkai hon banga kitum tum diu, sakei noute banga ngih ngih jeng diu ahi.
他們要像少壯獅子咆哮， 像小獅子吼叫。
39 Amaho nei-yin ahul sat pet tah’a keiman golvah kagonpeh ding, ju kadon sah a; aitih chan geiya ihmu mu jeng diu, kithoukit louva thidiu ahi, tin Pakainyin aseiye.
他們火熱的時候， 我必為他們設擺酒席， 使他們沉醉，好叫他們快樂， 睡了長覺，永不醒起。 這是耶和華說的。
40 Keiman amaho thuhi kelngoi nou akitha na ding le kel ngoichal ho kelcha ho banga kilhainaa ki that bang hi ding ahiuve.
我必使他們像羊羔、 像公綿羊和公山羊下到宰殺之地。
41 Itidan a Babylon chu lhujeng hi tam vannoi pumpi in apachat khopi chu tua hi, amanu namtin a dingin kichat umta thil ahidohtai.
示沙克何竟被攻取？ 天下所稱讚的何竟被佔據？ 巴比倫在列國中何竟變為荒場？
42 Babylon chu twikhanglen in achup tan, amanu achunga twipi aki deldel e.
海水漲起，漫過巴比倫； 她被許多海浪遮蓋。
43 Akhopi hochu akam hel in, gamgo, gamthip, mikhat cha chennalou gam, mihem chapa khatchan ajotpa louhel asoh tai.
她的城邑變為荒場、旱地、沙漠， 無人居住，無人經過之地。
44 Keiman Babylon Pathen bel chu talent kapeh ding, aval lhumsa chu akam sunga kona kalah doh peh ding ahi. Namtin vaipi ho Amahou dinga aheng a hung kitol tol lou hel ding ahi. Ajeh chu Babylon khopi pal chu chim ahitai.
我必刑罰巴比倫的彼勒， 使他吐出所吞的。 萬民必不再流歸他那裏； 巴比倫的城牆也必坍塌了。
45 Hung potdoh'un, kamite, Babylon khopi akon in jam doh loiyun nangma kihuhhing cheh un! Pakai lunghan na kon in jam un.
我的民哪，你們要從其中出去！ 各人拯救自己，躲避耶和華的烈怒。
46 Nalungthim lhahsam sah hih-uvin, Gamsunga thu kithang jeh hin kicha hih uvin; kum khat sunga thu thang khat hung lhung ji ahin, khonung teng akum kit’a chu thu thang khatma hung lhung jia ahiye; Gamsunga pumhat jeng aumtan, Vaihom khat chu vaihom khat dou umcheh ahitai.
你們不要心驚膽怯， 也不要因境內所聽見的風聲懼怕； 因為這年有風聲傳來； 那年也有風聲傳來， 境內有強暴的事， 官長攻擊官長。
47 Hijeh chun vetan, keiman Babylon khopia pathen lim sem thuho talent kapeh na ding nikho ho chu ahung lhunge. Agam sung pumpi hi kijum so ding, alam len dunga amite ki that jouse ki jam dan ding ahiuve.
日子將到，我必刑罰巴比倫雕刻的偶像。 她全地必然抱愧； 她被殺的人必在其中仆倒。
48 Chujou teng le van le leiset chule asung a umjousen, Babylon khopi chunga kipa la asah diu ahi. Ijeh-inam itileh amaho dou dinga Misumang ho chu Sah lam gamkaiya kona hung kondoh ding ahitauve, tin Pakaiyin seiye.
那時，天地和其中所有的， 必因巴比倫歡呼， 因為行毀滅的要從北方來到她那裏。 這是耶和華說的。
49 Babylon in Israel mite athagam banga, chuleh leiset pumpi kitha gam jeh a amanu lhu a ahitai.
巴比倫怎樣使以色列被殺的人仆倒， 照樣她全地被殺的人也必在巴比倫仆倒。
50 Pohdoh un, nangho chemjam’a kona houidoh ho! ding den hih un chule ve hih un – jam thei ahi pat in! Pakai chu geldoh jing un kholgam lhatah a naum vang un, chule na gam lang u Jerusalem gel doh jing un.
你們躲避刀劍的要快走， 不要站住！ 要在遠方記念耶和華， 心中追想耶路撒冷。
51 Jumsona kachang un ahi, ijeh-inem itileh houset kachan u-ahitai. Kamai jengu jong jabolna akilah tapoi, ajeh chu Pakai munthenga gamdang miho ahunglut tauve, tia nasei diu ahi.
我們聽見辱罵就蒙羞，滿面慚愧， 因為外邦人進入耶和華殿的聖所。
52 Hijeh chun ven, hiche nikho ho chu ahung lhung tai, tin Pakaiyin aseije; milim semthu ho chunga thu katan ding, agam pumpi lung leng ding chule maha pua peng ding ahi.
耶和華說： 日子將到，我必刑罰巴比倫雕刻的偶像， 通國受傷的人必唉哼。
53 Babylon chu vanlam sanga kaltou ding hihen, akulpi jeng jong sangtah'a aget ding hijongleh, kamite ama sumang dinga achunga hung lhung ding ahi.
巴比倫雖升到天上， 雖使她堅固的高處更堅固， 還有行毀滅的從我這裏到她那裏。 這是耶和華說的。
54 Babylon awgin kithong leh Chaldea mite gam'a manthahna awgin akithong e.
有哀號的聲音從巴比倫出來； 有大毀滅的響聲從迦勒底人之地發出。
55 Ijeh-inem itileh Pakaiyin Babylon hi akeosah a aumsah ahitan, husa gin beihel a alhaa; acheh chaunau gin jong twi kinong tobang'in aging in, a awgin husan ujong agimnei cheh cheh in ahi.
因耶和華使巴比倫變為荒場， 使其中的大聲滅絕。 仇敵彷彿眾水， 波浪匉訇，響聲已經發出。
56 Misumangpa Babylon chunga achutan, agal hang sepai ho jong akhomtup soh tai. Athalpi jouse jong abang abaijin aum gam in, ajeh chu Pakai chu milethuh Pakai ahin, thon louhel’a lethuhna apehji ahi.
這是行毀滅的臨到巴比倫。 巴比倫的勇士被捉住， 他們的弓折斷了； 因為耶和華是施行報應的上帝， 必定施行報應。
57 Aleng chapate ahin, ami ching ho jouse jaona ju ka-khamsah soh hel ding, chule agam vaipo ahin asepai lah’a thunei vaihom ho, agal hang ho jouse jong khamsoh hel diu ahi. Thabeiya imu lhu diu, kithou talou diu ahitai, tin thaneipen Pakaiyin aseiye.
君王－名為萬軍之耶和華的說： 我必使巴比倫的首領、 智慧人、省長、副省長，和勇士都沉醉， 使他們睡了長覺，永不醒起。
58 Hatchungnung Pakaiyin hiti hin aseiye, Babylon in pal nasatah akai chu tollham a
萬軍之耶和華如此說： 巴比倫寬闊的城牆必全然傾倒； 她高大的城門必被火焚燒。 眾民所勞碌的必致虛空； 列國所勞碌的被火焚燒， 他們都必困乏。
59 Judah lengpa Zedekiah leng ahikal kumli alhing in, Jeremiah themgaovin Babylon mun’a ana kilhonp’n Mahseiah chapa, Neriah chapa Seraiah thu anapen hiti hin anaseiyin ahi. Saraiah kitipa hi thil ijakai chingtup dinga ngensena ana chang ahi.
猶大王西底家在位第四年，上巴比倫去的時候，瑪西雅的孫子、尼利亞的兒子西萊雅與王同去（西萊雅是王宮的大臣），先知耶利米有話吩咐他。
60 Hiti chun Jeremiah chun Babylon mun’a lhung ding thil abonchan anajih lut’in, Babylon thudol in thu hijatpi chu ana kijihlut tan ahi.
耶利米將一切要臨到巴比倫的災禍，就是論到巴比倫的一切話，寫在書上。
61 Chuin Jeremiah in Saraiah henga hiti hin aseiyin, “Babylon mun nalhung teng thu hichengse hi nasim doh tei ding ahi, phatah in vephan,” atin,
耶利米對西萊雅說：「你到了巴比倫務要念這書上的話；
62 hiti hin aseiyin, ‘Pakai nangman hiche mun chungchang thudol’a hin seiyin, hiche mun hi kisu mang ding, asung hi chenna hita lou ding; mihem ahin chule gamsa jeng jong aitih channa chenna hilouding ahom keu jeng hiding ahi.’
又說：『耶和華啊，你曾論到這地方說：要剪除，甚至連人帶牲畜沒有在這裏居住的，必永遠荒涼。』
63 Hiche lekha hi nasim chai teng songkhat toh nakan beh ding, hichu vadung lailunga nase lut ding ahi.
你念完了這書，就把一塊石頭拴在書上，扔在幼發拉底河中，
64 Chuteng keiman hiche mun’a kahin lhut ding thilse jal’a hi Babylon jong kidodoh kit talou ding, hitia chu mangthah hel ding ahitai, tin seiyin,” ati. Hichengse hi Jeremiah thusei dohho ahi.
說：『巴比倫因耶和華所要降與她的災禍，必如此沉下去，不再興起，人民也必困乏。』」 耶利米的話到此為止。
