Danbu Ni Na 22
1 Na sopi bongchal ham khat tou avah mang na mua ahileh, hichu nakimu mosah lou diu, don-nahsah mo’a na koi lou diu, ama vang namu chan uchu nasopi henga nahin kailut joh diu ahi.
你如果看見你兄弟的牛羊迷了路，你不可不顧，應牽回交給你的兄弟。
2 Hiche gancha neipa chu nangma inlam toh kigam lha a um ahia, achenna nahet lou'uva ahileh agancha chu nanghon na inlam uva nahin kai diu, aneipa na sopipan ahung hol kahsea na ventup peh diu ahung hol tengleh phate chaa na lepeh diu ahi.
如果你的兄弟離你遠，或者你不認識他，你該牽到你家中，留在你處，直到你的兄弟來尋找，你就還給他。
3 Asangan ham khat namu tah ujongleh hitia chu nabol diu, asangkhol ham namu ujongleh hiti ma achu nabol peh diu ahi. Ipi thil le lo hijongleh nanghon nasopi thil namu khah tah’uva ahileh nale peh cheh cheh diu, hitia chu nakithopi diu ahi.
對他的驢你應這樣做，對他的衣服也應這樣做；對你兄弟所失，而由你找到的一切物件，都應這樣做；決不可不管不顧。
4 Na sopi khat sangan ham, bongchal ham khat chu lampia alhusa namu khah’uva ahileh, hichu napanpi tei diu ahi. Na sopi gancha alhua chu na phoh doh peh diu, nahuh doh diu ahi.
你若看見你兄弟的驢牛在路上跌到了，你不可不顧，務要幫助他將驢牛扶起。
5 Chule nalah’uva numeiyin pasal chunga kaisa akivonna ponsil chu kivonnaa aman thei louhel ding, hitobanga chon chan chu Pakai, Pathen dinga thet umtah ahi.
女人不可穿男人的服裝，男人亦不可穿女人的衣服；上主你的天主厭惡做這種事的人。
6 Vabu hamkhat chu na tokhah’uva hichu tollham ham thing chung ham khat a um, vabu sunga chu atuiham anou ham khat chu vapin aop khum lai ahileh, hichu anousen puma namat thauva nasuh gam loudiu ahi.
你在路上，如果發現樹上或地上有鳥窩，裏面有雛或有蛋，母鳥在伏雛或孵卵，你不可連母鳥帶幼雛一併拿去；
7 Ahinlah vapi chu nadel mang'uva ahileh, anou chengse chu nakilo thei diu ahi, achutileh phat theina jong nachan diu chule nangho dinga hinkho sotnaa pang ding ahi.
應讓母鳥飛去，只拿去幼雛：好使你獲得幸福，而享長壽。
8 Chule nanghon in thah nasah teng ujongleh, bilha nunga kona mi akhih lhahna lou ding, thisan jal'a themmona achuhna lou dinga, bilha gol jousea aki-tanden nading nasem peh diu ahi.
當你建築新屋時，應在屋頂上做上欄杆，免得有人由上跌下，而使流血的罪歸於你家。
9 Chule na lengpi lei laiyuva muchi ni natu kop thei lou diu, muchi ni natu kop’uva ahileh hichu munthenga katdoh dinga ki sang thei lou ding ahi.
在你的葡萄園內，不可撒上兩樣種子，免得你撒種子的收穫和葡萄園的出產，都成了禁物。
10 Bongchal ham sangan ham khat chu, lou kainaa naman kop thei lou diu ahi.
不可使牛驢一同耕作；
11 Tupat kihel leh pat chom kihel khom jong mangchaa, kisilna a naman thei lou diu ahi.
不可穿羊毛和麻混合織成的布料。
12 Na kivonnau ding na sangkhol chol'u mong ning lam lia chu, pat hol khat cheh naba diu ahi.
你所披的外衣，四邊應做上繸頭。
13 Pasal khat chun numei aji dinga akipuija, alup khompia chujou le numeinu chu athet bol jeng lou ding ahi.
若有人娶妻，與她結合後就憎惡她，
14 Hiche numei nu chu jachat naleh jumna dimset’a alha jenga, hiche numei nu chu kaji ding in kapuiyin kaluppin ahileh, atheng lou mitoh lum khomsa ahitai, ti asei khah ngei ngeiya ahileh,
捏造可恥的事，敗壞她的名譽說：「我娶了這個女人，當我與她結合時，我發現她不是處女。」
15 Hiche numei nu chu anu leh apan jong khopi sung lam kelkot’a thutan vaihom ho henga chu apui lut lhon ding, amanu hi atheng mong mong ahi nai ti, photchetna aga bol lhon ding ahi.
那少女的父母應把少女的處女證，帶到城門，見本城長老。
16 Chuteng numeinu pan jong hitia hi aphondoh ding, hiche pasalpa toh'hin kicheng ding mong monga kana pehdohsa chu ahitai. Ahinlah pasalpan vang muda in solmang ding agoe, tia asei ding ahi.
少女的父親應對長老說：「我將我的女兒嫁給這人為妻，他卻憎惡她，
17 Chugoh keu hilouvin, amanu chunga hin jachatna tampi alhunsah in, “Hiche nachanu chunga hin nungah thengsel ahina ima kamu doh tapoi,” tia asei ding ahi. Chuteng apan jong ka chanu hi nungah theng mong mong ahi, tiphot chetna hicheng hi ahiye tia asei ding, ajehchu hitobang phot chetna dinga chu numeinu anu leh apan jong khopi kelkot thutan vaihom ho, henga aphondoh lhonna pon asil lhon ding ahi.
捏造可恥的事說：我發現你的女兒不是個處女。然而，請看我女兒的處女證! 」然後就將被單舖在本城的長老前。
18 Chujou tengleh khopi sunga upa hon jong, hiche pasalpa chu amat uva ajep diu ahi.
本城的長老應拿住這人，加以處罰，
19 Chule pasalpa chu dangka shekel jakhat a aleu sah diu, hiche dangka shekel jakhat chu nu ngahnu pa chang ding ahi. Ajeh chu hiche pasalpa chun Israel nungah khat aminset sah jeh ahi. Chule numeinu jong jia anei ding, ahinkho lhum keiya dinga ajia pang ding ahi.
並罰他一百銀子，交給少女的父親，因為他壞了一個以色列處女的名譽，這少女仍是他的妻子，他一生不能休她。
20 Amavang nungahnu chunga chu, athenge tiphot chetna aum tah louva ahileh,
但這事若是真的，發現少女真不是處女，
21 Amaho chun hiche nungahnu chu apa in kot phunga kona ahin kai doh diu, chuteng khopi sunga cheng josuen amanu chu songa aselih jeng diu ahi. Ajeh chu hiche numeinu chu chondih louna mangchan aki ngolsah tan, Israel insunga, apa insunga hiti chun ana chon tan ahi. Hitobanga chon chan phalou jouse chu nasuh dih jing diu ahi.
就應將少女領到她父親家門口，本城的人應用石頭砸死她，因為她在以色列中做出了可恥的事，在她父家行了邪淫：這樣你由你中間剷除了這邪惡。
22 Chule pasal khat chun pasal dang jikhat chu aluppi khah tah'a ahileh, numeinu ahin pasal pa ahin anigel lhonna thina chang lhon ding ahi. Hitobang achu Israel sunga thil dihlou chonna jouse nasuh bei diu ahi.
若發現一人與一個有夫之婦同寢，與婦人同寢的男人和那婦人，二人都應處以死刑：這樣你由以色列中剷除了這邪惡。
23 Chule khopi sunga nungah thengsel khat chu pasal khat touvin, kholai dung ham khat a chu aki timatpi jeng tah'a ahileh,
若一年輕處女已許配與人，有人在城中遇見她，而與她同寢；
24 Hitobanga chon teni chu ani lhonna khopi sung lam kelkot phunga nahin kaidoh diu, ani lhona songa na selih jeng diu ahi. Ajeh chu numeinu jong chu apanpi thei mi tampi kho sunga aum in, ahinlah ama peng doh louhel in aum in, pasal pan jong aheng akom chu asuh set jeng ahin, hitobang chondan dih lou jouse hi nalah uva kona nasuh thengsel diu ahi.
你們應將他們二人領到當地城門口，用石頭砸死他們：那少女該死，因為她雖在城裏，卻沒有呼救；那男人該死，因為他強姦了人家的妻子：這樣你由你中間剷除了邪惡。
25 Hinlah nungah khat chu mitoh lumkhomsa ama chu gamlah a pasal khat touvin ana lupkhom pia, pasalpa chun numeinu chu tha guma amat chah a aki timat pia ahileh, hiche dinmuna vang hi pasal pa bouseh thina chang ding ahi.
但若有人在郊野遇見了一個許配與人的少女，強姦了她，與她同寢，只有這與她同寢的人該死，
26 Hitobang dinmun thilsoh chung chang hi, numeinu ima kilo theilou ding ahi. Ajeh chu numeinu chunga hin thina chan gotna pehna ding aum pon, pasal khat in asopipa lam ajot lutna thina achansah tobang ahi.
對那少女，不可行刑，因為她並沒有犯死罪，因為這件事就如一個人狙擊自己的鄰人，將他殺死一樣；
27 Ajeh chu hiche numeinu chu pasal pan gamlah a adel khum a aki timatpi ahin, numei khangdong nun jong kithopi ding ngaicha in apeng in, hinlah koiman ajah peh lou ahi.
因為那男人在郊野裏遇見了她，縱使許配與人的少女呼救，也沒有人來救她。
28 Chule pasal khat touvin nungah theng tah khat chu alup pi khah tah a, thahat husana amanu chu aki timat pia alup pettah lhon akimat doh a ahileh,
若有人遇見一個尚未許配與人的年輕處女，抓住她而與她同寢，並被人發見。
29 Hiche pasalpa, nungahnu ki timatpi pa chun numeinu pachu dangka shekel somnga apeh ding ahi, ajeh chu amapa chun numeinu chu aki timatpisa ahitan, a hinkho lhum keiya ji dinga aki puiya hinkho aman ding ahi.
這與她同寢的人應給少女的父親五十「協刻耳」銀子外，還該娶她為妻，因為他強姦了她，一生不能休她。
30 Koitobang pasal khat chun, apa jinu chu jia agel thei louhel ding chule apa ji khat chu anih aho peh thei lou ding ahi.
人不可娶父親的妻子，也不可揭開父親的衣襟。
