Panultihon 12
1 Bisan kinsa nga nahigugma sa pagpanton nahigugma sa kahibalo, apan ang tawo nga nagdumot sa pagbadlong buangbuang.
| אהב מוסר אהב דעת ושנא תוכחת בער׃ |
2 Kaluy-an ni Yahweh ang maayong tawo, apan iyang silotan ang tawo nga nagplano ug daotan.
| טוב יפיק רצון מיהוה ואיש מזמות ירשיע׃ |
3 Ang tawo dili malig-on pinaagi sa pagkadaotan, apan kadtong nagbuhat ug maayo dili gayod maibot.
| לא יכון אדם ברשע ושרש צדיקים בל ימוט׃ |
4 Ang asawa nga may katakos mao ang korona sa iyang bana, apan siya nga modala ug kaulawan sama sa sakit nga modunot sa iyang kabukogan.
| אשת חיל עטרת בעלה וכרקב בעצמותיו מבישה׃ |
5 Ang mga plano niadtong nagbuhat kung unsa ang husto matarong, apan malimbongon ang tambag sa daotan.
| מחשבות צדיקים משפט תחבלות רשעים מרמה׃ |
6 Ang mga pulong sa daotang mga tawo nag-atang sa kahigayonan aron sa pagpatay, apan ang mga pulong sa matarong maoy motipig kanila.
| דברי רשעים ארב דם ופי ישרים יצילם׃ |
7 Ang daotang mga tawo mapukan ug mangahanaw sila, apan ang panimalay niadtong nagbuhat ug matarong motindog.
| הפוך רשעים ואינם ובית צדיקים יעמד׃ |
8 Ang tawo pagadayegon pinaagi sa kadako sa kaalam nga anaa kaniya, apan ang mga tawo nga mopili sa sukwahi isalikway.
| לפי שכלו יהלל איש ונעוה לב יהיה לבוז׃ |
9 Maayo pa ang adunay dili mahinungdanon nga katungdanan— nga sulugoon lamang—kay sa magpasigarbo mahitungod sa imong pagkamahinungdanon apan walay pagkaon.
| טוב נקלה ועבד לו ממתכבד וחסר לחם׃ |
10 Ang tawong nagbuhat ug matarong nag-atiman sa panginahanglan sa iyang mananap, apan bisan ang kahangawa sa tawong daotan bangis.
| יודע צדיק נפש בהמתו ורחמי רשעים אכזרי׃ |
11 Ang tawo nga nagatrabaho sa iyang yuta makabaton ug daghang pagkaon, apan si kinsa kadtong nagsunod sa walay pulos nga mga buluhaton walay salabotan.
| עבד אדמתו ישבע לחם ומרדף ריקים חסר לב׃ |
12 Gitinguha sa daotang mga tawo ang gikawat sa daotang kalalakin-an nagdto sa uban, apan ang bunga niadtong nagbuhat ug matarong nagagikan sa ilang mga kaugalingon.
| חמד רשע מצוד רעים ושרש צדיקים יתן׃ |
13 Ang tawong daotan malit-ag pinaagi sa iyang daotang sinultihan, apan kadtong nagbuhat ug matarong makalingkawas gikan sa kasamok.
| בפשע שפתים מוקש רע ויצא מצרה צדיק׃ |
14 Gikan sa bunga sa iyang mga pulong ang tawo mapuno sa mga maayong butang, ingon nga ang buhat sa iyang mga kamot moganti kaniya.
| מפרי פי איש ישבע טוב וגמול ידי אדם ישוב לו׃ |
15 Ang dalan sa buangbuang matarong sa iyang kaugalingong panan-aw, apan ang tawong maalamon maminaw sa tambag.
| דרך אויל ישר בעיניו ושמע לעצה חכם׃ |
16 Ipadayag dayon sa buangbuang ang iyang kasuko, apan ang tawong mobaliwala sa pagtamay maalamon
| אויל ביום יודע כעסו וכסה קלון ערום׃ |
17 Ang tawong nagsulti sa kamatuoran nagsulti kung unsa ang matarong, apan ang mini nga saksi mosulti ug mga bakak.
| יפיח אמונה יגיד צדק ועד שקרים מרמה׃ |
18 Ang mga pulong sa tawong madalidalion sama sa tusok sa espada, apan ang dila sa maalamon magdala ug kaayohan.
| יש בוטה כמדקרות חרב ולשון חכמים מרפא׃ |
19 Ang matinud-anon nga ngabil molungtad sa kahangtoran, apan ang bakakong dila lumalabay lamang.
| שפת אמת תכון לעד ועד ארגיעה לשון שקר׃ |
20 Adunay paglingla diha sa kasingkasing niadtong nagplano sa pagbuhat ug daotan, apan ang kalipay nagagikan sa mga magtatambag sa kalinaw.
| מרמה בלב חרשי רע וליעצי שלום שמחה׃ |
21 Walay kasakit nga mahitabo niadtong nagbuhat ug matarong, apan ang tawong daotan napuno sa mga kalisdanan.
| לא יאנה לצדיק כל און ורשעים מלאו רע׃ |
22 Dumtan ni Yahweh ang bakakong mga ngabil, apan kadtong nagpuyo sa pagkamatinud-anon mao ang iyang kalipay.
| תועבת יהוה שפתי שקר ועשי אמונה רצונו׃ |
23 Ang maalamon nga tawo nagtago sa iyang kahibalo, apan ang kasingkasing sa mga buangbuang nagasinggit sa binuang.
| אדם ערום כסה דעת ולב כסילים יקרא אולת׃ |
24 Ang kamot sa makugihon magdumala, apan ang tawong tapulan ibutang ngadto sa lisod nga trabaho.
| יד חרוצים תמשול ורמיה תהיה למס׃ |
25 Ang kabalaka nga anaa sa kasingkasing sa usa ka tawo maoy mobira kaniya paubos, apan ang mga maayong pulong makapalipay kaniya.
| דאגה בלב איש ישחנה ודבר טוב ישמחנה׃ |
26 Ang tawo nga nagbuhat ug matarong usa ka giya sa iyang higala, apan ang dalan sa daotan maoy mopahisalaag kanila.
| יתר מרעהו צדיק ודרך רשעים תתעם׃ |
27 Ang tawong tapulan dili makasugba sa ilang kaugalingong inayam, apan ang makugihon nga tawo makaangkon sa bililhong bahandi.
| לא יחרך רמיה צידו והון אדם יקר חרוץ׃ |
28 Kadtong naglakaw diha sa matarong nga dalan makakaplag ug kinabuhi ug diha sa iyang agianan walay kamatayon.
| בארח צדקה חיים ודרך נתיבה אל מות׃ |
