Nnwom 121

1 Ɔsoroforo dwom. Mema mʼani so kyerɛ mmepɔw no, ɛhe na me mmoa fi bɛba?

2 Me mmoa fi Awurade, ɔsoro ne asase yɛfo no.

3 Ɔremma wo nan nwatiri, nea ɔhwɛ wo no rentɔ nko.

4 Ampa ara, nea ɔhwɛ Israel no rentɔ nko na ɔrenna.

5 Awurade hwɛ wo so; Awurade ne wo nwini wɔ wo nsa nifa so;

6 Owia rensɛe wo wɔ adekyee mu, na ɔsram nso rensɛe wo anadwo.

7 Awurade bɛbɔ wo ho ban afi ɔsɛe nyinaa ho, ɔbɛhwɛ wo nkwa so;

8 Awurade bɛhwɛ wʼadifi ne wo fieba so mprempren ne daa.