Psaumes 115

1 Non point à nous, Éternel, non point à nous, mais à ton nom donne gloire, à cause de ta bonté, à cause de ta vérité.

Non! Lwanj lan pa pou nou, Seyè! Se pa pou nou lwanj lan ye, Seyè! Non! Se pa pou nou! Men, se pou ou menm sèl, paske ou renmen nou, paske ou toujou kenbe pawòl ou!

2 Pourquoi diraient les nations: Où donc est leur Dieu?

Poukisa moun lòt nasyon yo ap mande: -Kote Bondye nou an?

3 Notre Dieu, il est dans les cieux; il fait tout ce qu'il lui plaît.

Bondye nou an, se nan syèl la li ye, Li fè sa l' vle.

4 Leurs idoles sont de l'argent et de l'or, un ouvrage de mains d'homme.

Zidòl pa yo, se bagay ki fèt ak ajan ak lò. Se moun ki fè yo ak men yo.

5 Elles ont une bouche et ne parlent pas; elles ont des yeux, et ne voient pas.

Yo gen bouch, men yo pa ka pale. Yo gen je, men yo pa ka wè.

6 Elles ont des oreilles, et n'entendent pas; elles ont un nez et ne sentent pas;

Yo gen zòrèy, men yo pa ka tande. Yo gen nen, men yo pa ka pran okenn sant.

7 Des mains, et ne touchent pas; des pieds, et ne marchent pas; elles ne rendent aucun son de leur gosier.

Yo gen men, men yo pa ka manyen anyen. Yo gen pye, men yo pa ka mache. Pa menm yon ti son pa ka soti nan gòj yo.

8 Ceux qui les font, et tous ceux qui s'y confient, leur deviendront semblables.

Moun ki fè zidòl yo ansanm ak tout moun ki mete konfyans yo nan yo, se pou yo tounen tankou yo.

9 Israël, confie-toi en l'Éternel! Il est leur aide et leur bouclier.

Nou menm, pèp Izrayèl la, mete konfyans nou nan Seyè a. Se li menm k'ap ede nou, se li ki tout pwoteksyon nou.

10 Maison d'Aaron, confiez-vous en l'Éternel! Il est leur aide et leur bouclier.

Nou menm, prèt Bondye yo, mete konfyans nou nan Seyè a. Se li menm k'ap ede nou, se li ki tout pwoteksyon nou.

11 Vous qui craignez l'Éternel, confiez-vous en l'Éternel! Il est leur aide et leur bouclier.

Nou tout ki gen krentif pou Seyè a, mete konfyans nou nan li. Se li menm k'ap ede nou, se li ki tout pwoteksyon nou.

12 L'Éternel s'est souvenu de nous; il bénira, il bénira la maison d'Israël; il bénira la maison d'Aaron.

Seyè a p'ap janm bliye nou, l'ap ban nou benediksyon li. L'ap beni pèp Izrayèl la, l'ap beni prèt Bondye yo.

13 Il bénira ceux qui craignent l'Éternel, tant les petits que les grands.

L'ap beni tout moun ki gen krentif pou li, piti kou gran.

14 L'Éternel vous ajoutera des biens, à vous et à vos enfants.

Se pou Seyè a ba ou anpil benediksyon. Se pou l' beni pitit ou yo tou.

15 Vous êtes bénis de l'Éternel, qui a fait les cieux et la terre.

Se pou Seyè a ki fè syèl la ak latè a voye benediksyon li sou nou!

16 Quant aux cieux, les cieux sont à l'Éternel; mais il a donné la terre aux enfants des hommes.

Syèl la se pou Seyè a li ye. Li bay moun latè pou yo.

17 Les morts ne loueront point l'Éternel, ni tous ceux qui descendent au lieu du silence.

Se pa moun mouri k'ap fè lwanj Seyè a. Non! Se pa moun ki desann kote mò yo ye a k'ap fè lwanj li.

18 Mais nous, nous bénirons l'Éternel, dès maintenant et à toujours. Louez l'Éternel!

Men, nou menm ki vivan, n'ap di l' mèsi depi koulye a ak pou tout tan tout tan. Lwanj pou Seyè a!