Yohani 5

1 Pambele uYesu akaluta kulikaaja ilya Yelusalemu ku kikulukulu ikya Vayahudi.

這些事後，正是猶太人的慶節，耶穌便上了耶路撒冷。

2 Mu likaaja ilio pweghulyale umulyango um'baha ghuno ghukatambuluagha, mulyango ghwa ng'holo, piipi nu mulyango ughuo pwelilyale ililamba lino munjovele ija Kiebulania likatambulwagha Bethzatha, mulubale mulilamba ilio pwefilyale ifibalasa fihano ifyeleefu.

在耶路撒冷靠近羊門有一個水池，希伯來語叫作貝特匝達，周圍有五個走廊。

3 Mu lusulua ulwa fibalasa ifio valyaghonile avatamu vinga, avabofu amaaso, avalema amaghulu, na vanya liteela. (Vingilila: Amasio agha kadebe aka 3 naghivoneka mu malembe amanofu amakuulu. “Vakaghulagha amalenga ghatimbusivue.”)

在這些走廊內，躺著許多患病的，瞎眼的，瘸腿的，痳痺的，都在等候水動，

4 Mu uluo, juno akavisagha ghwa kwasia kukwingila pano amalenga ghatimbwike, alyale isooka inhamu jaake.

因為有天使按時下到水池中，攪動池水；水動後，第一個下去的，無論他患什麼病，必會痊癒。

5 Lino palilamba pala pwealyale umuunhu jumonga juno alyale ntamu amaaka fijigho fitatu na lekelakwoni.

在那裏有一個人，患病已三十八年。

6 UYesu akamwagha umuunhu ujuo aghonile pala alyakagwile kuuti umuunhu ujuo inhamu jaake ja maaka minga, akamposia akati, “Asi ghulonda kusooka?”

耶穌看見這人躺在那裏，知道他已病了多時，就向他說: 「你願意痊癒嗎？」

7 Untamu jula akamwamula akati, “Ghwe Ntwa, amalenga ghangatimbusivue, nkwale umuunhu ughwa kumbiika mu lilamba. Pano nilonda kukwingila mu lilamba ye nivonagha umuunhu ujunge anhaliile pikwingila.”

那人回答說：「主，我沒有人在水動的時候，把我放到水池中；我正到的時候，別人在我以前已經下去了。」

8 Pe pano uYesu akam'buula akati, “Ima veghala iliteefu lyako vujagha.”

耶穌向他說: 「起來，拿起你的床，行走罷！」

9 Pala pala umuunhu jula akasooka, akaveghala iliteefu lyake, akavuuka iluta. Ikighono ikio jaale Sabato.

那人便立刻痊癒了，拿起自己的床，行走起來；那一天正是安息日。

10 Pe aVayahudi vakam'buula umuunhu jula juno asokile vakati, “Umusyughu kighono kya Sabato, indaghilo na sikwitikisia kupiinda iliteefu.”

於是猶太人對那痊癒的人說: 「今天是安息日，不許你拿床。」

11 Neke umuunhu jula akavamula akati, “Umuunhu juno asoosisie ghwe mwene ambulile kuuti, 'Veghala iliteefu lyako vujagha.”

他回答他們說: 「叫我痊癒了的那一位給我說: 拿起你的床，行走罷！」

12 Vakamposia kange vakati, “Ghwe veeni juno akuvulile kuuti 'Veghala iliteefu lyako vujagha?”

他們就問他：「給你說拿起床來，而行走的那人是誰？」

13 Neke umuunhu jula naalyammanyile juno ansosisie ulwakuva uYesu alyavukile kisyefu. Ulwakuva avaanu valyale vinga.

那痊癒的人卻不知道他是誰，因為那地方人多，耶穌已躲開了。

14 Pambele uYesu akamwagha umuunhu jula munyumba inyimike ija kufunyila, akambuula akati, “Lolagha lino usokile! “Nungavombaghe inyivi kange nave ghuvomba lukukwagha ulutalamu ulukome kukila ulwa kwanda.”

事後耶鮓在聖殿裏遇見了，他便向他說: 「看，你已痊癒了，不要再犯罪，免得你遭遇更不幸的事。」

15 Umuunhu jula akavuuka pala akaluta kukuvavuula aVayahudi kuuti juno ansosisie ghwe Yesu.

那人就去告訴猶太人: 使他痊癒的就是耶穌。

16 Pepano, vwimila amasio aghuo aVayahudi vakampumwisie uYesu, ulwakuva alyavombile isio mu kighono ikya Sabato.

為此猶太人便開始迫害耶穌，因為他在安息日做這樣的事。

17 Neke uYesu akavavuula akati, “UNhaata ghwango ivomba imbombo ifighono fyoni, na juune nivomba imbombo ifighono fyoni.”

耶穌遂向他們說: 「我父到現在一直工作，我也應該工作。」

18 Vwimila uluo aVayahudi vakava vighina kulonda isila ija kum'buda uYesu vakalonda kukum'buda ulwakuva vakatisagha adenyile ululaghilo lwa kighono ikya Sabati, kange ijova kuuti, uNguluve ghwe viise, kange ikuviika kuuti aling'hiine nu Nguluve.

為此猶太人越發想要殺害他，因為他不但犯了安息日，而且又稱天主是自己的父，使自己與天主平等。

19 UYesu akavavuula akati, “Kyang'haani nikuvavuula une ne mwanaake nanivomba lumonga vwimila amasaaghe ghango, looli nivomba si sino nikumwagha uNhaata ivomba, nijova uluo, ulwakuva sino ivomba uNhaata se sino najune ne mwanaake nivoomba.

耶穌於是回答他們說: 「我實實在在告訴你們: 子不能由自己作什麼，他看見父作什麼，才能作什麼；凡父所作的，子也照樣作，

20 UNhaata anganile une ne mwanaake, ikuhofia sooni sino ivomba umwene, kange ilikuhufia une imbombo sino ilonda nivombe, imbombo imbaha kukila isio, kuuti pe mudeghe fiijo.

因為父愛子，凡自己所作的都指示給他；並且還要把這些更大的工程指示給他，為叫你們驚奇。

21 Ndavule uNhaata vule ikuvasyusia avafue na kukuvapeela uvwumi, fye enendiiki na juune nikuvapeela uvwumi, vano nilonda kukuvapeela.

就如父喚起死者，使他們復生，照樣子也使他所願意的人復生。

22 Ulwakuva uNhaata naihigha muunhu, looli ampeliile umwanake uvutavulilua uvwa kuhigha,

父不審判任何人，但他把審判的全權交給了子，

23 Kuuti avaanhu vooni vamwoghopaghe ndavule vikumwoghopa umwene. Umuunhu juno naikumwoghopa umwanake naikumwoghopa uNhata juno ansung'hile.

為叫眾人尊敬子如同尊敬父；不尊敬子的，就是不尊敬派遣他來的父。

24 Kyang'haani nikuvavuula, umuunhu juno ipulika amasio ghango na kukumwitika uNguluve juno asung'hile ali nu vwumi uvwa fighono fyoni. Kange nailihighua. Looli ujuo akilile uvufue na kukwingila ku vwumi uvwa kuvusila kusila. (aiōnios g166)

我實實在在告訴你們: 聽我的話，相信派遣我來者的，便有永生，不受審判，而已出死入生。 (aiōnios g166)

25 Kyang'haani nikuvavuula, unsiki ghukwisa, kange ghufikile, avafue vilipulika, viliiva nu vwumi uvwa kuvusila kusila.

我實實在在告訴你們: 時候要到，且現在就是，死者要聽見天主子的聲音，凡聽從的，就必生存。

26 Nijo uluo ulwakuva ndavule uNhaata vule ali ni ngufu isa kumpeela umuunhu uvwumi uvwa kuvisila kusila, najuune amheliile ingufu isa kuvapeela avaanhu uvwumi uvuo.

就如父是生命之源，照樣他也使子成為生命之源；

27 Kange, amheliile uvtavulilua uvwa kuhigha avaanhu, ulwakuva une nili, Mwana ghwa Muunhu.

並且賜給他行審判的權柄，因為他是人子。

28 Namungadeghaghe amasio aghuo, ulwakuva ghukwisa unsiki ghuno avafue vooni vilipulika ing'hemeelo jaango.

你們不要驚奇這事，因為時候要到，那時，凡在墳墓裏的，都要聽見他的聲音，

29 Avafue vilisyuka: vano vavombagha inofu viiva nu vwumi uvwa fighono fyoni, vano vavombagha uvuhosi vilihighua.

而出來: 行過善的，復活進入生命；作過惡的，復活而受審判。

30 UYesu akafijovagha akati une nanivomba kimonga vwimila amasaaghe ghango, une nihigha avaanhu ndavule ikumbuula uNhata. Nihigha mu vwakyang'haani, ulwakuva nanivomba muvughane vwango, looli mu vughane vwa Nguluve juno asung'hile.

我由我自己什麼也不能作；父怎樣告訴我，我就怎樣審判，所以我的審判是正義的，因為我不尋求我的旨意，而尋求那派遣我來者的旨意。」

31 Nave une nikujoleka juune, uvwolesi vwango navwale vuuva vwa kyang'haani.

「如果我為我自己作證，我的證據不足憑信；

32 Looli kwale ujunge juno ikwoleka imhola sango na juune nikagwile kuuti sino ikwoleka vwimila une sa kyang'haani.

但另有一位為我作證，我知道他為我作的證足以憑信。

33 Umue mulyasung'hile avaanhu kwa Yohani umwofughi, ghwope alyavoliike isa kyang'haani vwimila une.

你們曾派人到若翰那裏去，他就為真理作過證。

34 Neke une nanihuviila sino vikwoleka avaanhu, ulwene nijova isi kuuti mukave uvupoki.

其實我並不需要人的證據，我提及這事，只是為叫你們得救。

35 UYohani umwofughi alyahufisie uvwakyang'haani kulyumue, ndavule itaala vule jiviika na kumulika mung'hiisi, umue mulyahovwike vwimila uluo ku nsiki ndebe.

若翰好比是一盞點著而發亮的燈，你們只一時高興享受了他的光明。

36 Neke une nili ni mhola sino sikunyoleka fiijo kukila sino alyoliike uYohani, ulwakuva imbombo sino nivomba, sino alyamheliile uNhaata kuuti nivombe, se sino sikunyoleka kuuti uNhaata juno asung'hile.

但我有比若翰更大的證據，即父所託付我要我完成的工程，就是我所行的這些工程，為我作證：證明是父派遣了我。

37 Ghope uNhaata juno asunghile une, ikwoleka imhola sango. Umue namughelile nambe lusiku kupulika ilisio lyake, kukumwagha vule alivuo unsiki ghwoni.

派遣我來的父，親自為我作證；你們重未聽見過他的聲音，也從未看見過他的儀容，

38 Kange imbulanisio saake nasili nkate mulyumue ulwakuva namukumwitika juno asung'hilue kulyumue.

並且你們也沒有把他的話存留在心中，因為你們不相信他所派遣的那位。

39 Mughimba kulolesia mu malembe amimike, ulwakuva musagha kuti nkate umuo mukava uvwumi uvwa kuvusila kusila, amalembe aghu ghikunyoleka une. (aiōnios g166)

你們查考經典，因為仔們認為其中有永生，正是這些經典為我作證； (aiōnios g166)

40 Neke umue namulonda kukwisa kulyune, kuuti mu pelue uvwumi uvwumi uvwa kuvusila kusila.

但你們不願意到我這裏來，為獲得生命。」

41 Une nanihuviila avaanhu vanginie,

我不求人的光榮；

42 neke nikagwile kuuti nkate mulyumue namuli nu lughano lwa Nguluve.

而且我認得你們，知道在你們內沒有天主的愛情。

43 Une nisile mu vutavulilua uvwa Nhaata ghwango, umue namukunyupila. Neke ujunge angiise mu vutavulilua vwake jujuo, mwale mukumwupila.

我因父的名而來，你們卻不接納我；如果有人因自己的名而來，你們反而接納他。

44 Lino ndepoonu mukunyitika ndaani umue mwe vano mulonda kughinisivua na vaanhu, namulonda kughinisivua nu Nguluve juno ali jumo mwene?

你們既然彼此尋求光榮，而不尋求出於惟一天主的光榮，你們怎麼能相信我呢？

45 Mulekaghe piiti ue nilikuvatwala kwa Nhaata avahighe. UMoose ghwe juno ilikuvatwala muhighue ulwakuva ghwe juno mukumhuviila.

不要想我要在父面前控告你們；有一位控告你們的，就是你們所寄望的梅瑟。

46 Musava mukumwitika uMoose, ngale mukunyitika na juune, ulwakuva alyalembile imhola sango.

若是你們相梅瑟，必會相信我，因為他是指著我而寫的。

47 Neke nave namukwitika amasio ghano alyalembile uMoose, ndepoonu mukwitika ndaani amasio ghango?

如果你們不相信他所寫的，怎會相信我的話呢？」