Yohani 5
1 Pambele uYesu akaluta kulikaaja ilya Yelusalemu ku kikulukulu ikya Vayahudi.
此后迎来了一个犹太人节日，耶稣开始向耶路撒冷出发。
2 Mu likaaja ilio pweghulyale umulyango um'baha ghuno ghukatambuluagha, mulyango ghwa ng'holo, piipi nu mulyango ughuo pwelilyale ililamba lino munjovele ija Kiebulania likatambulwagha Bethzatha, mulubale mulilamba ilio pwefilyale ifibalasa fihano ifyeleefu.
在耶路撒冷羊门附近一个的水池，希伯来语名字叫做毕士大，池边有五条游廊。
3 Mu lusulua ulwa fibalasa ifio valyaghonile avatamu vinga, avabofu amaaso, avalema amaghulu, na vanya liteela. (Vingilila: Amasio agha kadebe aka 3 naghivoneka mu malembe amanofu amakuulu. “Vakaghulagha amalenga ghatimbusivue.”)
那里躺着许多病患，有的人看不到，有的人瘸腿，有的人瘫痪，
4 Mu uluo, juno akavisagha ghwa kwasia kukwingila pano amalenga ghatimbwike, alyale isooka inhamu jaake.
5 Lino palilamba pala pwealyale umuunhu jumonga juno alyale ntamu amaaka fijigho fitatu na lekelakwoni.
其中一人已经病了三十八年。耶稣看到他便知道他病了很久，于是问他：
6 UYesu akamwagha umuunhu ujuo aghonile pala alyakagwile kuuti umuunhu ujuo inhamu jaake ja maaka minga, akamposia akati, “Asi ghulonda kusooka?”
“你想要治愈吗？”
7 Untamu jula akamwamula akati, “Ghwe Ntwa, amalenga ghangatimbusivue, nkwale umuunhu ughwa kumbiika mu lilamba. Pano nilonda kukwingila mu lilamba ye nivonagha umuunhu ujunge anhaliile pikwingila.”
那病人回答：“先生，水被搅动的时候，没有人能把我放在池里，我试着到那边去，但总是给别人抢先。”
8 Pe pano uYesu akam'buula akati, “Ima veghala iliteefu lyako vujagha.”
耶稣对他说：“站起来，拿着你的垫子，走吧！”
9 Pala pala umuunhu jula akasooka, akaveghala iliteefu lyake, akavuuka iluta. Ikighono ikio jaale Sabato.
那人立刻痊愈，拿起垫子走动起来。 由于那天是安息日。
10 Pe aVayahudi vakam'buula umuunhu jula juno asokile vakati, “Umusyughu kighono kya Sabato, indaghilo na sikwitikisia kupiinda iliteefu.”
犹太人就对那被治愈之人说：“今天是安息日！你拿着垫子违反了律法！”
11 Neke umuunhu jula akavamula akati, “Umuunhu juno asoosisie ghwe mwene ambulile kuuti, 'Veghala iliteefu lyako vujagha.”
那人回答：“将我治愈的那个人对我说：‘拿着你的垫子，你可以行走了’。”
12 Vakamposia kange vakati, “Ghwe veeni juno akuvulile kuuti 'Veghala iliteefu lyako vujagha?”
犹太人就问：“让你拿着垫子行走的人是谁？”
13 Neke umuunhu jula naalyammanyile juno ansosisie ulwakuva uYesu alyavukile kisyefu. Ulwakuva avaanu valyale vinga.
那人不知道治愈他的人是谁，因为耶稣已经悄然躲进了周围的人群中。
14 Pambele uYesu akamwagha umuunhu jula munyumba inyimike ija kufunyila, akambuula akati, “Lolagha lino usokile! “Nungavombaghe inyivi kange nave ghuvomba lukukwagha ulutalamu ulukome kukila ulwa kwanda.”
后来，耶稣在圣殿里看到这个男人，就对他说：“看，你已经痊愈了，所以不能再犯罪，否则会招来更大的灾祸。”
15 Umuunhu jula akavuuka pala akaluta kukuvavuula aVayahudi kuuti juno ansosisie ghwe Yesu.
那人就跑去告诉犹太人，将他痊愈之人就是耶稣。
16 Pepano, vwimila amasio aghuo aVayahudi vakampumwisie uYesu, ulwakuva alyavombile isio mu kighono ikya Sabato.
因为耶稣会在安息日做这样的事情，犹太人便开始对耶稣群起而攻之。
17 Neke uYesu akavavuula akati, “UNhaata ghwango ivomba imbombo ifighono fyoni, na juune nivomba imbombo ifighono fyoni.”
耶稣却对他们说：“我父现在仍然在工作，我也是。”
18 Vwimila uluo aVayahudi vakava vighina kulonda isila ija kum'buda uYesu vakalonda kukum'buda ulwakuva vakatisagha adenyile ululaghilo lwa kighono ikya Sabati, kange ijova kuuti, uNguluve ghwe viise, kange ikuviika kuuti aling'hiine nu Nguluve.
这话让犹太人更想杀了耶稣，因为他不但破坏安息日，还称上帝为自己的父亲，与上帝平起平坐。
19 UYesu akavavuula akati, “Kyang'haani nikuvavuula une ne mwanaake nanivomba lumonga vwimila amasaaghe ghango, looli nivomba si sino nikumwagha uNhaata ivomba, nijova uluo, ulwakuva sino ivomba uNhaata se sino najune ne mwanaake nivoomba.
耶稣对他们解释到：“告诉你们实话，儿子凭自己什么都做不了，他只是做了曾目睹天父所做的事情，父行，子随。
20 UNhaata anganile une ne mwanaake, ikuhofia sooni sino ivomba umwene, kange ilikuhufia une imbombo sino ilonda nivombe, imbombo imbaha kukila isio, kuuti pe mudeghe fiijo.
因为天父爱其儿子，于是把自己所做的一切展示给他看，还要向他展示更惊人的大事，足以让你们惊讶无比。
21 Ndavule uNhaata vule ikuvasyusia avafue na kukuvapeela uvwumi, fye enendiiki na juune nikuvapeela uvwumi, vano nilonda kukuvapeela.
因为天父让人死而复生，赋予其生命，儿子也以同样的方式，随其心意赋予死人以生命。
22 Ulwakuva uNhaata naihigha muunhu, looli ampeliile umwanake uvutavulilua uvwa kuhigha,
天父不评判任何人，他将这评判的权力完全交给儿子，
23 Kuuti avaanhu vooni vamwoghopaghe ndavule vikumwoghopa umwene. Umuunhu juno naikumwoghopa umwanake naikumwoghopa uNhata juno ansung'hile.
所以，所有的人尊敬儿子一如尊敬天父。不尊敬儿子，就是不尊敬那派他前来的天父。
24 Kyang'haani nikuvavuula, umuunhu juno ipulika amasio ghango na kukumwitika uNguluve juno asung'hile ali nu vwumi uvwa fighono fyoni. Kange nailihighua. Looli ujuo akilile uvufue na kukwingila ku vwumi uvwa kuvusila kusila. (aiōnios g166)
告诉你实话，遵循我所言、相信派我来此的上帝，就会获得永生，不会被定罪，而是会死而复生。 (aiōnios g166)
25 Kyang'haani nikuvavuula, unsiki ghukwisa, kange ghufikile, avafue vilipulika, viliiva nu vwumi uvwa kuvusila kusila.
告诉你实话，那时刻将至——事实上它已经到来。死人将听见上帝之子的声音，听到即会复活。
26 Nijo uluo ulwakuva ndavule uNhaata vule ali ni ngufu isa kumpeela umuunhu uvwumi uvwa kuvisila kusila, najuune amheliile ingufu isa kuvapeela avaanhu uvwumi uvuo.
就如天父拥有赐予生命的力量，他也将这赐予生命的力量交给儿子。
27 Kange, amheliile uvtavulilua uvwa kuhigha avaanhu, ulwakuva une nili, Mwana ghwa Muunhu.
因为他是儿子，所以天父还把审判的权力赐给儿子。
28 Namungadeghaghe amasio aghuo, ulwakuva ghukwisa unsiki ghuno avafue vooni vilipulika ing'hemeelo jaango.
不要对此感到惊讶，因为那个时刻将至，届时所有坟墓里的死人都会听见他的声音，
29 Avafue vilisyuka: vano vavombagha inofu viiva nu vwumi uvwa fighono fyoni, vano vavombagha uvuhosi vilihighua.
然后再次复活。行善之人复活后会获得生命，作恶之人复活后会被定罪。
30 UYesu akafijovagha akati une nanivomba kimonga vwimila amasaaghe ghango, une nihigha avaanhu ndavule ikumbuula uNhata. Nihigha mu vwakyang'haani, ulwakuva nanivomba muvughane vwango, looli mu vughane vwa Nguluve juno asung'hile.
我凭自己什么都做不了。我只是根据天父之言进行审判。我会进行公正的决定，因为我遵循的并非自己的意愿，而是派我前来之人的旨意。
31 Nave une nikujoleka juune, uvwolesi vwango navwale vuuva vwa kyang'haani.
如果我自证，这样证明并不可信。
32 Looli kwale ujunge juno ikwoleka imhola sango na juune nikagwile kuuti sino ikwoleka vwimila une sa kyang'haani.
但会有其他人为我作证，我知道他关于我的证言都是真实的。
33 Umue mulyasung'hile avaanhu kwa Yohani umwofughi, ghwope alyavoliike isa kyang'haani vwimila une.
你们向约翰询问我的事情，他讲述了真相。
34 Neke une nanihuviila sino vikwoleka avaanhu, ulwene nijova isi kuuti mukave uvupoki.
我不需要人类的证明，但向你们解释这一切，只是为了我说这些事，是要你们得救。
35 UYohani umwofughi alyahufisie uvwakyang'haani kulyumue, ndavule itaala vule jiviika na kumulika mung'hiisi, umue mulyahovwike vwimila uluo ku nsiki ndebe.
约翰就像一盏照耀的明灯，你们愿意在他的光中获得短暂的欢愉。
36 Neke une nili ni mhola sino sikunyoleka fiijo kukila sino alyoliike uYohani, ulwakuva imbombo sino nivomba, sino alyamheliile uNhaata kuuti nivombe, se sino sikunyoleka kuuti uNhaata juno asung'hile.
但我所给予的证据远比约翰更强大，因为我所行之事乃奉天父之命，
37 Ghope uNhaata juno asunghile une, ikwoleka imhola sango. Umue namughelile nambe lusiku kupulika ilisio lyake, kukumwagha vule alivuo unsiki ghwoni.
这就是天父派我前来的证明。天父遣我来此，通过我传递讯息。你们从未听过他的声音，从未见过他的容貌，
38 Kange imbulanisio saake nasili nkate mulyumue ulwakuva namukumwitika juno asung'hilue kulyumue.
也不接受他的讯息，因为你们不相信他派到这里之人。
39 Mughimba kulolesia mu malembe amimike, ulwakuva musagha kuti nkate umuo mukava uvwumi uvwa kuvusila kusila, amalembe aghu ghikunyoleka une. (aiōnios g166)
你们研究经文，认为可以通过经文获得永生，但这经文其实就证明了我！ (aiōnios g166)
40 Neke umue namulonda kukwisa kulyune, kuuti mu pelue uvwumi uvwumi uvwa kuvusila kusila.
到我这里来，你们就会获得生命。可是你们并不想这么做。
41 Une nanihuviila avaanhu vanginie,
我不寻求人的认可。
42 neke nikagwile kuuti nkate mulyumue namuli nu lughano lwa Nguluve.
我知道你们心里并没有上帝的爱。
43 Une nisile mu vutavulilua uvwa Nhaata ghwango, umue namukunyupila. Neke ujunge angiise mu vutavulilua vwake jujuo, mwale mukumwupila.
我代表天父来此，你们不接纳我，但如果有人以自己的名义前来，你们却接待他们！
44 Lino ndepoonu mukunyitika ndaani umue mwe vano mulonda kughinisivua na vaanhu, namulonda kughinisivua nu Nguluve juno ali jumo mwene?
你们希望获得彼此的赞美，却不想从唯一真正的上帝那里获得赞美，这样你们怎么能信我呢？
45 Mulekaghe piiti ue nilikuvatwala kwa Nhaata avahighe. UMoose ghwe juno ilikuvatwala muhighue ulwakuva ghwe juno mukumhuviila.
但不要以为我会向天父控诉你们。的确有人控诉你们，那就是你们如此信任的摩西。
46 Musava mukumwitika uMoose, ngale mukunyitika na juune, ulwakuva alyalembile imhola sango.
你们若信摩西，也应信我，因为他曾写到我。
47 Neke nave namukwitika amasio ghano alyalembile uMoose, ndepoonu mukwitika ndaani amasio ghango?
但你们不信他所写的，又怎能信我所说？”
