Nnwom 80

1 Wɔde ma dwomkyerɛfoɔ sɛ wɔnto no “Sonannim Edut” sankuo nne so. Asaf dwom. Ao Israel dwanhwɛfoɔ, tie yɛn, wo a wodii Yosef anim sɛdeɛ wɔdi nnwankuo anim; wo a wote ahennwa so wɔ Kerubim ntam no, hyerɛn

[For the Chief Musician. To the tune of "The Lilies of the Covenant." A Psalm by Asaph.] Hear us, Shepherd of Israel, you who lead Joseph like a flock, you who sit above the cherubim, shine forth.

2 wɔ Efraim, Benyamin ne Manase anim. Kanyane wo tumi; bra bɛgye yɛn nkwa.

Before Ephraim and Benjamin and Manasseh, stir up your might. Come to save us.

3 Ao Onyankopɔn, gye yɛn bio; ma wʼanim nhyerɛn yɛn so, na wɔagye yɛn nkwa.

Restore us, God. Cause your face to shine, and we will be saved.

4 Ao Otumfoɔ Awurade Onyankopɔn, wʼabofuo bɛdɛre akɔsi da bɛn wʼabofuo a ɛtia wo nkurɔfoɔ mpaeɛbɔ no?

LORD God of hosts, How long will you be angry against the prayer of your people?

5 Wode nisuo yɛɛ aduane maa wɔn diiɛ; wode nisuo kuruwa ma ma wɔnomeeɛ.

You have fed them with the bread of tears, and given them tears to drink in large measure.

6 Woama yɛn mfɛfoɔ abu yɛn animtiaa, na yɛn atamfoɔ sere yɛn.

You make us a source of contention to our neighbors. Our enemies have mocked us.

7 Ao Otumfoɔ Onyankopɔn, gye yɛn bio; ma wʼanim nhyerɛn yɛn so, na wɔagye yɛn nkwa.

Restore us, God of hosts. Cause your face to shine, and we will be saved.

8 Wode bobe firi Misraim baeɛ; wopamoo amanaman no na woduaaɛ.

You brought a vine out of Egypt. You drove out the nations, and planted it.

9 Wosiesiee asase no baabi maa no, ɛgyee nhini na ɛtrɛɛ asase no so.

You cleared the ground for it. It took deep root, and filled the land.

10 Ne nwunu kataa mmepɔ no so ne mman kataa ntweneduro akɛseɛ no so.

The mountains were covered with its shadow. Its boughs were like God's cedars.

11 Ɛdendanee kɔɔ Ɛpo so, na ɛfefɛ kɔduruu Asubɔnten no ho.

It sent out its branches to the sea, Its shoots to the River.

12 Adɛn enti na woabubu nʼafasuo ama wɔn a wɔtwam hɔ tete ne bobe aba no?

Why have you broken down its walls, so that all those who pass by the way pluck it?

13 Kɔkɔte firi wiram bɛsɛe no pasaa na mmoadoma a ɛwɔ ɛserɛ so de yɛ wɔn aduane.

The boar out of the wood ravages it. The wild animals of the field feed on it.

14 Ao Otumfoɔ Onyankopɔn, sane bra yɛn nkyɛn! Firi soro hɔ hwɛ na wobɛhunu! Hwɛ saa bobe yi so,

Return, we beg you, God of hosts. Look down from heaven, and see, and visit this vine,

15 ntini a wo nsa nifa adua no, ɔbabarima a woatete no ama wo ho no.

the stock which your right hand planted, the branch that you made strong for yourself.

16 Wɔatwa wo bobe no ato fam, ato mu ogya ama ahye; wʼanimka ma wo nkurɔfoɔ ase tɔre.

It's burned with fire. It's cut down. They perish at your rebuke.

17 Fa wo nsa kata ɔbarima a ɔwɔ wo nifa no so, onipa ba a woatete no ama wo ho no.

Let your hand be on the man of your right hand, on the son of man whom you made strong for yourself.

18 Afei yɛrentwe yɛn ho mfiri wo nkyɛn; kanyane yɛn, na yɛbɛbɔ wo din.

So we will not turn away from you. Revive us, and we will call on your name.

19 Ao Otumfoɔ Awurade Onyankopɔn, gye yɛn bio, na ma wʼanim nhyerɛn yɛn so, na wɔagye yɛn nkwa.

Restore us, LORD God of hosts. Cause your face to shine, and we will be saved.