Mga Awit 72
1 Ibigay mo sa hari ang iyong mga matuwid na mga tuntunin, O Diyos, ang iyong katuwiran sa anak na lalaki ng hari.
| לשלמה אלהים משפטיך למלך תן וצדקתך לבן מלך׃ |
2 Hatulan niya nawa ang mga tao nang may katuwiran at ang mahihirap na may katarungan.
| ידין עמך בצדק וענייך במשפט׃ |
3 Magbunga nawa ang mga kabundukan ng kapayapaan sa bayan; magbunga nawa ng katuwiran ang mga burol.
| ישאו הרים שלום לעם וגבעות בצדקה׃ |
4 Hatulan niya nawa ang mahihirap sa bayan; iligtas niya nawa ang mga anak ng nangangailangan at pira-pirasuhin ang mga mapang-api.
| ישפט עניי עם יושיע לבני אביון וידכא עושק׃ |
5 Parangalan nila nawa ikaw habang nananatili ang araw, at hangga’t ang buwan ay nananatili sa lahat ng salinlahi.
| ייראוך עם שמש ולפני ירח דור דורים׃ |
6 Bumaba siya nawa tulad ng ulan sa tuyong damo, tulad ng ambon na dinidiligan ang mundo.
| ירד כמטר על גז כרביבים זרזיף ארץ׃ |
7 Umunlad nawa ang matuwid sa kaniyang mga araw at magkaroon nawa ng kasaganahan ng kapayapaan hanggang sa mawala ang buwan.
| יפרח בימיו צדיק ורב שלום עד בלי ירח׃ |
8 Magkaroon nawa siya ng kapangyarihan mula mga dagat, at mula sa Ilog hanggang sa dulo ng mundo.
| וירד מים עד ים ומנהר עד אפסי ארץ׃ |
9 Yumuko nawa sa harapan niya silang mga naninirahan sa ilang; dilaan nawa ng kaniyang mga kaaway ang alikabok.
| לפניו יכרעו ציים ואיביו עפר ילחכו׃ |
10 Magbigay nawa ng handog ang mga mga hari ng Tarsis at ng mga isla; mag-alay nawa ng mga handog ang mga hari ng Sheba at Seba.
| מלכי תרשיש ואיים מנחה ישיבו מלכי שבא וסבא אשכר יקריבו׃ |
11 Tunay nga, magsiyuko nawa sa harapan niya ang lahat ng mga hari; maglingkod nawa sa kaniya ang lahat ng mga bansa.
| וישתחוו לו כל מלכים כל גוים יעבדוהו׃ |
12 Dahil tinutulungan niya ang mga nangangailangan na tumatawag at mahihirap na walang ibang katulong.
| כי יציל אביון משוע ועני ואין עזר לו׃ |
13 May awa siya sa mga mahihirap at nangangailangan, at nililigtas niya ang buhay ng mga nangangailangan.
| יחס על דל ואביון ונפשות אביונים יושיע׃ |
14 Tinutubos niya ang mga buhay nila mula sa pang-aapi at karahasan, at ang kanilang mga dugo ay mahalaga sa kaniyang paningin.
| מתוך ומחמס יגאל נפשם וייקר דמם בעיניו׃ |
15 Mabuhay ang hari! Ipagkaloob nawa sa kaniya ang mga ginto ng Sheba. Manalangin nawa ang mga tao sa kaniya; pagpalain siya nawa ng Diyos buong araw.
| ויחי ויתן לו מזהב שבא ויתפלל בעדו תמיד כל היום יברכנהו׃ |
16 Magkaroon nawa ng kasaganahan ng binhi sa tuktok ng mga kabundukan ng mundo; kumampay nawa sa hangin ang kanilang mga ani tulad ng mga puno sa Lebanon, at ang mga tao sa mga lungsod ay dumami gaya ng mga damo sa lupa.
| יהי פסת בר בארץ בראש הרים ירעש כלבנון פריו ויציצו מעיר כעשב הארץ׃ |
17 Manatili nawa ang pangalan ng hari magpakailanman; nawa tumagal ang pangalan niya gaya ng araw; pagpalain nawa ang mga tao sa kaniya; nawa ang lahat ng bansa ay tawagin siyang pinagpala.
| יהי שמו לעולם לפני שמש ינין שמו ויתברכו בו כל גוים יאשרוהו׃ |
18 Pagpalain nawa si Yahweh, ang Diyos ng Israel, siya lamang na gumagawa ng mga kahanga-hangang mga bagay.
| ברוך יהוה אלהים אלהי ישראל עשה נפלאות לבדו׃ |
19 Pagpalain nawa ang kaniyang maluwalhating pangalan magpakailanaman, at mapuno nawa ang mundo ng kaniyang kaluwalhatian. Amen at Amen.
| וברוך שם כבודו לעולם וימלא כבודו את כל הארץ אמן ואמן׃ |
20 Ang mga panalangin ni David, na anak ni Jesse, ay tapos na. Ikatlong Libro
| כלו תפלות דוד בן ישי׃ |
