Mga Kawikaan 12
1 Sinumang umiibig sa disiplina ay iniibig ang kaalaman, pero sinumang namumuhi sa pagtatama ay mangmang.
| אהב מוסר אהב דעת ושנא תוכחת בער׃ |
2 Nagbibigay si Yahweh ng pabor sa mabuting tao, pero pinarurusahan niya ang taong gumagawa ng masasamang plano.
| טוב יפיק רצון מיהוה ואיש מזמות ירשיע׃ |
3 Ang isang tao ay hindi tatatag sa pamamagitan ng kasamaan, pero silang gumagawa ng katuwiran ay hindi mabubunot kailanman.
| לא יכון אדם ברשע ושרש צדיקים בל ימוט׃ |
4 Ang isang karapat-dapat na asawang babae ay korona ng kaniyang asawang lalaki, ngunit ang babaeng nagdadala nang kahihiyan ay tulad ng isang sakit na sumisira ng kaniyang mga buto.
| אשת חיל עטרת בעלה וכרקב בעצמותיו מבישה׃ |
5 Ang mga balakin ng lahat ng gumagawa ng tama ay makatarungan, ngunit ang payo ng masasama ay mapanlinlang.
| מחשבות צדיקים משפט תחבלות רשעים מרמה׃ |
6 Ang mga salita ng masasamang tao ay bitag na nakaabang ng pagkakataong pumatay, ngunit ang mga salita ng matutuwid ang siyang nag-iingat sa kanila.
| דברי רשעים ארב דם ופי ישרים יצילם׃ |
7 Ang masasama ay bumabagsak at naglalaho, pero ang bahay ng mga taong gumagawa ng tama ay mananatili.
| הפוך רשעים ואינם ובית צדיקים יעמד׃ |
8 Pinupuri ang isang tao sa kaniyang karunungan, ngunit sinumang gumagawa ng baluktot na mga pagpili ay kinamumuhian.
| לפי שכלו יהלל איש ונעוה לב יהיה לבוז׃ |
9 Mas mabuti na magkaroon ng mababang katayuan—ang maging isang lingkod lamang, kaysa ang magmalaki patungkol sa iyong katayuan ngunit walang namang makain.
| טוב נקלה ועבד לו ממתכבד וחסר לחם׃ |
10 Nagmamalasakit ang matuwid sa pangangailangan ng kaniyang alagang hayop, pero maging ang habag ng masasama ay kalupitan.
| יודע צדיק נפש בהמתו ורחמי רשעים אכזרי׃ |
11 Sinumang nagbubungkal ng kaniyang lupain ay magkakaroon ng kasaganaan ng pagkain, pero sinumang naghahabol ng mga proyektong walang halaga ay hindi nag-iisip.
| עבד אדמתו ישבע לחם ומרדף ריקים חסר לב׃ |
12 Hinahangad ng masama ang mga ninakaw ng makasalanan mula sa iba, pero ang bunga ng mga matuwid ay galing sa kanilang mga sarili.
| חמד רשע מצוד רעים ושרש צדיקים יתן׃ |
13 Ang masamang tao ay nabibitag ng kaniyang masamang pananalita, pero ang mga taong gumagawa ng tama ay nakaliligtas sa kapahamakan.
| בפשע שפתים מוקש רע ויצא מצרה צדיק׃ |
14 Mula sa bunga ng kaniyang mga salita, ang tao ay napupuno ng mabuting mga bagay, tulad ng paggagantimpala ng mga kamayy niyang nagtatrabaho.
| מפרי פי איש ישבע טוב וגמול ידי אדם ישוב לו׃ |
15 Ang kaparaanan ng isang mangmang ay tama sa kaniyang paningin, pero ang taong may karunungan, sa payo ay nakikinig.
| דרך אויל ישר בעיניו ושמע לעצה חכם׃ |
16 Ang mangmang ay kaagad nagpapakita ng galit, pero ang nagsasawalang-kibo sa insulto ay maingat.
| אויל ביום יודע כעסו וכסה קלון ערום׃ |
17 Sinumang nagsasabi ng totoo ay nagsasalita ng tama, pero ang bulaang saksi ay nagsasabi ng kasinungalingan.
| יפיח אמונה יגיד צדק ועד שקרים מרמה׃ |
18 Ang mga salitang padalos-dalos ay tulad ng saksak ng isang espada, pero ang dila ng matalino, kagalingan ang dinadala.
| יש בוטה כמדקרות חרב ולשון חכמים מרפא׃ |
19 Ang makatotohanang mga labi ay tumatagal habang-buhay, pero ang sinungaling na dila ay panandalian lamang.
| שפת אמת תכון לעד ועד ארגיעה לשון שקר׃ |
20 Mayroong panlilinlang sa puso ng mga taong nagbabalak ng kasamaan, pero kagalakan ang dumarating sa mga tagapagpayo ng kapayapaan.
| מרמה בלב חרשי רע וליעצי שלום שמחה׃ |
21 Walang karamdaman ang dumarating sa mga matuwid, pero ang masasama ay puno ng paghihirap.
| לא יאנה לצדיק כל און ורשעים מלאו רע׃ |
22 Galit si Yahweh sa sinungaling na mga labi, pero ang mga namumuhay nang tapat ay ang kasiyahan ng Diyos.
| תועבת יהוה שפתי שקר ועשי אמונה רצונו׃ |
23 Itinatago ng taong maingat ang kaniyang kaalaman, pero ang puso ng hangal ay sumisigaw ng kamangmangan.
| אדם ערום כסה דעת ולב כסילים יקרא אולת׃ |
24 Ang kamay ng matiyaga ay maghahari, pero ang tamad ay sasailalim sa sapilitang pagtatrabaho.
| יד חרוצים תמשול ורמיה תהיה למס׃ |
25 Ang pangamba sa puso ng tao ay nagpapabigat sa kaniya, ngunit nagpapagalak ang mabuting salita.
| דאגה בלב איש ישחנה ודבר טוב ישמחנה׃ |
26 Ang matuwid ay gabay sa kaniyang kaibigan, pero ang paraan ng masama ay nag-aakay sa kanila sa lihis na daan.
| יתר מרעהו צדיק ודרך רשעים תתעם׃ |
27 Ang mga tamad ay hindi niluluto ang kanilang sariling huli, pero ang matiyaga ay magkakaroon pa ng yamang natatangi.
| לא יחרך רמיה צידו והון אדם יקר חרוץ׃ |
28 Ang mga lumalakad sa tamang daan, buhay ang nasusumpungan at sa kaniyang landas ay walang kamatayan.
| בארח צדקה חיים ודרך נתיבה אל מות׃ |
