Ayubu 21

1 Kisha Ayubu akajibu na kusema,

2 “Sikilizeni hotuba yangu kwa makini, hii na iwe faraja yenu.

3 Nimeteswa, lakini pia nitasema; nikisha kusema, endeleeni kudhihaki.

4 Lakini kwangu mimi, malalamikio yangu ni kwa mtu? Kwa nini nisiwe mwenye subira?

5 Nitazameni na mshangae, nanyi wekeni mkono wenu midomoni mwenu.

6 Ninapoyafikiria mateso yangu, ninaumizwa, mwili wangu unaogopa.

7 Kwa nini waovu wanaendelea kuishi, wanazeeka, na kuwa na uwezo katika madaraka?

8 Wazao wao wanathibitishwa mbele zao, na uzao wao unaimarika machoni pao.

9 Nyumba zao ziko salama mbali na hofu; wala fimbo ya Mungu haiko juu yao.

10 Dume lao la ng'ombe linazalisha; halishindwi kufanya hivyo; ng'ombe wao anazaa na hafishi ndama wake akiwa mchanga.

11 Wanawapeleka wadogo wao kama kundi la kondoo, na watoto wao hucheza.

12 Wanaimba kwa tari na vinubi na hufurahi kwa muziki na zomari.

13 Wanatumia siku zao katika mafanikio, na wanashuka kuzimu kwa utulivu. (Sheol h7585)

14 Wanamwambia Mungu, 'Ondoka kwetu kwani hatutaki ufahamu wowote juu ya njia zako.

15 Mwenye enzi ni nani, hata tumwabudu? Tutafaidika na nini tukimwabudu? Tutapata faida gani ikiwa tutamwomba?

16 Tazama, je mafanikio yao hayamo katika mikono yao wenyewe? Sina cha kufanya na ushauri wa waovu.

17 Mara ngapi taa za waovu huzimwa, au kwamba majanga huja juu yao? Mara ngapi inatokea kwamba Mungu husambaza huzuni kwao kwa hasira?

18 Ni mara ngapi inatokea kwamba wanakuwa kama mabua mbele ya upepo au kama makapi yanayopeperushwa na dhoruba?

19 Mnasema, 'Mungu huweka hatia ya mtu kwa watoto wake kuilipa.' Na alipe yeye mwenyewe, ili kwamba aweze kujua hatia yake mwenyewe.

20 Acha macho yake yaone uangamivu wake mwenyewe, na acha anywe gadhabu ya Mwenyezi.

21 Kwani anaangaliaje familia yake mbele yake idadi ya miezi yake inapokwisha.

22 Je kuna mtu anaweza kumfundisha Mungu maarifa kwa kuwa yeye huwaukumu hata walio juu?

23 Mtu mmoja ufa katika nguvu zake kamili, akiwa na utulivu kabisa na kwa amani.

24 Mwili wake hauna uhitaji, na kiini cha mifupa yake ina unyevu na afya njema.

25 Mtu mwingine ufa kwa uchungu wa nafsi, bila kujifurahisha kwa jambo lolote jema.

26 Wanazikwa kaburini wote kwa pamoja, funza wanawafunika wote.

27 Tazama, nayajua mawazo yenu, na jinsi mnavyotaka kunikosesha.

28 Kwa kuwa mwasema, 'Iko wapi sasa nyumba ya mwana wa mfalme? Liko wapi kao alipokaa mwovu?'

29 Je hamjawauliza wasafiri? Hamfahamu wanavyoweza kusema,

30 kwamba mwovu anaepushwa na siku ya shida, na kwamba anawekwa mbali na siku ya gadhabu?

31 Ni nani atakaye ituhumu siku ya mwovu mbele yake? Ni nani atakayemwadhibu kwa alichokifanya?

32 Hata hivyo atapelekwa kaburini; watu wataliona kaburi lake.

33 Udongo wa bondeni utakuwa mtamu kwake; watu wote watamfuata, hata kuwe na watu wengi mbele yake.

34 Ni jinsi gani basi mtanifariji bila kufikiri, kwa kuwa majibu yenu hayana lolote ila uongo?”