Proverbios 31

1 PALABRAS del rey Lemuel; la profecía con que le enseñó su madre.

Ama'na nanekea, kini ne' Lemuelina nerera knare antahintahi ami ke rempi humi'ne.

2 ¿Qué, hijo mío? ¿y qué, hijo de mi vientre? ¿y qué, hijo de mis deseos?

Nagrani'a narimpafinti'ma kasegante'noa mofavre'nimoka, Ra Anumzamofonte huvempa hugeno nami'nea mofavre mani'nane.

3 No des á las mujeres tu fuerza, ni tus caminos á lo que es para destruir los reyes.

Hanave ka'a a'nerera hunka otro. E'inahu a'nemo'za kini vahe'ma zamazeri havizama nehaza a'nerera osuo.

4 No es de los reyes, oh Lemuel, no es de los reyes beber vino, ni de los príncipes la cerveza.

Lemueliga kini vahe'mo'za aka tina onesageno, kva vahe'mo'za hanave tima nezankura zamavesi zamavesi osugahaze.

5 No sea que bebiendo olviden la ley, y perviertan el derecho de todos los hijos afligidos.

Na'ankure aka tima nesu'za kasegemofona zamage'nekaniza zamunte omane vahera zamazeri so'e osugahaze.

6 Dad la cerveza al desfallecido, y el vino á los de amargo ánimo:

Aka tina fri'zama nehanaza vahe nezamita, waini tina ra hazenkefima mani'naza vahe zaminke'za neho.

7 Beban, y olvídense de su necesidad, y de su miseria no más se acuerden.

Zamatrenke'za aka tina nene'za, zamunte omnea zanku'ene, ra knazama eri'naza zankura zamagekaniho.

8 Abre tu boca por el mudo, en el juicio de todos los hijos de muerte.

Kema huga'ma osu'nesia vahe'mokizmima keagahu trate'ma zamavarente'za zamazeri havizama nehanageta, kea hutma zamaza hiho.

9 Abre tu boca, juzga justicia, y el derecho del pobre y del menesteroso.

Zamunte'ma omane vahe'ene, zamagra'ama zamaza hugama osanaza vahe'mokizmi knare'zankura, fatgo hu'za refkoma huzmantesaza zankura keaga hunka zamaza hugahane.

10 Mujer fuerte, ¿quién la hallará? porque su estima sobrepuja largamente á [la de] piedras preciosas.

Izaga knare avu'ava ene ara erigahane? Na'ankure e'inahukna a'mo'a, zago'amo marerisa havea agatere'ne.

11 El corazón de su marido está en ella confiado, y no tendrá necesidad de despojo.

Neve'a ana a'mofonkura maka'zana hugahie huno antahinemiankino, mago zankura atupara osugahie.

12 Darále ella bien y no mal, todos los días de su vida.

Mika zupa nomani'zama'afina, ana a'mo'a, knare zanke'za nevena hunenteno, azeri havizana osugahie.

13 Buscó lana y lino, y con voluntad labró de sus manos.

Ana a'mo'a muse nehuno sipisipi azoka ene kafina nofi'ene (flax) hakeno erino nofi zagiteno, agra'a azanu kukena hatino tro nehie.

14 Fué como navío de mercader: trae su pan de lejos.

Ana a'mo'a ventemo'za zagore atre feno eri avitete'za neazankna huno, afetetira ne'zana erino noma'afina egahie.

15 Levantóse aun de noche, y dió comida á su familia, y ración á sus criadas.

Agra masa osu'nesigeno nanterampi otino nevene, noma'afi naga'amofo ne'zana retro nehuno, eri'za mofamo'ma eri'zama emerisia zana retro huntegahie.

16 Consideró la heredad, y compróla; y plantó viña del fruto de sus manos.

Ana a'mo'a hozama ante mopa rezagneno keteno, agra'a eri'nesia zagoreti mizaseno waini hoza antegahie.

17 Ciñó sus lomos de fortaleza, y esforzó sus brazos.

Ana a'mo'a hanavetino eri'zana eri a'kino, hanavetino eri'zana erigahie.

18 Gustó que era buena su granjería: su candela no se apagó de noche.

Ana a'mo'a zagoma erifore'ma hu eri'za eri kaziga knare hu'neanakino, tavira rekru hunteno eri'zana e'nerinkeno kenage segahie.

19 Aplicó sus manos al huso, y sus manos tomaron la rueca.

Ana a'mo'a agra'a, azanuti nofira zagino kukena hatino tro nehie.

20 Alargó su mano al pobre, y extendió sus manos al menesteroso.

Agra zamunte omane vahera zamaza nehuno, mago'a zanku'ma atupama haza vahera zamaza nehie.

21 No tendrá temor de la nieve por su familia, porque toda su familia está vestida de ropas dobles.

Ana a'mo'a zasi ko'ma atanigeno'a, noma'afima nemaniza naga'amo'zama zasiku'ma fri'zankura, korora osugahie. Na'ankure amuhoma hu tavravereti hatino kukena huzamante'ne.

22 Ella se hizo tapices; de lino fino y púrpura es su vestido.

Agra tafe'ma masi tafera hatino tafera nehuno, zago'amo mareri efeke ene fitunke tavravereti kukena hugahie.

23 Conocido es su marido en las puertas, cuando se sienta con los ancianos de la tierra.

Rankumamofo kafante'ma ranra vahe'mo'zama atru hu'za kegagama nehazafina, ana a'mofo nevena antahimiza ke'za antahi'za hu'naza nere.

24 Hizo telas, y vendió; y dió cintas al mercader.

Mika zupa ana a'mo'a knare kukena nehatino, zamu'nofira tro nehige'za feno vahe'mo'za eme mizase'naze.

25 Fortaleza y honor son su vestidura; y en el día postrero reirá.

Agra hanave'areti'ene ra agima ami'zanteti kukena hiankna nehuno, henkama esia zankura kiza regahie.

26 Abrió su boca con sabiduría: y la ley de clemencia está en su lengua.

Ana a'mo'a ama' antahi'zanteti kea nehigeno, agipina vahe'mofoma knare kema hunte kemo avite'ne.

27 Considera los caminos de su casa, y no come el pan de balde.

Arga mika'zama noma'afima me'nea zantamina kegava hu so'e nehuno, ferura nomanie.

28 Levantáronse sus hijos, y llamáronla bienaventurada; y su marido también la alabó.

Mofavre zaga'amo'za hu muse hunentesageno, neve'a husga huntegahie.

29 Muchas mujeres hicieron el bien; mas tú las sobrepujaste á todas.

Rama'a a'nemo'za knare avu'avara nehazanagi, kagra zamagaterenka hiranto a'tfa mani'nane.

30 Engañosa es la gracia, y vana la hermosura: la mujer que teme á Jehová, ésa será alabada.

Mago a'mo'ma fru huno knare avu'ava'ma hania zamo'a krevatga hanigeno, agi agonama keganunuma hananazamo'a, fanane hugahie. Hianagi Ra Anumzamofoma koro hunteno agoragama nemanisia a'mofona, husga huntegahaze.

31 Dadle el fruto de sus manos, y alábenla en las puertas sus hechos.

Agrama eri'zama eri'nesia avamente mizana neminkeno, knare avu'ava'ma nehuno, knare eri'zama eri'nesia zankura, vahe'mo'za ra kuma'mofo kafante husga huntegahaze.