Псалтирь 6

1 В конец, в песнех о осмем, псалом Давиду. Господи, да не яростию Твоею обличиши мене, ниже гневом Твоим накажеши мене.

2 Помилуй мя, Господи, яко немощен есмь: изцели мя, Господи, яко смятошася кости моя,

3 и душа моя смятеся зело: и Ты, Господи, доколе?

4 Обратися, Господи, избави душу мою, спаси мя ради милости Твоея:

5 яко несть в смерти поминаяй Тебе, во аде же кто исповестся Тебе? (Sheol h7585)

6 Утрудихся воздыханием моим, измыю на всяку нощь ложе мое, слезами моими постелю мою омочу.

7 Смятеся от ярости око мое, обетшах во всех вразех моих.

8 Отступите от мене, вси делающии беззаконие, яко услыша Господь глас плача моего,

9 услыша Господь моление мое, Господь молитву мою прият.

10 Да постыдятся и смятутся вси врази мои, да возвратятся и устыдятся зело вскоре.