༡ ཀརིནྠིནཿ 9

1 ཨཧཾ ཀིམ྄ ཨེཀཿ པྲེརིཏོ ནཱསྨི? ཀིམཧཾ སྭཏནྟྲོ ནཱསྨི? ཨསྨཱཀཾ པྲབྷུ ཪྻཱིཤུཿ ཁྲཱིཥྚཿ ཀིཾ མཡཱ ནཱདརྴི? ཡཱུཡམཔི ཀིཾ པྲབྷུནཱ མདཱིཡཤྲམཕལསྭརཱུཔཱ ན བྷཝཐ?

2 ཨནྱལོཀཱནཱཾ ཀྲྀཏེ ཡདྱཔྱཧཾ པྲེརིཏོ ན བྷཝེཡཾ ཏཐཱཙ ཡུཥྨཏྐྲྀཏེ པྲེརིཏོ྅སྨི ཡཏཿ པྲབྷུནཱ མམ པྲེརིཏཏྭཔདསྱ མུདྲཱསྭརཱུཔཱ ཡཱུཡམེཝཱདྷྭེ།

3 ཡེ ལོཀཱ མཡི དོཥམཱརོཔཡནྟི ཏཱན྄ པྲཏི མམ པྲཏྱུཏྟརམེཏཏ྄།

4 བྷོཛནཔཱནཡོཿ ཀིམསྨཱཀཾ ཀྵམཏཱ ནཱསྟི?

5 ཨནྱེ པྲེརིཏཱཿ པྲབྷོ རྦྷྲཱཏརཽ ཀཻཕཱཤྩ ཡཏ྄ ཀུཪྻྭནྟི ཏདྭཏ྄ ཀཱཉྩིཏ྄ དྷརྨྨབྷགིནཱིཾ ཝྱཱུཧྱ ཏཡཱ སཱརྡྡྷཾ པཪྻྱཊིཏུཾ ཝཡཾ ཀིཾ ན ཤཀྣུམཿ?

6 སཱཾསཱརིཀཤྲམསྱ པརིཏྱཱགཱཏ྄ ཀིཾ ཀེཝལམཧཾ བརྞབྦཱཤྩ ནིཝཱརིཏཽ?

7 ནིཛདྷནཝྱཡེན ཀཿ སཾགྲཱམཾ ཀརོཏི? ཀོ ཝཱ དྲཱཀྵཱཀྵེཏྲཾ ཀྲྀཏྭཱ ཏཏྥལཱནི ན བྷུངྐྟེ? ཀོ ཝཱ པཤུཝྲཛཾ པཱལཡན྄ ཏཏྤཡོ ན པིཝཏི?

8 ཀིམཧཾ ཀེཝལཱཾ མཱནུཥིཀཱཾ ཝཱཙཾ ཝདཱམི? ཝྱཝསྠཱཡཱཾ ཀིམེཏཱདྲྀཤཾ ཝཙནཾ ན ཝིདྱཏེ?

9 མཱུསཱཝྱཝསྠཱགྲནྠེ ལིཁིཏམཱསྟེ, ཏྭཾ ཤསྱམརྡྡཀཝྲྀཥསྱཱསྱཾ ན བྷཾཏྶྱསཱིཏི། ཨཱིཤྭརེཎ བལཱིཝརྡྡཱནཱམེཝ ཙིནྟཱ ཀིཾ ཀྲིཡཏེ?

10 ཀིཾ ཝཱ སཪྻྭཐཱསྨཱཀཾ ཀྲྀཏེ ཏདྭཙནཾ ཏེནོཀྟཾ? ཨསྨཱཀམེཝ ཀྲྀཏེ ཏལླིཁིཏཾ། ཡཿ ཀྵེཏྲཾ ཀརྵཏི ཏེན པྲཏྱཱཤཱཡུཀྟེན ཀརྵྚཝྱཾ, ཡཤྩ ཤསྱཱནི མརྡྡཡཏི ཏེན ལཱབྷཔྲཏྱཱཤཱཡུཀྟེན མརྡྡིཏཝྱཾ།

11 ཡུཥྨཏྐྲྀཏེ྅སྨཱབྷིཿ པཱརཏྲིཀཱཎི བཱིཛཱནི རོཔིཏཱནི, ཨཏོ ཡུཥྨཱཀམཻཧིཀཕལཱནཱཾ ཝཡམ྄ ཨཾཤིནོ བྷཝིཥྱཱམཿ ཀིམེཏཏ྄ མཧཏ྄ ཀརྨྨ?

12 ཡུཥྨཱསུ ཡོ྅དྷིཀཱརསྟསྱ བྷཱགིནོ ཡདྱནྱེ བྷཝེཡུསྟརྷྱསྨཱབྷིསྟཏོ྅དྷིཀཾ ཀིཾ ཏསྱ བྷཱགིབྷི རྣ བྷཝིཏཝྱཾ? ཨདྷིཀནྟུ ཝཡཾ ཏེནཱདྷིཀཱརེཎ ན ཝྱཝཧྲྀཏཝནྟཿ ཀིནྟུ ཁྲཱིཥྚཱིཡསུསཾཝཱདསྱ ཀོ྅པི ཝྱཱགྷཱཏོ྅སྨཱབྷིཪྻནྣ ཛཱཡེཏ ཏདརྠཾ སཪྻྭཾ སཧཱམཧེ།

13 ཨཔརཾ ཡེ པཝིཏྲཝསྟཱུནཱཾ པརིཙཪྻྱཱཾ ཀུཪྻྭནྟི ཏེ པཝིཏྲཝསྟུཏོ བྷཀྵྱཱཎི ལབྷནྟེ, ཡེ ཙ ཝེདྱཱཿ པརིཙཪྻྱཱཾ ཀུཪྻྭནྟི ཏེ ཝེདིསྠཝསྟཱུནཱམ྄ ཨཾཤིནོ བྷཝནྟྱེཏད྄ ཡཱུཡཾ ཀིཾ ན ཝིད?

14 ཏདྭད྄ ཡེ སུསཾཝཱདཾ གྷོཥཡནྟི ཏཻཿ སུསཾཝཱདེན ཛཱིཝིཏཝྱམིཏི པྲབྷུནཱདིཥྚཾ།

15 ཨཧམེཏེཥཱཾ སཪྻྭེཥཱཾ ཀིམཔི ནཱཤྲིཏཝཱན྄ མཱཾ པྲཏི ཏདནུསཱརཱཏ྄ ཨཱཙརིཏཝྱམིཏྱཱཤཡེནཱཔི པཏྲམིདཾ མཡཱ ན ལིཁྱཏེ ཡཏཿ ཀེནཱཔི ཛནེན མམ ཡཤསོ མུདྷཱཀརཎཱཏ྄ མམ མརཎཾ ཝརཾ།

16 སུསཾཝཱདགྷེཥཎཱཏ྄ མམ ཡཤོ ན ཛཱཡཏེ ཡཏསྟདྒྷོཥཎཾ མམཱཝཤྱཀཾ ཡདྱཧཾ སུསཾཝཱདཾ ན གྷོཥཡེཡཾ ཏརྷི མཱཾ དྷིཀ྄།

17 ཨིཙྪུཀེན ཏཏ྄ ཀུཪྻྭཏཱ མཡཱ ཕལཾ ལཔྶྱཏེ ཀིནྟྭནིཙྪུཀེ྅པི མཡི ཏཏྐརྨྨཎོ བྷཱརོ྅རྤིཏོ྅སྟི།

18 ཨེཏེན མཡཱ ལབྷྱཾ ཕལཾ ཀིཾ? སུསཾཝཱདེན མམ ཡོ྅དྷིཀཱར ཨཱསྟེ ཏཾ ཡདབྷདྲབྷཱཝེན ནཱཙརེཡཾ ཏདརྠཾ སུསཾཝཱདགྷོཥཎསམཡེ ཏསྱ ཁྲཱིཥྚཱིཡསུསཾཝཱདསྱ ནིཪྻྱཡཱིཀརཎམེཝ མམ ཕལཾ།

19 སཪྻྭེཥཱམ྄ ཨནཱཡཏྟོ྅ཧཾ ཡད྄ བྷཱུརིཤོ ལོཀཱན྄ པྲཏིཔདྱེ ཏདརྠཾ སཪྻྭེཥཱཾ དཱསཏྭམངྒཱིཀྲྀཏཝཱན྄།

20 ཡིཧཱུདཱིཡཱན྄ ཡཏ྄ པྲཏིཔདྱེ ཏདརྠཾ ཡིཧཱུདཱིཡཱནཱཾ ཀྲྀཏེ ཡིཧཱུདཱིཡཨིཝཱབྷཝཾ། ཡེ ཙ ཝྱཝསྠཱཡཏྟཱསྟཱན྄ ཡཏ྄ པྲཏིཔདྱེ ཏདརྠཾ ཝྱཝསྠཱནཱཡཏྟོ ཡོ྅ཧཾ སོ྅ཧཾ ཝྱཝསྠཱཡཏྟཱནཱཾ ཀྲྀཏེ ཝྱཝསྠཱཡཏྟཨིཝཱབྷཝཾ།

21 ཡེ ཙཱལབྡྷཝྱཝསྠཱསྟཱན྄ ཡཏ྄ པྲཏིཔདྱེ ཏདརྠམ྄ ཨཱིཤྭརསྱ སཱཀྵཱད྄ ཨལབྡྷཝྱཝསྠོ ན བྷཱུཏྭཱ ཁྲཱིཥྚེན ལབྡྷཝྱཝསྠོ ཡོ྅ཧཾ སོ྅ཧམ྄ ཨལབྡྷཝྱཝསྠཱནཱཾ ཀྲྀཏེ྅ལབྡྷཝྱཝསྠ ཨིཝཱབྷཝཾ།

22 དུརྦྦལཱན྄ ཡཏ྄ པྲཏིཔདྱེ ཏདརྠམཧཾ དུརྦྦལཱནཱཾ ཀྲྀཏེ དུརྦྦལཨིཝཱབྷཝཾ། ཨིཏྠཾ ཀེནཱཔི པྲཀཱརེཎ ཀཏིཔཡཱ ལོཀཱ ཡནྨཡཱ པརིཏྲཱཎཾ པྲཱཔྣུཡུསྟདརྠཾ ཡོ ཡཱདྲྀཤ ཨཱསཱིཏ྄ ཏསྱ ཀྲྀཏེ ྅ཧཾ ཏཱདྲྀཤཨིཝཱབྷཝཾ།

23 ཨིདྲྀཤ ཨཱཙཱརཿ སུསཾཝཱདཱརྠཾ མཡཱ ཀྲིཡཏེ ཡཏོ྅ཧཾ ཏསྱ ཕལཱནཱཾ སཧབྷཱགཱི བྷཝིཏུམིཙྪཱམི།

24 པཎྱལཱབྷཱརྠཾ ཡེ དྷཱཝནྟི དྷཱཝཏཱཾ ཏེཥཱཾ སཪྻྭེཥཱཾ ཀེཝལ ཨེཀཿ པཎྱཾ ལབྷཏེ ཡུཥྨཱབྷིཿ ཀིམེཏནྣ ཛྙཱཡཏེ? ཨཏོ ཡཱུཡཾ ཡཐཱ པཎྱཾ ལཔྶྱདྷྭེ ཏཐཻཝ དྷཱཝཏ།

25 མལླཱ ཨཔི སཪྻྭབྷོགེ པརིམིཏབྷོགིནོ བྷཝནྟི ཏེ ཏུ མླཱནཱཾ སྲཛཾ ལིཔྶནྟེ ཀིནྟུ ཝཡམ྄ ཨམླཱནཱཾ ལིཔྶཱམཧེ།

26 ཏསྨཱད྄ ཨཧམཔི དྷཱཝཱམི ཀིནྟུ ལཀྵྱམནུདྡིཤྱ དྷཱཝཱམི ཏནྣཧི། ཨཧཾ མལླཨིཝ ཡུདྷྱཱམི ཙ ཀིནྟུ ཚཱཡཱམཱགྷཱཏཡནྣིཝ ཡུདྷྱཱམི ཏནྣཧི།

27 ཨིཏརཱན྄ པྲཏི སུསཾཝཱདཾ གྷོཥཡིཏྭཱཧཾ ཡཏ྄ སྭཡམགྲཱཧྱོ ན བྷཝཱམི ཏདརྠཾ དེཧམ྄ ཨཱཧནྨི ཝཤཱིཀུཪྻྭེ ཙ།