Efesus 3

1 Huu Lamatualain nda pili-tad'a atahori Yahudi ro atahori nda Yahudi ra sa, naa de Ana denu au, Paulus, 'uu dui-b'engga Yesus Kristus Hara-lii Malolen neu hei atahori nda Yahudi ra sa sia kota Efesus. Au ulalao ue-tatao ngga naa, losa au dad'i uu atahori b'ui ena.

2 Tantu hei o bub'ulu' mae, Lamatulain denu au, huu nae natud'u rala malolen neu nggi.

3 Mema' ma'ahulun a Lamatualain nda fe'e nafad'e atahori, so'al saa fo Ana na'etu' fee atahori nda Yahudi ra sa. Te ia na nafad'e dala' ia neu au ena. De ia ra, au sura e'eku' fee neu hei ena.

4 Mete ma hei baca basa, hei o bisa mihine Lamatualain dud'u'an so'al Yesus Kristus, fo Ana natud'u neu au ena.

5 Te d'alahulun, atahori nda fe'e rahine Eni dud'u'an sa. Te ia na, Ana pake Dula-dalen fo nafad'e dud'u'an neu mana ola-ola nara, ma ded'enu nara.

6 Te mia d'alahulun, Lamatualain na'etu' basa ta'o ia: mete ma atahori nda Yahudi ra sa ramahere Yesus Kristus Hara-lii Malolen, ara o bisa maso' dad'i Lamatua' ana nara, ona' atahori Yahudi ra boe. Naa de, ia na hita dad'i bob'onggi' sa ena, ma ata bisa simbo papala-bab'anggi' mia hita Aman Lamatualain.

7 Lamatualain natud'u rala malolen ma pili au dad'i ded'enun. Ma Ana o fee koasan neu au, fo ulalao Eni ue-tataon naa.

8 Mia basa Lamatua' atahori nara, au ia atahori anadiki' lena'. Ona' naa o, Lamatua' pili au fo ulalao Eni ue-tataon manaseli' na. Ana nau fo au ufad'e atahori nda Yahudi ra sa, so'al Kristus rala malolen, nda mana etu' ma basa sa.

9 Te, eni' a Lamatua' na'ad'ad'adi' raefafo' ia, Eni dud'u'an nae denu Kristus nema, fe'e ma'afuni'. Te, ia na, Ana nau fo au uu fee basa atahori bub'ulu' dud'u'an naa. (aiōn g165)

10 Te dud'u'an naa, mahinen seli. Ma Ana nae pake atahori nara fo reu ratud'u mahinen naa, neu basa koasa ma parenda' mana sia lalai ra.

11 Lele' Ana nda fe'e na'ad'ad'adi' raefafo' ia sa, Ana na'etu' basa nae soi dala' fo fee masod'a' neu atahori. Naa de, Ana denu hita Lamatuan Yesus Kristus, fo tao tungga ta'o naa. (aiōn g165)

12 Huu naa, hita mana tamahere neu Yesus Kristus, afi' tamatau tema ola-ola' to Lamatua'. Huu, Ana nau simbo hita, sud'i' a fai' bee.

13 Misined'a, e! Au doid'oso huu mete-se'u hei, atahori nda Yahudi ra sa. Ona' naa o, rala mara afi' ra'ana. Huu au lemba doid'oso' ia, naa fo hei simbo mala malolen.

14 Lele' au du'a ala Ama' Lamatualain rala malolen manaselin naa, ma au sende' lululangga ngga hule-o'e o'e makasi neu E.

15 Huu basa bob'onggi' mana sia raefafo' ma sorga Aman, naeni, Eni.

16 Au hule-o'e fo Ana fee papala-bab'anggi' nae' neu nggi tungga rala malole manaselin. Au o o'e fo Ana fee Dula-d'alen, ma koasa, fo rala mara boe manggatee.

17 Au o'e fo Yesus Kristus leo sia rala mara, huu mimihere mikindoo neu E. Au o hule-o'e fo hei misod'a mi'ib'ue mo susuen, ona' hau huu' mana mori mahere', huu okan nandoro rae rala neu roma'.

18 Au o hule-o'e, fo hei mo basa Lamatua' atahori nara, bisa mihine Kristus susuen fo atahori nda uku rala e sa. Huu susue' naa, monaen seli, loan seli, roman seli, ma naen seli! Au hule-o'e fo hei o med'a Eni susuen, losa susue' naa nasofe ralam ma masod'a mara.

19

20 Lamatualain koasan manaseli', lena' basa saa fo hita bisa to'e', ma mia saa fo hita bisa d'u'a' a. Ma Ana ue-tao sia hita ralan nendi' koasa manaselin.

21 Huu naa, hita mana ta'ab'ue to Yesus Kristus, ima fo so'u tananaru E! Koa-kio takandoo E, mia fai' ia losa doo-ndu'u-doon neu. Naa nandaa! (aiōn g165)