Luka 17

1 O Isus phendas pire učenikonenđe: “O iskušenje moraš te avel, ali teško e manušešće kroz savo avel o iskušenje.

2 Kasave manušešće avilosas majlačhe te unglaven lešće o mlinsko bar oko e kor thaj te čhuden les ando more, nego te crdel po bezeh jećhe katar akala manuša saven si cara paćipe.

3 Upozoriv tumen! Ako ćiro phral savo si verniko pogrešil, ukori les thaj jartosar lešće ako pokailpes.

4 Pa ako vi efta drom po đes sagrešil protiv tute thaj efta drom po đes avel thaj phenel tuće: ‘Jartosar manđe. Pogrešisardem!’, jartosar lešće.”

5 E apostolurja phendine e Gospodešće: “Trubulamen majbut paćipe. Phen amenđe sar te dobis!”

6 O Gospod phendas lenđe: “Te aveltumen paćipe gajda cara sago kaj si e gorušicako zrno, phendinesas akale dudošće: ‘Inkaltu e korenosa thaj presaditut ando more!’, thaj vo presadisajlosas.

7 Ko tumendar phenela pire slugašće savo oril ili lel sama pe stoka, kana boldela pes andar o polje thaj del ando ćher: ‘Av brzo thaj beš pale sinija?’

8 Či umesto godova phenena lešće gajda: ‘Ćer manđe večera! Čhov e kecelja pe tute thaj služisar man dok hav thaj pijav, pale godova tu haja thaj pijeja?’

9 E slugašće pale godova či zahvalilpe kaj vo samo ćerel piri bući.

10 Gajda vi tumen: kana sen poslušne e Devlešće, phenen: ‘Sluge sam save či zaslužisaras pohvala! Ćerdam samo so samas udžile te ćeras!’”

11 Gajda dok putuilas majdur prema o Jerusalim, o Isus naćhelas maškar e Samarijaći thaj e Galilejaći regija.

12 Kana delas ande varesosko gav, angle leste avile deš gubavcurja. Ačhiline cara maj dur

13 thaj počnisardine te čhon muj: “Isuse, Sikavneja, smiluitu amenđe!”

14 Kana o Isus dikhla len, phendas lenđe: “Džantar, thaj sikaven tumen e rašajenđe te dićhen tumen thaj phenen dali sen saste!”, thaj dok džanas dromesa sastile katar e guba.

15 Jek lendar dikhla kaj sastilo, boldape thaj slavisarda e Devle andar sasto glaso.

16 Čhudape pe koča angle Isusešće pungre thaj zahvalisarda lešće. A sas godova varesavo manuš andar e Samarija.

17 O Isus phučla: “Či li sastile deš džene? Kaj si okola inja?

18 Dali nijek lendar či boldape te del slava e Devlešće osim akava tuđinco?”

19 Askal phenda e manušešće savo sastilo: “Ušti thaj dža. Ćiro paćipe ande mande spasisarda tut!”

20 E fariseja phučline e Isuse: “Kana avela o carstvo e Devlesko?” A vo phenda lenđe: “O carstvo e Devlesko či avela e znakonenca save e manuša šaj promatrin gajda te šaj dićhelpes.

21 Naštik phenela pes: ‘Aketalo akate!’, ili: ‘Eketalo okote!’ Ake o carstvo e Devlesko si maškar tumende!”

22 Pale godova phendas e učenikonenđe: “Avela e vrjama kana kamena te dićhen jek katar e đesa kana me, o Čhavo e Manušesko, vladiva sago o caro, ali či dićhena godova đes.

23 Askal phenena tumenđe: ‘Eketalo okote, aketalo akate!’ Ali na džan thaj na prasten inća!

24 Kaj sago e munja kaj sevil pe jek krajo e nebosko thaj rasvetlil sa dži ke aver krajo, gajda avela vi manca, e Manušešće Čhavesa, ando mungro đes.

25 Ali majsigo trubuv but te pretrpisarav thaj akava naraštaj trubula te odbacilman.”

26 “Thaj sago kaj sas dumut kana trailas o Noje, gajda avela vi ando đes kana avava me o Čhavo e Manušesko:

27 e manuša hanas, pijenas, ženinas pes thaj udainas pes dži ko đes dok o Noje či dijas ando baro brodo, thaj avilo o potop thaj uništisardas sa so nas ando baro brodo.

28 Askal avela sago kaj sas dumut kana trailas o Lot: Kana e manuša ando gav savo akhardolas Sodoma, hanas thaj pijenas, ćinenas thaj bićinenas, sadinas thaj gradinas,

29 sa dži ke detharin kana o Lot inkljisto andar o gav Sodoma, a askal andar o nebo zapljuštisarda e jag thaj o sumpor thaj uništisardas sa okolen save ačhiline ando gav.

30 Isto gajda iznenada avela ando đes kana boldava man me o Čhavo e Manušesko.

31 Gajda ande okova đes, ko avela po krovo, a lešće stvarja si ando ćher, neka na fuljel te lel len. Thaj ko si ande njive, neka či boldel pes palpale te lel vareso pesa.

32 Dentumen gođi sar muli e Lotošće romnji!

33 Kaj ko lela sama pe piro trajo te araćheles, hasarela les; a ko hasarel piro trajo zadobila les palo večnost.”

34 Phenav tumenđe, ande koja rjat kana me boldava man avena duj džene ande jek kreveto. Jek lelape, aver mućelapes.

35 Duj džene meljina zajedno. Jek lelape, a aver mućelapes.

36 Duj džene avena ando polje, jek avela lino a aver ačhela.

37 Pe godova e učenikurja phučlineles: “A kaj godova Gospode?” A o Isus phenda lenđe: “Avela očito sago vi akaja poslovica: ‘Kaj si e mule telurja, kote vi e lešinarja ćidenape.’”