Tituj 3

1 KATAMAN kin irail ren peiki on monjap o me manaman akan, o ren apwali wiawia mau karoj.

KATAMAN kin irail ren peiki ong monsap o me manaman akan, o ren apwali wiawia mau karos.

2 Der lalaue amen, der akamai, a en kamantik, o opampap on aramaj akan karoj.

Der lalaue amen, der akamai, a en kamantik, o opampap ong aramas akan karos.

3 Pwe kitail pil pweipwei maj o, o jopeik, o jalonala, o papa jon en inon o madon jued akan, kokoa me jued, o peirin, pakailok, o kailonki amen amen.

Pwe kitail pil pweipwei mas o, o sopeik, o salongala, o papa song en inong o madong sued akan, kokoa me sued, o peirin, pakailok, o kailongki amen amen.

4 A kalanan o limpok en Kot atail Jaundor lao pwarado,

A kalangan o limpok en Kot atail Saundor lao pwarado,

5 A kotin dore kitail la kaidin pweki pein atail wiawia pun, a pein a kupur ki paptaij en kaipwi kap o kawilia kap ren Nen jaraui.

A kotin dore kitail la kaidin pweki pein atail wiawia pung, a pein a kupur ki paptais en kaipwi kap o kawilia kap ren Ngen saraui.

6 Me a kotin kupura don kitail kaualap ren Iejuj Krijtuj atail Jaundor.

Me a kotin kupura dong kitail kaualap ren Iesus Kristus atail Saundor.

7 Pwe kitail en pun kila a mak, pwen jojoki maur joutuk duen at kaporopor. (aiōnios g166)

Pwe kitail en pung kila a mak, pwen sosoki maur soutuk duen at kaporopor. (aiōnios g166)

8 Melel padak pot et o i men, koe en nantion kaweweda, pwe irail, me pojonla Kot, en kadoke kin ir wiawia mau, mepukat me mau o kon on aramaj akan.

Melel padak pot et o i men, koe en nantiong kaweweda, pwe irail, me posonla Kot, en kadoke kin ir wiawia mau, mepukat me mau o kon ong aramas akan.

9 A liki jan peidok mal akan, o padok en tiak kan, o akamai, o akamai ki kapun, pwe mepukat jota kadepa o me mal.

A liki sang peidok mal akan, o padok en tiak kan, o akamai, o akamai ki kapung, pwe mepukat sota kadepa o me mal.

10 Aramaj likin panau amen, panaui pan mepak de ria pak ap muei jan i.

Aramas likin panau amen, panaui pan mepak de riapak ap muei sang i.

11 Pwe koe aja, me i me japun o kin wia dip, a kadeikada pein i.

Pwe koe asa, me i me sapung o kin wia dip, a kadeikada pein i.

12 I lao kadar won uk Artemaj de Tikikuj, koe madan don ia, Nikopolij, pwe i kileledier me i pan kaujon waja o ni anjaun kapau.

I lao kadar wong uk Artemas de Tikikus, koe madang dong ia, Nikopolis, pwe i kileledier me i pan kauson wasa o ni ansaun kapau.

13 Jaunkawewe Jenaj o Apoloj kadara don ia madan. Jauaja ira, pwe ira de anane meakot.

Saunkawewe Senas o Apolos kadara dong ia madang. Sauasa ira, pwe ira de anane meakot.

14 O naitail akan en porijok o koiokki on wiawia mau, pwe ren der jo wa’rail.

O naitail akan en porisok o koiokki ong wiawia mau, pwe ren der so wa’rail.

15 Karoj, me mi re i, kin ranamau won uk. Ranamau won karoj, me kin pok on kit ni pojon. Mak o en mi re omail karoj!

Karos, me mi re i, kin ranamau wong uk. Ranamau wong karos, me kin pok ong kit ni poson. Mak o en mi re omail karos!