Psalms 78

1 KOMAIL nai aramaj akan, ron ai kujoned; komail kapaike don jalon omail padak en au ai!

2 I pan ki pajan au ai, pwen padak, o pan kida kajoi en maj o,

3 Me kitail ronadar o ajaer, o jam atail kajoi on kitail er,

4 Pwe kitail ender karirila jan kadaudok arail, me pan pwarado mur, o kaparokki wau en leowa, o a manaman o a dodok kapuriamui kan.

5 Pwe a kotin kauada men kataman eu ren Iakop, o kotikida kapun eu ren men Ijrael, me u kotin kakaliki on jam atail akan, pwe ren ujelan nair jeri kan,

6 Pwe di en mur en aja due, o jeri ko, me pan ipwidi; o ni ar kokoda, ren pil kajoi on nair jeri kan

7 Pwe irail en kaporoporeki Kot, o ren der monokela en Kot a wiwia kan, o ren kapwaiada a kujoned akan.

8 O ren der dueta jam arail akan, me kainok kanudi o katiwo eu, me monion arail jota teneten, o nen arail jota melel on Kot.

9 Dueta kainok Epraim, me wa tatan mauin, ap purela jan nan pei.

10 Irail jota dadaurata inau en Kot, o re jota men weweideki duen a kujoned akan.

11 O re monokelar a wiawia kan o a manaman akan, me a kotin kajaljale on irail er.

12 A kotin wiadar manaman akai janjal mon jam arail akan nan Akipten, nan jap Joan.

13 A kotin palan pajan madau o kotin mueid on ir, en kotela, o wiadar pil dueta kel takai eu.

14 A kotin kalua kin irail tapik ni ran o, o ni pon umpul en kijiniai.

15 A kotin palan pajan paip nan jap tan o kanim pile kin irail pil toto.

16 O a kotin kapkapwile wei pilap kai jan nan paip, pwe ren pwile wei dueta pilap laud akan.

17 Ari jo, re dadaurata ni arail didi on I, o re kaonioni me Lapalap o nan jap tan.

18 O re kajonejon Kot nan monion arail, ni ar inon ion kan arail mana.

19 O re palian Kot ni ar inda: Melel Kot pan kak wiada tepel eu nan jap tan?

20 Kilan, a poki paip o, pe pil en pwarado o pilap akan pwilepwile wei, a iaduen, a pan kak kida prot o uduk on na aramaj akan?

21 Ieowa lao manier mepukat, ap kotin onionadar, o kijiniai wiauier ren Iakop, o onion lel on Ijrael,

22 Pweki ar jo kamelele Kot, o jota kaporoporeki a jauaj.

23 A ap kotin majani on tapok en poa kan, o ritinida wanim on lan akan.

24 O kotin kamoredi on ir mana, pwe ren mana, o a kotiki on ir prot en lan.

25 Irail kanalar prot en tounlan kan; a kotin kadar on ir kijin mana toto.

26 A kotin kapwaredar pan lan an en maj en lan, o ni a manaman a kotin kamokidada an en pali air.

27 O a kotin kamoredi on ir uduk dueta pwel par, o manpir dueta pik en oror.

28 O a kotin kapup irail di waja karoj, me irail kaujon ia.

29 Rap manamana o medilar kaualap, o a kotin mueid on ir ar inon.

30 A ni ar kapwaiadar ar inon, o ni ar manamana.

31 Onion en Kot ap lel on irail er, o kamelar ol lapalap re’rail, o kotin wokiedi mana kap en Ijrael kajampwal akan.

32 A re kalaudelar arail dip, o re jota kamelele a manaman akan.

33 I me a kotin mueidoki ren mela, re jota paida, o ar apwal akan me toto arain ar maur.

34 Ni a kotin kame irail la, rap idok i, o wukila, o rapaki Kot.

35 O re tamandar, me Kot kele parail o Kot lapalap ar jaundor.

36 O re lik janjal mau on i ni au arail o re likam on i ni lo ar.

37 A monion arail jota teneten on i, o re jota dadaurata melel a inau.

38 Ari jo, a kotin kalanan on ir, o kotin makeki on ir dip arail, o jota kame irail la, o katukiedi a onion pan pak toto, o jota onioni melel.

39 Pwe a kotin kupura, me irail pali uduk, dueta kijinian, me pir wei o jolar puredo.

40 Pan pak toto re kanudi on i nan jap tan, o kakupur juedi i nan mal.

41 Irail pur on anjau karoj kajonejon Kot, o re akapuni on me Jaraui ren men Ijrael.

42 Re jolar tamanda lim a manaman, me dore ir ala jan ar imwintiti kan ni ran o.

43 Duen a kotin wiadar a manaman akan nan Akipten o a dodok kapuriamui nan Joan.

44 A kotin kawuki on nta ar pil akan, rap jolar kak nima jan ar pilap akan.

45 Ni a kotin kapwaredar man jued akan nan pun arail, me kan ir ala, o proj akan, me kawe ir ala.

46 A kotiki on muedi ar tuka kan, o ar wantuka on man jiek.

47 A kotin kawekilar akel ar wain o tuka kan ki akel tikitik.

48 A kotin kamekila ar man akel akan o ar pwin man akan liol.

49 A kotin onion melel o porone won ir tounlan jued kai, o mueid on ir, ren linaranar, o morjued, o kainjenjued.

50 A kotin kaonopa dan onion al apot, o jota dorelar maur arail jan mela, o kotin mueid on kilitop ni maur arail.

51 A kotin kamelar mejeni karoj nan Akipten, mejeni en ar kelail nan im en Am akan.

52 A kotin kaluala japwilim a kan dueta pwin jip eu nan jap tan.

53 A kotin kalua irail ni pun, pwe ren der majak meakot, a madau kadupaledi ar imwintiti kan.

54 A kotin wa ir ala lel ni irair en jap jaraui, lel nana wet, me lim a pali maun kileledier.

55 O kotin pakipaki men liki kan mo’rail, o kotin nek on ir jap arail, pwen jojoki, o a kotiki on kainok en Ijrael akan, en kaukaujon nan im arail.

56 A re jonejon? o kaonion Kot lapalap, o jota peiki on i, o jota duki on a majan akan.

57 O re muei jan o mamaleki meakaroj, dueta jam arail akan, o re jota teneten, dueta kajik katieu luet eu.

58 O re kaonion i ni ar kaudok pon dol akan, o re kupur juedeki i ki arail dikedik en ani kan.

59 A Kot lao kotin mani mepukat, ap kotin onionada o kajapok ir ala melel.

60 A kotin muei jan tanpaj a nan Jilo, im pwal o, waja a kotikot ia ren aramaj akan.

61 A kotiki wei japwilim akan nan imaten, o a linan nan pa en imwintiti kan.

62 A kotiki wei japwilim a aramaj akan ni kodlaj, o kotin onioni japwilim a jojo.

63 Kijiniai kanala ar manakap akan, o ar peinekap akan jolar kak papaud.

64 Arail jamero kan mekilar kodlaj, a jolar li odi kan, me kin maiei.

65 Ieowa ap kotin opala waja dueta amen me mairelar, dueta ol komad amen kin nijinij ni a kan wain.

66 A kotin kaloedier a imwintiti kan o kanamenok ir ala kokolata.

67 A kotin kajelar im en Iojep, o jota piladar kainok en Epraim.

68 Pwe a kotin piladar kainok en Iuda, kol Jion, me a koti kupura.

69 O a kotin kauadar tanpaj a im jaraui waja ileile, dueta jappa me pan teneten ea kokolata.

70 Ap kotin piladar japwilim a ladu Dawid, o a kotin ale i jan nan deun jip akan.

71 A kotin kalua i jan ren jip en kadidi kan, pwen kamana japwilim a kainok en Iakop o a jojo men Ijrael.

72 O a kotin apapwali ir ni tiak en monion melel o pun, o kakaun irail ada ni koiok en lim a kan.