Men Pilipi 1

1 PAULUJ o Timoteuj ladun Iejuj Krijtuj on me jaraui kan karoj en Krijtuj Iejuj o pijop o jaunkoa kan nan Pilipi.

PAULUS o Timoteus ladun Iesus Kristus ong me saraui kan karos en Kristus Iesus o pisop o saunkoa kan nan Pilipi.

2 Mak o popol jan ren Kot Jam atail o Kaun Iejuj Krijtuj en mi re omail!

Mak o popol sang ren Kot Sam atail o Kaun Iesus Kristus en mi re omail!

3 I kin danke ai Kot ni ai tamatamanda komail.

I kin danke ai Kot ni ai tamatamanda komail.

4 I me i kin wiada ni ai kapakap kin komail anjau karoj, o i kin kapakap ni pereperen.

I me i kin wiada ni ai kapakap kin komail ansau karos, o i kin kapakap ni pereperen.

5 Pweki omail dadaurata ronamau jan ni tapi o kokodo lel met.

Pweki omail dadaurata rongamau sang ni tapi o kokodo lel met.

6 O i kamelele me I, me tapidar wiawia mau on eu re omail pil pan kanikiela lan lel ran en lejui Krutul.

O i kamelele me i, me tapiadar wiawia mau eu re omail, pil pan kanikiela lao lel ran en Iesus Kristus.

7 Me pun i en kamelele mepukat duen komail karoj, pwe i kin kolekol komail nan monion i ni ai jalidi wet, waja i kin kaweweda o kadededa ronamau; a komail karoj kin ian ia kapwaiada mak wet.

Me pung i en kamelele mepukat duen komail karos, pwe i kin kolekol komail nan mongiong i ni ai salidi wet, wasa i kin kaweweda o kadededa rongamau; a komail karos kin iang ia kapwaiada mak wet.

8 Pwe Kot ai jaunkadede, duen i kin loleiteki komail pan kupur en Krijtuj Iejuj.

Pwe Kot ai saunkadede, duen i kin loleiteki komail pan kupur en Kristus Iesus.

9 O me i pil kapakapaki pwe omail limpok en lapalapala kakairida ni lolekon o lamalam akan.

O me i pil kapakapaki pwe omail limpok en lapalapala kakairida ni lolekong o lamalam akan.

10 Pwe komail en kajauiada, da me mau jan karoj, pwe komail en melel o pun lao lel ran en Krijtuj.

Pwe komail en kasauiada, da me mau sang karos, pwe komail en melel o pung lao lel ran en Kristus.

11 O direki wan pun kan, me kin wiaui ren Iejuj Krijtuj men kalinanada o kapina Kot.

O direki wan pung kan, me kin wiaui ren Iesus Kristus men kalinganada o kapinga Kot.

12 Ri ai kan, i men, komail en aja ir ai, me dialan kaindindar ronamau,

Ri ai kan, i men, komail en asa ir ai, me dialan kaindindar rongamau,

13 Nan i ai jalidi kan pweki Krijtuj, me pwarapwaradar nan im en monjap o waja karoj.

Nan i ai salidi kan pweki Kristus, me pwarapwaradar nan im en monsap o wasa karos.

14 O ri atail toto pan kupur en Kaun, me ainar kidar ai jalidi kan, ap aima jan maj o, en padaki maj an en Kot ap jo majak.

O ri atail toto pan kupur en Kaun, me aingar kidar ai salidi kan, ap aima sang mas o, en padaki masan en Kot ap so masak.

15 A akai kin padaki duen Krijtuj akpeirin, o akamai, o akai jan nan ar inon mau.

A akai kin padaki duen Kristus akpeirin, o akamai, o akai sang nan ar inong mau.

16 A met akan ni limpok, pwe re aja, me nai jalidier, pwen kadede pan ronamau.

A met akan ni limpok, pwe re asa, me ngai salidier, pwen kadede pan rongamau.

17 Irail kin padaki duen Krijtuj kapei lokaia o jo melel, re kiki on, me re pan kalaudela ai jalidi kan;

Irail kin padaki duen Kristus kapei lokaia o so melel, re kiki ong, me re pan kalaudela ai salidi kan;

18 A pil menda? Pwe Krijtuj kin lolok jili ni jon karoj, ma ni akamai de ni melel, i me i peren kida, ei i pan pereperen.

A pil menda? Pwe Kristus kin lolok sili ni song karos, ma ni akamai de ni melel, i me i peren kida, ei i pan pereperen.

19 Pwe i aja, mepukat pan kare on ia maur joutuk ki omail kapakap o jauaj pan Nen en Iejuj Krijtuj.

Pwe i asa, mepukat pan kare ong ia maur soutuk ki omail kapakap o sauas pan Ngen en Iesus Kristus.

20 Duen ai inon ion, o auiaui, o kaporoporeki, me i jota pan namenokala ni eu jon. A duen maj o, iduen anjau wet Krijtuj en kapinan laud ni war ai, ma ni ai pan memaurata de mela.

Duen ai inong iong, o auiaui, o kaporoporeki, me i sota pan namenokala ni eu song. A duen mas o, iduen ansau wet Kristus en kapingan laud ni war ai, ma ni ai pan memaurata de mela.

21 Pwe Krijtuj, i maur i, o mela ai pai.

Pwe Kristus, i maur i, o mela ai pai.

22 A ma i pan memaurata ni pali uduk, ai wiawia kan pan kadepa; ari i ap jaja, da me i en pilada.

A ma i pan memaurata ni pali uduk, ai wiawia kan pan kadepa; ari i ap sasa, da me i en pilada.

23 Pwe i mauki ira karoj: I inon ion mela, pwen mila ren Krijtuj, pwe i eta me mau.

Pwe i mauki ira karos: I inong iong mela, pwen mila ren Kristus, pwe i eta me mau.

24 A ai mimieta ni pali uduk me mau jon pweki komail.

A ai mimieta ni pali uduk me mau song pweki komail.

25 Ari, i ap aja, me i pan mimieta re omail karoj, pwen jauaja omail peren o pojon,

Ari, i ap asa, me i pan mimieta re omail karos, pwen sauasa omail peren o poson,

26 Pwe omail kapin en lapalapala ren Krijtuj Iejuj ki ai pwaralan komail.

Pwe omail kaping en lapalapala ren Kristus Iesus ki ai pwaralang komail.

27 Ari, komail weweid duen me waron ronamau en Krijtuj, pwe ma i pwaralan komail, de ni ai doo, i en ron, me komail keleki nen ta ieu, o komail lamalam ta pot, i ian kelail dodok on ronamau ki pojon.

Ari, komail weweid duen me warong rongamau en Kristus, pwe ma i pwaralang komail, de ni ai doo, i en rong, me komail keleki ngen ta ieu, o komail lamalam ta pot, i iang kelail dodok ong rongamau ki poson.

28 O komail ender waponki, me kin palian komail akan, pwe i kajanjale pan arail pan lokidokila, a omail pan maurela; a mepukat jan ren Kot.

O komail ender waponki, me kin palian komail akan, pwe i kasansale pan arail pan lokidokila, a omail pan maurela; a mepukat sang ren Kot.

29 Pwe a muei on komail er pan kupur en Krijtuj, kaidin pojon eta, pwen pil kalokolokeki i,

Pwe a muei ong komail er pan kupur en Kristus, kaidin poson eta, pwen pil kalokolokeki i,

30 Pwe komail kin wia pei ota, me komail kilaner re i, o me komail kin ron duen nai.

Pwe komail kin wia pei ota, me komail kilanger re i, o me komail kin rong duen ngai.