Men Pilipi 2

1 MA panapanau eu ren Krijtuj mia, ma kamait en limpok, ma jau pena en Nen, ma limpok melel, o kadek jan nan nen omail,

MA panapanau eu ren Kristus mia, ma kamait en limpok, ma sau pena en Ngen, ma limpok melel, o kadek sang nan ngen omail,

2 Komail ap kaunjokela ai peren ni omail lamalam ta pot, o limpok ta ieu, o min ta ieu, o inon ion jon ta ieu,

Komail ap kaunsokela ai peren ni omail lamalam ta pot, o limpok ta ieu, o min ta ieu, o inong iong song ta ieu,

3 O der aklemai o der wia meakot ni aklapalap a ni karakarak, amen en kakaki amen mo a.

O der aklemai o der wia meakot ni aklapalap a ni karakarak, amen en kakaki amen mo a.

4 Amen amen ender apwali pein a dipijou kan, a amen amen en apwali en akai ar dipijou.

Amen amen ender apwali pein a dipisou kan, a amen amen en apwali en akai ar dipisou.

5 Pwe i tiak en mi re omail, me pil mi ren lejuj Krijtuj.

Pwe i tiak en mi re omail, me pil mi ren Iesus Kristus.

6 Me mom en Kot, ap jota men ale on pein i en dueta Kot.

Me mom en Kot, ap sota men ale ong pein i en dueta Kot.

7 Ap akamaleki pein i o wiala ladu men o jon en aramaj akan.

Ap akamaleki pein i o wiala ladu men o song en aramas akan.

8 O kotin janjaleda ni mom en aramaj, o kajapwilidi pein i, o ni a kotin peiki on lel mela, ei lel mela ni lopu.

O kotin sansaleda ni mom en aramas, o kasapwilidi pein i, o ni a kotin peiki ong lel mela, ei lel mela ni lopu.

9 Nan i me Kot kotin kajapwilada i waja ileile, o kotiki on i mar eu, jikida jan mar karoj.

Nan i me Kot kotin kasapwilada i wasa ileile, o kotiki ong i mar eu, sikida sang mar karos.

10 Pwe karoj en kelepukidi ni mar en Iejuj, me mi nanlan o nin jappa o pan jappa.

Pwe karos en kelepukidi ni mar en Iesus, me mi nanlang o nin sappa o pan sappa.

11 O lo karoj en kadedeki, me Iejuj Krijtuj me Kaun pwen kalimmada Kot Jam.

O lo karos en kadedeki, me Iesus Kristus me Kaun pwen kalinganada Kot Sam.

12 Ari kompoke pai kan, duen omail okoke kokodo, kaidin ni omail wokaren ia do, a me jikidar anjau wet ni ai doo, en pere ki, o lomwiniki kadokedoke kamaur pamail.

Ari kompoke pai kan, duen omail okoke kokodo, kaidin ni omail wokaren ia do, a me sikidar ansau wet ni ai doo, en pere ki, o lomwiniki kadokedoke kamaur pamail.

13 Pwe Kot me kotin wiada karoj nan lol omail: Inon o kapwaiada duen kupur a.

Pwe Kot me kotin wiada karos nan lol omail: Inong o kapwaiada duen kupur a.

14 Komail wiada meakaroj jo lipanede o jo peikajal.

Komail wiada meakaros so, lipanede o so peikasal.

15 Pwe komail en pun o melel o jeri en Kot akan, me jo lol riapot nan pun en di jued o japun, me komail jer janjal nan pun arail, dueta jer en jappa kan.

Pwe komail en pung o melel o seri en Kot akan, me so lol riapot nan pung en di sued o sapung, me komail ser sansal nan pung arail, dueta ser en sappa kan.

16 Kajanjaleda majan en maur, pwen kapin pa i ni ran en Krijtuj, pwe i ender tan mal de dodok mal.

Kasansaleda masan en maur, pwen kaping pa i ni ran en Kristus, pwe i ender tang mal de dodok mal.

17 A ma i dueta mairon urak eu wudoki on mairon o dodok en omail pojon, i kin peren kida, o i pan ian komail karoj pereperen.

A ma i dueta mairong urak eu wudoki ong mairong o dodok en omail poson, i kin peren kida, o i pan iang komail karos pereperen.

18 I me komail en pil perenki o komail en ian ia pereperen.

I me komail en pil perenki o komail en iang ia pereperen.

19 A i kaporoporeki Kaun Iejuj, me i pan madan kadar won komail Timoteuj, pwe i en pil injenemau, i lao aja ir omail.

A i kaporoporeki Kaun Iesus, me i pan madang kadar wong komail Timoteus, pwe i en pil insenemau, i lao asa ir omail.

20 Pwe jota amen mi re i, me dueta i, me kin apwali komail melel.

Pwe sota amen mi re i, me dueta i, me kin apwali komail melel.

21 Pwe karoj kin rapaki me pein ar, a kaidin me japwilim en Krijtuj.

Pwe karos kin rapaki me pein ar, a kaidin me sapwilim en Kristus.

22 A komail aja, me a tiak me pun, pwe a jauaja ia ni ronamau dueta jeri men on a papa.

A komail asa, me a tiak me pung, pwe a sauasa ia ni rongamau dueta seri men ong a papa.

23 I me i kaporoporeki, me i pan kadarala eden, i lao aja ir ai.

I me i kaporoporeki, me i pan kadarala eden, i lao asa ir ai.

24 A i liki Kaun o, me pein nai pil pan pwara wei madan.

A i liki Kaun o, me pein ngai pil pan pwara wei madang.

25 A i lamedar, me mau en kadarlan i komail ri ai Epaprotuj me ai warok ni ai dodok o ai peipei, iei omail men en kadar, o me papa ia ni ai jamama.

A i lamedar, me mau en kadarlang komail ri ai Epaprotitus me ai warok ni ai dodok o ai peipei, iei omail men en kadar, o me papa ia ni ai samama.

26 Pwe komail aja, a non kin komail melel, o a patauki melel omail ronadar, me a jomau.

Pwe komail asa, a ngong kin komail melel, o a patauki melel omail rongadar, me a somau.

27 Melel, a jomau meid laud, koren ion mela. A Kot me kotin kupuredar i; a kaidin i eta, pwe pil nai, pwe i de paiola pokon.

Melel, a somau meid laud, koren iong mela. A Kot me kotin kupuredar i; a kaidin i eta, pwe pil ngai, pwe i de paiola pokon.

28 A i madan kadarala i, pwe komail en kilan i, ap peren kida, o ai injenjued en pil tikitikela.

A i madang kadarala i, pwe komail en kilang i, ap peren kida, o ai insensued en pil tikitikela.

29 Komail ari kajamo i ni Kaun o popol, o wauneki me dueta i kan.

Komail ari kasamo i ni Kaun o popol, o wauneki me dueta i kan.

30 Pweki wiawia en Krijtuj a koren ion mela, ni a jota kajampwaleki pein maur i, pwen jauaja ia wiliandi komail.

Pweki wiawia en Kristus a koren iong mela, ni a sota kasampwaleki pein maur i, pwen sauasa ia wiliandi komail.