Pilemon 1
1 PAULUJ jalidi en Krijtuj Iejuj amen, o ri atail Timoteuj on Pilemon kompoke pat o at warok ni dodok kan.
PAULUS salidi en Kristus Iesus amen, o ri atail Timoteus ong Pilemon kompoke pat o at warok ni dodok kan.
2 O ri atail li Apia, o jauaj pat Arkipuj, o momodijou, me mi nan tanpaj omui;
O ri atail li Apia, o sauas pat Arkipus, o momodisou, me mi nan tanpas omui;
3 Mak o popol jan ren Kot jam atail o atail Kaun Iejuj Krijtuj en mi re omui!
Mak o popol sang ren Kot sam atail o atail Kaun Iesus Kristus en mi re omui!
4 I kin danke ai Kot ni ai kapakap kin komui anjau karoj.
I kin danke ai Kot ni ai kapakap kin komui ansau karos.
5 Pwe i roner duen omui limpok o pojon on Kaun Iejuj o on jaraui kan karoj.
Pwe i ronger duen omui limpok o poson ong Kaun Iesus o ong saraui kan karos.
6 Pwe pojon o me mi retail en kakairida re omui, ni omui dedeki duen me mau kan karoj, me mi reatail jan ren Krijtuj.
Pwe poson o me mi re’tail en kakairida re omui, ni omui dedeki duen me mau kan karos, me mi reatail sang ren Kristus.
7 Kit peren kidar o kamait kilar omui limpok, pwe monion en jaraui kan en kelail kilar komui, ri ai.
Kit peren kidar o kamait kilar omui limpok, pwe mongiong en saraui kan en kelail kilar komui, ri ai.
8 I me i aimaki ren Krijtuj kujoned eki on komui duen me pan wiaui.
I me i aimaki ren Kristus kusoned eki ong komui duen me pan wiaui.
9 Ari jo, pweki ai limpok on komui i men poeki ta re omui, pwe nai Pauluj likailapalar o jalidi en Krijtuj amen.
Ari so, pweki ai limpok ong komui i men poeki ta re omui, pwe ngai Paulus likailapalar o salidi en Kristus amen.
10 I poeki re omui nai jeri Onejimuj, me i wiadar ni ai jalidi.
I poeki re omui nai seri Onesimus, me i wiadar ni ai salidi,
11 Me jo katepa on komui maj o, a met a katepa on komui o nai.
Me so katepa ong komui mas o, a met a katepa ong komui o ngai.
12 I me i kapure on komui, komui ari apwali i, dueta pein monion i.
I me i kapure ong komui, komui ari apwali i, dueta pein mongiong i.
13 Pwe i mauki a en mimieta re i, pwen papa ia ni ai jaliekidi ronamau, wiliandi komui,
Pwe i mauki a en mimieta re i, pwen papa ia ni ai saliekidi rongamau, wiliandi komui,
14 A i jota men wia meakot, me jota pwili jan kupur omui, pwe omui wia mau ender man jairen a jomanjairen.
A i sota men wia meakot, me sota pwili sang kupur omui, pwe omui wia mau ender mansairen a somansairen.
Ele a tang sang re omui ansau kis, pwe komui en pur ong naineki i kokolata. (aiōnios g166)
16 Kaidin due ladu amen, a mau jan ladu amen, pwe due ri omui kompok amen; iduen re i, a re omui pan laud jan ni pali uduk a o ni pali en Kaun.
Kaidin due ladu amen, a mau sang ladu amen, pwe due ri omui kompok amen; iduen re i, a re omui pan laud sang ni pali uduk a o ni pali en Kaun.
17 Ma komui akawarok kin ia, apwali i dueta pein nai.
Ma komui akawarok kin ia, apwali i dueta pein ngai.
18 A ma a wia japun on komui er, de pwaipwand on komui, i pan kapunala.
A ma a wia sapung ong komui er, de pwaipwand ong komui, i pan kapungala.
19 Met nai Pauluj intinkier pein pa i, i pan pwain, ari jo, i jo pan inda, me komui pwaipwand ki on ia pein komui.
Met ngai Paulus intingkier pein pa i, i pan pwain, ari so, i so pan inda, me komui pwaipwand ki ong ia pein komui.
20 Ei ri ai, i men paiekin komui ren Kaun o, kainjenemauda monion i ren Krijtuj.
Ei ri ai, i men paiekin komui ren Kaun o, kainsenemauda mongiong i ren Kristus.
21 I kaporoporeki om peik, ap intin won komui. A i aja, me komui pan wia laud jan, me inda.
I kaporoporeki om peik, ap inting wong komui. A i asa, me komui pan wia laud sang, me inda.
22 I men, komui en kaonopada deu i, pwe i kaporoporeki, me i pan lapwadan komail ki omail kapakap.
I men, komui en kaonopada deu i, pwe i kaporoporeki, me i pan lapwadang komail ki omail kapakap.
23 En Epapraj, ai warok ni ai jalidi pan Krijtuj Iejuj, a ranamau won komui.
En Epapras, ai warok ni ai salidi pan Kristus Iesus, a ranamau wong komui.
24 O Markuj, o Arijtarkuj, o Demaj, o Lukaj ai warok en dodok kan.
O Markus, o Aristarkus, o Demas, o Lukas ai warok en dodok kan.
25 Mak en atail Kaun Iejuj Krijtuj kin ian nen omail! Amen.
Mak en atail Kaun Iesus Kristus kin iang ngen omail! Amen.
