Matäuj 22
1 A IEJUJ kotin japen o pil karajeraj on irail majani:
A IESUS kotin sapeng o pil karaseras ong irail masani:
2 Wein nanlan raj on nanmarki amen, me kamadipe na ol ni ran en a kapapaud.
Wein nanlang rasong nanmarki amen, me kamadipe na ol ni ran en a kapapaud.
3 O a kadarala na ladu kan, pwen luke don kamadip o, me kileledier akan; a re kan kodo.
O a kadarala na ladu kan, pwen luke dong kamadip o, me kileledier akan; a re kang kodo.
4 A pil kadarala akai ladu majani: Kaireki me kileledier akan: Kilan, i kaonopadar ai kamadip o: nai kau ol o man wi kan me kamelar, o karoj nikier, ko don kamadip en kapapaud!
A pil kadarala akai ladu masani: Kaireki me kileledier akan: Kilang, i kaonopadar ai kamadip o: nai kau ol o man wi kan me kamelar, o karos nikier, ko dong kamadip en kapapaud!
5 A irail jota injenoki, ap kowei, amen nan japwe, o amen ko on dodok.
A irail sota insenoki, ap kowei, amen nan sap we, o amen ko ong dodok.
6 A me tei kan jaikidi a ladu kan kaloke o kame ir ala.
A me tei kan saikidi a ladu kan kaloke o kame ir ala.
7 Nanmarki ap makara kidar, kadarala a jaunpei kan, kamela me lolap oko o ijikedar ar kanim
Nanmarki ap makara kidar, kadarala a saunpei kan, kamela me lolap oko o isikedar ar kanim o.
8 A ap indan a ladu kan: Ari, kamadip onoper, a me kileledier akan jota war on.
A ap indang a ladu kan: Ari, kamadip onoper, a me kileledier akan sota war ong.
9 Komail ari kowei nan al akan, a karoj me komail diar, en kalua don kamadip o.
Komail ari kowei nan al akan, a karos me komail diar, en kalua dong kamadip o.
10 Ladu kan ap kola nani al akan, kapokon pena karoj, me irail diaradar, me jued o me mau kan kamadip ari tounlar.
Ladu kan ap kola nani al akan, kapokon pena karos, me irail diaradar, me sued o me mau kan; kamadip ari tounlar.
11 A nanmarki lao pwarado, en kilan toun kamadip, ap diaradar aramaj amen, me jota a kapwat,
A nanmarki lao pwarado, en kilang toun kamadip, ap diaradar aramas amen, me sota a kapwat,
12 A ap majani on i: Kompoke pai, iaduen om kak pedelon, pwe jota om kapwat? I ari japai mokid.
A ap masani ong i: Kompoke pai, iaduen om kak pedelong, pwe sota om kapwat? I ari sapaimokid.
13 Nanmarki ap majani on papa kan: Jaliedi i pa o na akan, ale o kajapokela nan rotorot liki iei wajan maiei o teterok.
Nanmarki ap masani ong papa kan: Saliedi i pa o nä akan, ale o kasapokela nan rotorot liki iei wasan maiei o teterok.
14 Pwe me toto paekeredo, a me malaulau piladar.
Pwe me toto paekeredo, a me malaulau piladar.
15 Parijar ap pokon pena, kaparok pena duen ar pan kajapuna i jan a majan;
Parisär ap pokon pena, kaparok pena duen ar pan kasapunga i sang a masan;
16 Irail ap kadaralan i nairail tounpadak kan ianaki ladun Erodej kan, potoan on: Jaunpadak, je aja, ir me kotin melel, o kotin kawewe melel duen al en Kot o re jota kotin kupuroki meamen, pwe re jota kotin kajampwaleki janjal en aramaj.
Irail ap kadaralang i nairail tounpadak kan iangaki ladun Erodes kan, potoan ong: Saunpadak, se asa, ir me kotin melel, o kotin kawewe melel duen al en Kot o re sota kotin kupuroki meamen, pwe re sota kotin kasampwaleki sansal en aramas.
17 Ari, re kotin majani on kit kupur ar. Me pun, en nopwei on nanmarki de jo?
Ari, re kotin masani ong kit kupur ar. Me pung, en nopwei ong nanmarki de so?
18 A Iejuj lao kotin mani ar me juet, ap majani: Malaun komail, da me komail kajonejon kin ia?
A Iesus lao kotin mangi ar me suet, ap masani: Malaun komail, da me komail kasongesong kin ia?
19 Kajale don ia moni en nopwei! Irail ap potoan on i denar eu.
Kasale dong ia moni en nopwei! Irail ap potoan ong i denar eu.
20 A kotin majani on irail: Mom en ij o intin wet?
A kotin masani ong irail: Mom en is o inting wet?
21 Irail potoan on i: En nanmarki, a i kotin majani on irail: Ari, komail ki on nanmarki, me nain nanmarki, o on Kot, me japwilim en Kot.
Irail potoan ong i: En nanmarki, a i kotin masani ong irail: Ari, komail ki ong nanmarki, me nain nanmarki, o ong Kot, me sapwilim en Kot.
22 Irail lao ronadar met, rap puriamuiki o muei jan i, o koin lar.
Irail lao rongadar met, rap puriamuiki o muei sang i, o koieilar.
23 Ran ota Jadujar akai ko don i, me kin inda, me dene me melar akan jolar pan maureda, ap kalelapok re a.
Ran ota Sadusär akai ko dong i, me kin inda, me dene me melar akan solar pan maureda, ap kalelapok re a.
24 Indada: Jaunpadak, Mojej majani, ma meamen melar o jota na jeri, ri a ol en id paudeki a paud, pwen kaipwi on ri a kadaudok a.
Indada: Saunpadak, Moses masani, ma meamen melar o sota na seri, ri a ol en id paudeki a paud, pwen kaipwi ong ri a kadaudok a.
25 Ari, pwin pirien eu mi re at, ol ijimen. Mejeni paudeki li amen, ap melar, a jota kadaudok a, ap kakaliki on ri a ol a paud;
Ari, pwin pirien eu mi re at, ol isimen. Meseni paudeki li amen, ap melar, a sota kadaudok a, ap kakaliki ong ri a ol a paud;
26 Pil dueta kariamen o kajili men kokola lao kaijimen.
Pil dueta kariamen o kasilimen kokola lao kaisimen.
27 A ikmuri li o pil melar.
A ikmuri li o pil melar.
28 Ari; ni en me melar akan ar pan iajada, a pan en ij a paud ren me ijimen, pwe irail karoj me paudekidar i?
Ari; ni en me melar akan ar pan iasada, a pan en is a paud ren me isimen, pwe irail karos me paudekidar i?
29 A Iejuj kotin japen majani on irail: Komail meid japun pwe komail jo weweki kijin likau kan de mana en Kot.
A Iesus kotin sapeng masani ong irail: Komail meid sapung pwe komail so weweki kisin likau kan de mana en Kot.
30 Pwe me mauredar akan jolar pan papaud de kapapaud, pwe irail dueta tounlan en Kot akan, me mimi nanlan.
Pwe me mauredar akan solar pan papaud de kapapaud, pwe irail dueta tounlang en Kot akan, me mimi nanlang.
31 Komail jaik doropwe duen en melar akan ar pan maureda, me lolok on komail jan ren Kot, me kotin majani:
Komail saik doropwe duen en melar akan ar pan maureda, me lolok ong komail sang ren Kot, me kotin masani:
32 Nai Kot en Apraam o en Ijaak o en Iakop? A kaidin Kot en me melar akan, pwe en me maur akan.
Ngai Kot en Apraam o en Isaak o en Iakop? A kaidin Kot en me melar akan, pwe en me maur akan.
33 A pokon o lao ronadar met, irail ap puriamuiki a padak.
A pokon o lao rongadar met, irail ap puriamuiki a padak.
34 A Parijar akan lao ronadar, me a kotin kadukiedier Jadujar akan, ap pokon pena.
A Parisär akan lao rongadar, me a kotin kadukiedier Sadusär akan, ap pokon pena.
35 Amen irail, jaunkawewe men, kajonjon i potoan on:
Amen irail, saunkawewe men, kasongesong i potoan ong:
36 Jaunpadak, kujoned da me lapalap nan kapun o?
Saunpadak, kusoned da me lapalap nan kapung o?
37 A Iejuj kotin majani on i: Koe en pokeki on Kot om Kaun monion om unjok, o nen om unjok, o om lamelam unjok.
A Iesus kotin masani ong i: Koe en pokeki ong Kot om Kaun mongiong om unsok, o ngen om unsok, o om lamelam unsok.
38 lei met me moa en kujoned akan.
Iei met me moa en kusoned akan.
39 O me kariau me dueta: Koe en pok on men imp om dueta on pein koe.
O me kariau me dueta: Koe en pok ong men imp om dueta ong pein koe.
40 Kujoned riau met me audepan kapun o jaukop akan.
Kusoned riau met me audepan kapung o saukop akan.
41 Ni en Parijar akan ar momod pena, Iejuj ap kotin kainoma re’rail.
Ni en Parisär akan ar momod pena, Iesus ap kotin kainoma re’rail.
42 Majani: Da me komail lamelame duen Krijtuj, nain ij i? Re potoan on: Japwilim en Dawid.
Masani: Da me komail lamelame duen Kristus, nain is i? Re potoan ong: Sapwilim en Dawid.
43 A kotin majani on irail: A iaduen da me Dawid kaadaneki i Kaun ren Nen ni a majani:
A kotin masani ong irail: A iaduen da me Dawid kaadaneki i Kaun reng Ngen ni a masani:
44 Kaun o kotin majani on ai Kaun, mondi on ni pali maun i, lao I pan wia kida om imwintiti utipan na om?
Kaun o kotin masani ong ai Kaun, mondi ong ni pali maun i, lao I pan wia kida om imwintiti utipan nä om?
45 A iaduen, ma Dawid kaadaneki i Kaun, a pil pan kak na ol?
A iaduen, ma Dawid kaadaneki i Kaun, a pil pan kak na ol?
46 A jota amen, me kak japenki i meakot, o jolar me idok meakot re a kokolata.
A sota amen, me kak sapengki i meakot, o solar me idok meakot re a kokolata.
