Markuj 15
1 MADAN jankonai jamero lapalap akan, ianaki jaumaj akan, o jaunkawewe kan, o pil jaunkapun karoj kapunada ap jaliedi Iejuj, ap wawei panalan Pilatuj.
MADANG sangkonai samero lapalap akan, iangaki saumas akan, o saunkawewe kan, o pil saunkapung karos kapungada ap saliedi Iesus, ap wawei pangalang Pilatus.
2 Pilatuj ap idok re a: Komui Nanmarki en Juj akan? A kotin japen majani on i: Komui me majani.
Pilatus ap idok re a: Komui Nanmarki en Sus akan? A kotin sapeng masani ong i: Komui me masani.
3 Jamero lapalap akan karauneki i me toto.
Samero lapalap akan karauneki i me toto.
4 Pilatuj ap pil idok re a majani: Komui jota japen? Kom majani, me re kinakine on komui me toto.
Pilatus ap pil idok re a masani: Komui sota sapeng? Kom masani, me re kinakine ong komui me toto.
5 Iejuj pil jota kotin japen Pilatuj ap ponepone kida.
Iesus pil sota kotin sapeng Pilatus ap ponepone kida.
6 Ari, ni kamadip o a kin lapwa on ir me jenjal amen, me re mauki.
Ari, ni kamadip o a kin lapwa ong ir me sensal amen, me re mauki.
7 Ol amen, ad a Parapaj, me ian janjal ren me ian i kamela aramaj ni ar kauadar moron eu.
Ol amen, ad a Parapas, me iang sansal ren me iang i kamela aramas ni ar kauadar moromor eu.
8 Pokon ap moronada, nidi nideki, en wiai on irail, me a kin wiai on irail maj.
Pokon ap morongada, ngidi ngideki, en wiai ong irail, me a kin wiai ong irail mas.
9 Pilatuj ap japen irail majani: Komail men, i en lapwadaa komail Nanmarki en Juj akan?
Pilatus ap sapeng irail masani: Komail men, i en lapwadang komail Nanmarki en Sus akan?
10 Pwe a aja, me jamero lapalap akan wakido i ar peirin.
Pwe a asa, me samero lapalap akan wakido i ar peirin.
11 A jamero lapalap akan kapururada pokon o, pwe en mauki lapwa on irail Parapaj.
A samero lapalap akan kapururada pokon o, pwe en mauki lapwa ong irail Parapas.
12 Pilatuj ap japen pil majani on irail: Da me komail mauki i en wiai on me komail kaadaneki Nanmarki en Juj akan?
Pilatus ap sapeng pil masani ong irail: Da me komail mauki i en wiai ong me komail kaadaneki Nanmarki en Sus akan?
13 Irail ap wer laudeda: Kalopuela i!
Irail ap wer laudeda: Kalopuela i!
14 Pilatuj ap majani on irail: Pwe jued da, me a wiadar? Re ap kalaudela ar wer: Kalopuela i!
Pilatus ap masani ong irail: Pwe sued da, me a wiadar? Re ap kalaudela ar wer: Kalopuela i!
15 Ari, Pilatuj men kainjenemaui aramaj oko, ap lapwa don irail Parapaj, ap kida lejuj murin a woki, pwen kalopuela.
Ari, Pilatus men kainsenemaui aramas oko, ap lapwa dong irail Parapas, ap kida Iesus murin a woki, pwen kalopuela.
16 Jaunpei ko ap kalualan i nan pera eu me ad a pretorium. Re ap eker pena ar pwin.
Saunpei ko ap kalualang i nan pera eu me ad a pretorium. Re ap eker pena ar pwin.
17 Re ap kalikauwie kida i purpur o pidada al en tek, ap lanelanie kida.
Re ap kalikauwie kida i purpur o pidada al en tek, ap langelangie kida.
18 Ap tapi on kepwene: Ion Nanmarki en Juj akan!
Ap tapi ong kepwene: Iong Nanmarki en Sus akan!
19 Re ap wokieki tapwi alek, o kondipe i, ap kelepuki, poridi jan.
Re ap wokieki tapwi alek, o kondipe i, ap kelepuki, poridi sang.
20 A lao nek ar kapailok, re ap ki jan i purpur, ap kapur on udan japwilim a likau, kaluaieila, pwe ren kalopuela i.
A lao nek ar kapailok, re ap ki sang i purpur, ap kapur ong udan sapwilim a likau, kaluaieila, pwe ren kalopuela i.
21 Re ap iton on Jimon, men Kirene amen, me jam en Alek jander o Rupuj, me dauli irail ni a kodo jan nan jap, pwen wada a lopu.
Re ap iton ong Simon, men Kirene amen, me sam en Aleksander o Rupus, me dauli irail ni a kodo sang nan sap, pwen wada a lopu.
22 Re ap walan i Kolkata. let wewe: Waja en pontal en mon.
Re ap walang i Kolkata. Iet wewe: Wasa en pontal en mong.
23 Re ap ki on i, en kakere wain dol mir. Ari, a jota kotin urak.
Re ap ki ong i, en kakere wain dol mir. Ari, a sota kotin urak.
24 Ni arail kalopuedar i, re ap ter pajan japwilim a likau ko. Re ap kadoropwe, da me amen amen pan aneki.
Ni arail kalopuedar i, re ap ter pasang sapwilim a likau ko. Re ap kadoropwe, da me amen amen pan aneki.
25 Ari, ni auer kajilu, me re kalopuela i.
Ari, ni auer kasilu, me re kalopuela i.
26 O intin en poa me a pukoki due met: Nanmarki en Juj akan.
O inting en poa me a pukoki due met: Nanmarki en Sus akan.
27 Lolap en pirap riamen ian i kalopuela; amen pali maun i, amen pali main i.
Lolap en pirap riamen iang i kalopuela; amen pali maun i, amen pali maing i.
28 Iei me kijin likau pun kila, me inda: A wadawad on ren me dipan.
Iei me kisin likau pung kila, me inda: A wadawad ong ren me dipan.
29 Ir me kin dauli, kin lalaue, duedualok inda: Ei, koe me pan kawela im en kaudok, ap id kaua kida ran jilu.
Ir me kin dauli, kin lalaue, dueduälok inda: Ei, koe me pan kawela im en kaudok, ap id kaua kida ran silu.
30 Pein dore uk ala, o kodido jan nin lopu en!
Pein dore uk ala, o kodido sang nin lopu en!
31 Jamero lapalap akan pil dueta, kapailoke, inda nan pun ar ian jaunkawewe kan: A dorelar akai, a pein i a jota kak on.
Samero lapalap akan pil dueta, kapailoke, inda nan pung ar iang saunkawewe kan: A dorelar akai, a pein i a sota kak ong.
32 Krijtuj Nanmarki en Ijrael, kodido jan nin lopu en, pwe je en kilan o pojon. O ira, me ian i lopu la ko, pil lalaue.
Kristus Nanmarki en Israel, kodido sang nin lopu en, pwe se en kilang o poson. O ira, me iang i lopu la ko, pil lalaue.
33 Ari, auer kawonu lel, rotorot ap kipadi jap lao lel auer kaduau.
Ari, auer kawonu lel, rotorot ap kipadi sap lao lel auer kaduau.
34 Ni auer kaduau lejuj ap kotin weriwer laudeda majani: Eloi, Eloi, lama japaktani! let wewe: Ai Kot, ai Kot! Da me re kotin kajekin ia la!
Ni auer kaduau Iesus ap kotin weriwer laudeda masani: Eloi, Eloi, lama sapaktani! Iet wewe: Ai Kot, ai Kot! Da me re kotin kase kin ia la!
35 Akai me u impa, ni arail ron inda: Kilan, a ekeker Eliaj.
Akai me u impa, ni arail rong inda: Kilang, a ekeker Elias.
36 Amen ap tanala, ale lim en pinika eu, ki on ni alek apot, ap kida on en kakere, ap inda: Udi maj! Kitail kilan, ma Eliaj pan kodo en kidi jan.
Amen ap tangala, ale lim en pinika eu, ki ong ni alek apot, ap kida ong en kakere, ap inda: Udi mas! Kitail kilang, ma Elias pan kodo en kidi sang.
37 lejuj ap kotin weriwer laudeda kadarala Nen e.
Iesus ap kotin weriwer laudeda kadarala Ngen e.
38 Pera likau nan im en kaudok ap dei pajan, janeda pali poa lei pa.
Pera likau nan im en kaudok ap dei pasang, sangeda pali poa lel pa.
39 O ni en jenturion o, me u jaledon, a kilan a wer laudeda due mo, ap kadarala Nen e, a ap inda: Nan melel Japwilim en Kot aramaj men et.
O ni en senturion o, me u saledong, a kilang a wer laudeda due mo, ap kadarala Ngen e, a ap inda: Nan melel Sapwilim en Kot aramas men et.
40 Li akai pil mimi waja doo, kilekilanedo; Maria men Magdala, me mi nan pun ar, o pil Maria, in en Iakopuj, me tik, o en Iojej, o Jalome.
Li akai pil mimi wasa doo, kilekilangedo; Maria men Magdala, me mi nan pung ar, o pil Maria, in en Iakopus, me tik, o en Ioses, o Salome.
41 Me pil kin idauen papa i maj o, ni a kotikot Kalilaa; o pil me toto, me ian i kotida don Ierujalem.
Me pil kin idauen papa i mas o, ni a kotikot Kaliläa; o pil me toto, me iang i kotida dong Ierusalem.
42 Ari, ni a jautik penaer, pweki kaonop iei ran mon japat.
Ari, ni a sautik penaer, pweki kaonop iei ran mon sapat.
43 lojep, men Arimatia amen, ap kodo, me jaunkapun ijou amen, me kin pil auiaui wein Kot, me jo majak koti don Pilatuj, poeki kalep en Iejuj.
Iosep, men Arimatia amen, ap kodo, me saunkapung isou amen, me kin pil auiaui wein Kot, me so masak koti dong Pilatus, poeki kalep en Iesus.
44 Pilatuj ap puriamuiki, me a matalar, ap molipe don i jenturion o, ap kainoma re a, ma a matalar warai.
Pilatus ap puriamuiki, me a matalar, ap molipe dong i senturion o, ap kainoma re a, ma a matalar warai.
45 A lao mani jan ren jenturion o, a ap ki on kalep a ren lojep.
A lao mangi sang ren senturion o, a ap ki ong kalep a ren Iosep.
46 A ap netiada likau linen mau, ap lapwadi i, kidimeki pena likau o, nekidedi i nan joujou eu, me weiweida nan paip, ap kadapuri on takai eu ni au en joujou o.
A ap netiada likau linen mau, ap lapwadi i, kidimeki pena likau o, nekidedi i nan sousou eu, me weiweida nan paip, ap kadapuri ong takai eu ni au en sousou o.
47 O Maria men Magdala o Maria in en Iojej kilan waja, re nekidedi i.
O Maria men Magdala o Maria in en Ioses kilang wasa, re nekidedi i.
