Ioanej 15

1 Nai wain melel pot a Jam ai joumat

NGAI wain melel pot, a Sam ai saumat.

2 Ra karoj, me podidi on ia, ap jota wa, a kin lepuke jan, a karoj me wa, a kin koko, pwen wa totola.

Ra karos, me podidi ong ia, ap sota wa, a kin lepuke sang, a karos me wa, a kin koko, pwen wa totola.

3 Komail ari makelekel kidar padak, me I ki on komail er.

Komail ari makelekel kidar padak, me I ki ong komail er.

4 Komail podidi on ia o nai on komail. Ra jota kak pein wa, ma a jo podidi on wain, iduen komail, ma komail jo podidi on ia.

Komail podidi ong ia o ngai ong komail. Ra sota kak pein wa, ma a so podidi ong wain, iduen komail, ma komail so podidi ong ia.

5 Nai wain pot, a ra kan komail. Me podidi on ia o nai on i, iei i, me kin wawa toto; pwe komail jota kak wia meakot ma jota nai.

Ngai wain pot, a ra kan komail. Me podidi ong ia o ngai ong i, iei i, me kin wawa toto; pwe komail sota kak wia meakot ma sota ngai.

6 Meamen jo podidii on ia, pan lokidokila dueta ra, ap monedi; aramaj kin waja ir pena, kaje ir ala nani iai, ir ari pan ronala.

Meamen so podidi ong ia, pan lokidokila dueta ra, ap mongedi; aramas kin wasa ir pena, kase ir ala nani iai, ir ari pan rongala.

7 Ma komail podidi on ia, o ai padak kan podidi on komail, komail pan poeki meakot, me komail mauki, a a pan pwai on komail.

Ma komail podidi ong ia, o ai padak kan podidi ong komail, komail pan poeki meakot, me komail mauki, a a pan pwai ong komail.

8 Nan i me Jam ai kalinana kila, omail wawa toto, o komail pan wiala ai tounpadak kan.

Nan i me Sam ai kalingana kila, omail wawa toto, o komail pan wiala ai tounpadak kan.

9 Due Jam o pok on ia er, iduen I pil pok on komail; komail podidi on ai limpok!

Due Sam o pok ong ia er, iduen I pil pok ong komail; komail podidi ong ai limpok!

10 Ma komail pan peiki on ai kujoned akan, komail pan podidi on ai limpok, duen I kin peiki on en Jam ai kujoned akan, o podidi on a limpok.

Ma komail pan peiki ong ai kusoned akan, komail pan podidi ong ai limpok, duen I kin peiki ong en Sam ai kusoned akan, o podidi ong a limpok.

11 Mepukat I padaki on komail er, pwe ai peren en podidi on komail, o omail peren en unjokela.

Mepukat I padaki ong komail er, pwe ai peren en podidi ong komail, o omail peren en unsokela.

12 Nan iet ai kujoned: Komail en poke pena, duen i pok on komail er.

Nan iet ai kusoned: Komail en poke pena, duen i pok ong komail er.

13 Jota me a limpok laude jan met, me pan mueid kila maur i kompokepa kan.

Sota me a limpok laude sang met, me pan mueid kila maur i kompokepa kan.

14 Komail me kompokepa i, ma komail wiawia, me I indai on komail.

Komail me kompokepa i, ma komail wiawia, me I indai ong komail.

15 I jolar kaadaneki komail ladu, pwe ladu jaja, me a jaumaj kin wia. A I kaadane kin komail kompokepa i kan, aki I kajale on komail er karoj, me I ronadar jan ren Jam ai.

I solar kaadaneki komail ladu, pwe ladu sasa, me a saumas kin wia. A I kaadane kin komail kompokepa i kan, aki I kasale ong komail er karos, me I rongadar sang ren Sam ai.

16 Kaidin komail me pil ia dar, a nai me piladar komail o kilele on komail, en kokowei kapareda wa, o omail wa en mimieta, pwe karoj, me komail pan poeki ren Jam ni ad ai, a pan kotiki on komail.

Kaidin komail me pil ia dar, a ngai me piladar komail o kilele ong komail, en kokowei kapareda wa, o omail wa en mimieta, pwe karos, me komail pan poeki ren Sam ni ad ai, a pan kotiki ong komail.

17 A iet me I panaui kin komail, komail en poke pena!

A iet me I panaui kin komail, komail en poke pena!

18 Ma jappa kailon kin komail, komail en aja, me a kailon kin ia mo omail.

Ma sappa kailong kin komail, komail en asa, me a kailong kin ia mo omail.

19 Ma kijan jappa komail, jappa pan pok on me a; a komail Kaidin kijan jappa, pwe I pil komail dar jan jappa, iei me jappa kailon kin komail.

Ma kisan sappa komail, sappa pan pok ong me a; a komail kaidin kisan sappa, pwe I pil komail dar sang sappa, iei me sappa kailong kin komail.

20 Tamatamanda kajoi o, me I kajoia on komail er: Ladu me jota laude jan a jaumaj ma re kame ia er, re pil pan kame komail. A ma irail pan kapwaiada ai padak, re pil pan kapwaiada omail.

Tamatamanda kasoi o, me I kasoia ong komail er: Ladu me sota laude sang a saumas ma re kame ia er, re pil pan kame komail. A ma irail pan kapwaiada ai padak, re pil pan kapwaiada omail.

21 A mepukat karoj re pan wiai on komail pweki ad ai, aki ar jo aja me kadar ia dor.

A mepukat karos re pan wiai ong komail pweki ad ai, aki ar so asa me kadar ia dor.

22 Ma I jo kodo o padaki on irail, nan jota pan dip arail, a met jota peikid pan dip arail.

Ma I so kodo o padaki ong irail, nan sota pan dip arail, a met sota peikid pan dip arail.

23 Me kailon kin ia, pil kin kailonki Jam ai.

Me kailong kin ia, pil kin kailongki Sam ai.

24 Ma I jo wiadar dodok kan nan pun arail, me jota amen wiadar, nan jota pan dip arail. A met irail kilaner o kailon kin ia er o pil Jam ai.

Ma I so wiadar dodok kan nan pung arail, me sota amen wiadar, nan sota pan dip arail. A met irail kilanger o kailong kin ia er o pil Sam ai.

25 A mepukat wiauier pwe majan o en pwaida, me intinidier nan arail kapun: Irail kailon kin ia, a jota karepa.

A mepukat wiauier pwe masan o en pwaida, me intingidier nan arail kapung: Irail kailong kin ia, a sota karepa.

26 A jaunkamait lao kodoer, me I pan kadarado jan ren Jam, iei Nen en melel, me kin kodo jan ren Jam, i me pan kadede nai.

A saunkamait lao kodoer, me I pan kadarado sang ren Sam, iei Ngen en melel, me kin kodo sang ren Sam, i me pan kadede ngai.

27 A komail pil pan kadede, pwe komail ian ia er jan ni tapi o.

A komail pil pan kadede, pwe komail iang ia er sang ni tapi o.