Men Kalejia 6

1 RI ai kan ma aramaj amen pan lodi on me jued kot, komail, me nenin kajapaledo i ni nen en opampap, ap majamajan pein uk, pwe koe ender pil lodi on jonejon.

RI ai kan ma aramas amen pan lodi ong me sued kot, komail, me ngenin kasapaledo i ni ngen en opampap, ap masamasan pein uk, pwe koe ender pil lodi ong songesong.

2 Pelikitki pena nan pun omail katoutou pamail, pwe iduen komail pan kapwaiada kapun en Krijtuj.

Pelikitki pena nan pung omail katoutou pamail, pwe iduen komail pan kapwaiada kapung en Kristus.

3 Pwe ma amen lamelame, me i meakot, nan a kin kotaue pein i, pwe jota i meakot.

Pwe ma amen lamelame, me i meakot, nan a kin kotaue pein i, pwe sota i meakot.

4 A amen amen en kajajon on pein a wiawia, ap pan juaiki pein i, a kaidin amen aramaj.

A amen amen en kasasong ong pein a wiawia, ap pan suaiki pein i, a kaidin amen aramas.

5 Pwe amen amen en pein wa audepa.

Pwe amen amen en pein wa audepa.

6 A me kin padakki majan o, en kida jon en mau karoj on i, me kin padaki i.

A me kin padakki masan o, en kida song en mau karos ong i, me kin padaki i.

7 Komail der kiki on, me komail pan kak piti Kot, pwe meakot aramaj kin kamoredi on, i me a pan dolun jan.

Komail der kiki ong, me komail pan kak piti Kot, pwe meakot aramas kin kamoredi ong, i me a pan dolung sang.

8 Pwe me kin kamoredi on ni uduk a, a pan dolun jan ni uduk a men joredi; a me kin kamoredi on Nen, a pan tunole jan ren Nen maur joutuk. (aiōnios g166)

Pwe me kin kamoredi ong ni uduk a, a pan dolung sang ni uduk a men soredi; a me kin kamoredi ong Ngen, a pan tungole sang ren Ngen maur soutuk. (aiōnios g166)

9 Kitail der panaki atail wiawia mau kan, pwe ni anjau me kon on, kitail pan dolun, ma kitail jota pan panadar.

Kitail der pangaki atail wiawia mau kan, pwe ni ansau me kon ong, kitail pan dolung, ma kitail sota pan pangadar.

10 Ma a kak pa atail, kitail en wia mau on karoj, a maj on kijan me pojon akan.

Ma a kak pa atail, kitail en wia mau ong karos, a mas ong kisan me poson akan.

11 Kilan duen kijin likau laud, me i intin won komail er ki pein pa i.

Kilang duen kisin likau laud, me i inting wong komail er ki pein pa i.

12 Ir me kin men lolok mau ni uduk, kin inon ion komail en jirkomjaijelar; pwe irail ender kamekame ki lopu en Krijtuj.

Ir me kin men lolok mau ni uduk, kin inong iong komail en sirkomsaiselar; pwe irail ender kamekame ki lopu en Kristus.

13 Pwe pein irail me jirkomjaijela, jota kin kapwaiada kapun, a irail kin men, komail en jirkomjaijela, pwen juaiki uduk omail.

Pwe pein irail me sirkomsaisela, sota kin kapwaiada kapung, a irail kin men, komail en sirkomsaisela, pwen suaiki uduk omail.

14 A duen nai, i jota man mauki juaiki, a iet eta iran lopu en atail Kaun Iejuj Krijtuj, pweki i jappa katia jan ia o nai katia jan jappa.

A duen ngai, i sota man mauki suaiki, a iet eta iran lopu en atail Kaun Iesus Kristus, pweki i sappa katia sang ia o ngai katia sang sappa.

15 Pwe jirkomjaij de jojirkomjaij jota meakot, ame kawilikapadar.

Pwe sirkomsais de sosirkomsais sota meakot, a me kawilikapadar.

16 Irial karoj me inen ki wei ta padak pot et, en popol o kalanan, o on Ijrael en Kot.

Irail karos me inen ki wei ta padak pot et, en popol o kalangan, o ong Israel en Kot.

17 Jan met kokolata jota amen en morouo on ia, pwe iwa jili ta nan war ai lip en Iejuj akan.

Sang met kokolata sota amen en morouo ong ia, pwe i wa sili ta nan war ai lip en Iesus akan.

18 Mak en atail Kaun Iejuj Krijtuj en kotikot ren nen omail ri ai kan! Amen.

Mak en atail Kaun Iesus Kristus en kotikot ren ngen omail ri ai kan! Amen.