Men Kalejia 4
1 A iet me i men inda: Jojo men arain a jeri, a jo toror jan ladu men, ari jo, a kaun en meakaroj.
A iet me i men inda: Soso men arain a seri, a so toror sang ladu men, ari so, a kaun en meakaros.
2 A kin upa on jaunpadak o jaunkoa kan lao lel anjau me jam a kileledier.
A kin upa ong saunpadak o saunkoa kan lao lel ansau me sam a kileledier.
3 Iduen kitail ni atail kijin jeri, kitail kin upai on padak en jappa kan.
Iduen kitail ni atail kisin seri, kitail kin upai ong padak en sappa kan.
4 A anjau lao leler, Kot ap kotin poronedo japwilim a Ol, me ipwidi jan ren li amen, ap mi pan kapun o.
A ansau lao leler, Kot ap kotin poronedo sapwilim a Ol, me ipwidi sang ren li amen, ap mi pan kapung o.
5 Pwen kajaledoka ir ala, me mi pan kapun, pwe kitail en wiala japwilim a jeri.
Pwen kasaledoka ir ala, me mi pan kapung, pwe kitail en wiala sapwilim a seri.
6 Komail ari jeri kan, i me Kot ap kotin poronedo Nen en japwilim a Ol nan monion atail, me kin likelikwir: Apa Jam!
Komail ari seri kan, i me Kot ap kotin poronedo Ngen en sapwilim a Ol nan mongiong atail, me kin likelikwir: Apa Sam!
7 Ari, jolar ladu men, pwe jeri ta; a ma jeri nan pil jeri jojo en Kot.
Ari, solar ladu men, pwe seri ta; a ma seri nan pil seri soso en Kot.
8 A ni anjau o me komail jaja Kot, komail papaer me kaidin udan kot akan.
A ni ansau o me komail sasa Kot, komail papaer me kaidin udan kot akan.
9 A metet komail ajalar Kot, o Kot me kotin mani komail melel, menda komail pil japal lan lamalam jued o jakanekan, me komail men pur on papa?
A metet komail asalar Kot, o Kot me kotin mangi komail melel, menda komail pil sapal lang lamalam sued o sakanekan, me komail men pur ong papa?
10 Komail kin kajarauiela ran akai, o jaunipon kai, o anjau kai, o jaunpar kai.
Komail kin kasarauiela ran akai, o saunipong kai, o ansau kai, o saunpar kai.
11 I non kin komail, pwe ele ai dodok on komail jota pan kadepa.
I ngong kin komail, pwe ele ai dodok ong komail sota pan kadepa.
12 Ri ai kan, i nidinidi kin komail, en dueta nai, pwe nai kin dueta komail, pwe jota me jued kot, me komail wiai on ia er.
Ri ai kan, i ngidingidi kin komail, en dueta ngai, pwe ngai kin dueta komail, pwe sota me sued kot, me komail wiai ong ia er.
13 A komail aja due i maj o, me i padaki on komail er ronamau ni ai luet en pali uduk.
A komail asa due i mas o, me i padaki ong komail er rongamau ni ai luet en pali uduk.
14 O komail jota mamaleki ai jonejon ni uduk ai o tata kin ia; a komail apwali ia la dueta nai tounlan en Kot amen, de dueta Iejuj Krijtuj.
O komail sota mamaleki ai songesong ni uduk ai o tata kin ia; a komail apwali ia la dueta ngai tounlang en Kot amen, de dueta Iesus Kristus.
15 Iaduen wan omail pai ni anjau o! Pwe i kadede duen komail, ma a kak pa omail. komail pan pwadika jan por en maj omail ap ki on ia.
Iaduen wan omail pai ni ansau o! Pwe i kadede duen komail, ma a kak pa omail, komail pan pwadika sang por en mas omail ap ki ong ia.
16 Iaduen, i wiala omail imwintiti, pweki ai lokaia melel on komail.
Iaduen, i wiala omail imwintiti, pweki ai lokaia melel ong komail.
17 Arail nanantion rapaki komail me jota mau; irail men kamueit kitail pajan, pwe komail en id idauen irail.
Arail nanantiong rapaki komail me sota mau; irail men kamueit kitail pasang, pwe komail en id idauen irail.
18 Me mau anjau karoj en nantion me mau kan, a kaidin ta ni ai mi re omail.
Me mau ansau karos en nantiong me mau kan, a kaidin ta ni ai mi re omail.
19 Nai jeri kan! I naitik japal komail ki madak, lao Krijtuj kawuk komail la on pein mom a.
Nai seri kan! I naitik sapal komail ki madak, lao Kristus kawuk komail la ong pein mom a.
20 I men mi re omail anjau wet o men kawukila nil ai, pwe I jajalar ir omail.
I men mi re omail ansau wet o men kawukila ngil ai, pwe i sasalar ir omail.
21 Komail, me kin men mi pan kapun o, indan ia, ma komail jota kin ron kapun o?
Komail, me kin men mi pan kapung o, indang ia, ma komail sota kin rong kapung o?
22 Pwe a intinidier, me nain Apraam putak riamen mia, amen jan ren na lidu, a amen jan ren me maioda.
Pwe a intingidier, me nain Apraam putak riamen mia, amen sang ren na lidu, a amen sang ren me maioda.
23 A me jon ren lidu ipwiki uduk, a me jan ren me maioda, ipwiki inau en Kot.
A me song ren lidu ipwiki uduk, a me sang ren me maioda, ipwiki inau en Kot.
24 Mepukat karajepa eu, pwe met inau riau, eu jan ni nana Jinai, me kin naitiki on na kan papa, i me Akar.
Mepukat karasepa eu, pwe met inau riau, eu sang ni nana Sinai, me kin naitiki ong na kan papa, i me Akar.
25 Pwe Akar nana Jinai nan Arapien, me raj on Ierujalem en met, o kin lidilidui ian na jeri kan.
Pwe Akar nana Sinai nan Arapien, me rasong Ierusalem en met, o kin lidilidui iang na seri kan.
26 A Ierujalem, me mi poa, me maioda iei in atail.
A Ierusalem, me mi poa, me maioda iei in atail.
27 Pwe a intinidier: Pereperen koe me li dapwan, me jota kin naitik, kadailon o werida koe, me jo kaipwi on, pwe nain li dapwan jeri kan me toto jan me a warok mia.
Pwe a intingidier: Pereperen koe me li dapwan, me sota kin naitik, kadailong o werida koe, me so kaipwi ong, pwe nain li dapwan seri kan me toto sang me a warok mia.
28 A komail ri ai ol akan, me rajon Ijaak, me jeri en inau kan.
A komail ri ai ol akan, me rasong Isaak, me seri en inau kan.
29 A duen maj o, me ipwiki uduk, me kailonki me ipwiki Nen o, iduen anjau wet.
A duen mas o, me ipwiki uduk, me kailongki me ipwiki Ngen o, iduen ansau wet.
30 A da me kijin likau o majani? Kajela li lidu o na putak! Pwe putak en lidu jota pan ian nain li me maioda jojoki.
A da me kisin likau o masani? Kasela li lidu o na putak! Pwe putak en lidu sota pan iang nain li me maioda sosoki.
31 Ari ri ai kan, kitail jota jeri en lidu, pwe nain me maioda.
Ari ri ai kan, kitail sota seri en lidu, pwe nain me maioda.
