Men Koloje 3

1 ARI, ma komail ian Krijtuj iajadar, en rapaki me pali poa kan, waja Krijtuj kotikot ia ni pali maun en Kot.

ARI, ma komail iang Kristus iasadar, en rapaki me pali poa kan, wasa Kristus kotikot ia ni pali maun en Kot.

2 Inon ion me mi pali poa a kaidin me mi nin jappa.

Inong iong me mi pali poa a kaidin me mi nin sappa.

3 Pwe komail melar, o maur omail rirlon Krijtuj ren Kot.

Pwe komail melar, o maur omail rirlong Kristus ren Kot.

4 Krijtuj, iei maur atail, lao pwarado, kitail pan pil ian i pwarado ni linan o.

Kristus, iei maur atail, lao pwarado, kitail pan pil iang i pwarado ni lingan o.

5 Komail ari kamela kokon omail, me mi jappa: Nenek, jamin, tiak jued, inon jued, norok kapwa, pwe iei kaudok jued.

Komail ari kamela kokon omail, me mi sappa: Nenek, samin, tiak sued, inong sued, norok kapwa, pwe iei kaudok sued.

6 Pweki mepukan onion en Kot kin lel on jeri jopeik kan.

Pweki mepukan ongiong en Kot kin lel ong seri sopeik kan.

7 Me komail pil kekeideki maj o, anjaun omail akmemaurki.

Me komail pil kekeideki mas o, ansaun omail akmemaurki.

8 A metet komail pwilikidier meakaroj: Makar, linaranar, katantat, lalaue, kajoi kajaut nan au omail;

A metet komail pwilikidier meakaros: Makar, lingarangar, katantat, lalaue, kasoi kasaut nan au omail;

9 Ender likam nan pun omail, pwe komail pwilikidier aramaj marin ianaki a wiawia kan,

Ender likam nan pung omail, pwe komail pwilikidier aramas maring iangaki a wiawia kan,

10 Ap aleer me kap, me wilikapadan lolekon duen mom en me kaujedar i.

Ap aleer me kap, me wilikapadang lolekong duen mom en me kausedar i.

11 Wajan jota men Krik, jota Juj, jota jirkomjaij, pil jota jojirkomjaij, jota men liki, jota Jite, jota ladu o jota me maioda men, a Krijtuj eta me kotikot ni karoj.

Wasan sota men Krik, sota Sus, sota sirkomsais, pil sota sosirkomsais, sota men liki, sota Site, sota ladu o sota me maioda men, a Kristus eta me kotikot ni karos.

12 Pwil po omail duen en Kot a pilidar akan, me jaraui o kompok, limpok en nan monion, o kadek, o karakarak, o opampap, o kanonama,

Pwil po omail duen en Kot a pilidar akan, me saraui o kompok, limpok en nan mongiong, o kadek, o karakarak, o opampap, o kanongama,

13 Apwali amen amen, o mak pena, ma amen kainjenjuedi amen, duen Krijtuj kotin mak on komail er, iduen komail.

Apwali amen amen, o mak pena, ma amen kainsensuedi amen, duen Kristus kotin mak ong komail er, iduen komail.

14 O moneki limpok, me ora pena kamau pokon.

O moneki limpok, me ora pena kamau pokon.

15 O popol en Krijtuj en kaunda nan monion omail, me komail pil paeker pena ni war ta ieu, o komail danke.

O popol en Kristus en kaunda nan mongiong omail, me komail pil paeker pena ni war ta ieu, o komail danke.

16 Komail nantion dodokiki majan en Krijtuj nan pun omail ni lolekon karoj; padapadaki o panapanaui komail pena, ki pjalm, o kaul en kapin, o kaul nenin, o kakaul on Kot nan monion omail ki mak.

Komail nantiong dodokiki masan en Kristus nan pung omail ni lolekong karos; padapadaki o panapanaui komail pena, ki psalm, o kaul en kaping, o kaul ngenin, o kakaul ong Kot nan mongiong omail ki mak.

17 O karoj, me komail kin wia ni lokaia, o wiawia kan, en wiada ni mar en Kaun Iejuj, o danke Kot o Jam pweki i.

O karos, me komail kin wia ni lokaia, o wiawia kan, en wiada ni mar en Kaun Iesus, o danke Kot o Sam pweki i.

18 Komail li akan udi on omail warok kan ni Kaun o, duen me kon on.

Komail li akan udi ong omail warok kan ni Kaun o, duen me kon ong.

19 Komail ol akan, pok on omail warok kan o der makar pa’rail.

Komail ol akan, pok ong omail warok kan o der makar pa’rail.

20 Komail jeri kan, peiki on me wia komail da ni meakaroj, pwe i me kon on Kaun o.

Komail seri kan, peiki ong me wia komail da ni meakaros, pwe i me kon ong Kaun o.

21 Komail jam akan, der kamakar mal noumail jeri kan, pwe ren der jan komail la.

Komail sam akan, der kamakar mal noumail seri kan, pwe ren der sang komail la.

22 Komail ladu kan, peiki on omail jaumaj ni uduk ni meakaroj kaidin ni dodok mon aramaj, pwen konekon ren aramaj, a ni impimpai en monion o, o lan Kaun o.

Komail ladu kan, peiki ong omail saumas ni uduk ni meakaros kaidin ni dodok mon aramas, pwen konekon ren aramas, a ni impimpai en mongiong o, o lan Kaun o.

23 O karoj, me komail wiada en lolin on wiada, dueta on Kaun o a kaidin on aramaj akan.

O karos, me komail wiada en lolm ong wiada, dueta ong Kaun o a kaidin ong aramas akan.

24 Ap aja, me komail pan ale katin en jojo ren Kaun o, pwe komail kin papa Kaun Krijtuj.

Ap asa, me komail pan ale kating en soso ren Kaun o, pwe komail kin papa Kaun Kristus.

25 A me wia japun, pan pein pukoki japun me a wiadar pwe Kot jota kin lipilipil aramaj amen.

A me wia sapung, pan pein pukoki sapung me a wiadar pwe Kot sota kin lipilipil aramas amen.