Timoteuj II 3

1 A IET me koe en aja, ni imwi en ran akan anjau apwal pan pwaida.

A IET me koe en asa, ni imwi en ran akan ansau apwal pan pwaida.

2 Pwe aramaj akan pan kajampwaleki pein irail, o norok moni, o ponmaju, o aklapalap, o lalaue, o jota peiki on me wia ir adar, o jo danke, o me jued.

Pwe aramas akan pan kasampwaleki pein irail, o norok moni, o ponmasu, o aklapalap, o lalaue, o sota peiki ong me wia ir adar, o so danke, o me sued.

3 O jempok, o jaja mak, o likinekine, o weit, o jo kadek, jo pok on me mau kan,

O sempok, o sasa mak, o likinekine, o weit, o so kadek, so pok ong me mau kan,

4 O me kin panala me jaraui, o me katil la, o kala, o inon ion

O me kin pangala me saraui, o me katil la, o kala, o inong iong me sued mon Kot.

5 Me janjalki lelapok ap jaja a manaman; muei wei jan mepukat.

Me sansalki lelapok ap sasa a manaman; muei wei sang mepukat.

6 Pwe akai irail kin wailon on nan im akan o kaloedi li akai, me toutouki dip, o me inon jued kin kaua ir jili.

Pwe akai irail kin wailong ong nan im akan o kaloedi li akai, me toutouki dip, o me inong sued kin kaua ir sili.

7 Me kin jukujukul anjau karoj, ap jota lolekon kila melel.

Me kin sukusukul ansau karos, ap sota lolekong kila melel.

8 A duen Ianej o Iamprej palian Mojej, iduen mepukat kin palian melel, i jon en aramaj akan me juedelar ni lol arail, o me jota mau on pojon.

A duen Ianes o Iampres palian Moses, iduen mepukat kin palian melel, i song en aramas akan me suedelar ni lol arail, o me sota mau ong poson.

9 A re jota pan pwaida, pwe ar lolepon pan janjal on karoj dueta a wiauier ren irail.

A re sota pan pwaida, pwe ar lolepon pan sansal ong karos dueta a wiauier ren irail.

10 A koe ala jan ai padak o ai tiak, o ai lamalam o pojon, o dadaurata, o limpok, o kanonama,

A koe ale sang ai padak o ai tiak, o ai lamalam o poson, o dadaurata, o limpok, o kanongama,

11 O kamakam akan, o kalokolok kan, me lel on ia nan Antiokien, o Ikonien, o Lijtra; jon en kalokolok toto, me lel on ia. A Kaun o kotin dore ia lar jan ir karoj.

O kamekam akan, o kalokolok kan, me lel ong ia nan Antiokien, o Ikonien, o Listra; song en kalokolok toto, me lel ong ia. A Kaun o kotin dore ia lar sang ir karos.

12 A karoj me men dadaurata duen me kon on Kot ren Krijtuj Iejuj, pan kamekameki.

A karos me men dadaurata duen me kon ong Kot ren Kristus Iesus, pan kamekameki.

13 A aramaj jued o malaun akan pan kakairida ni ar jued, irail pan kotaue aramaj akan o re pan kotaue irail.

A aramas sued o malaun akan pan kakairida ni ar sued, irail pan kotaue aramas akan o re pan kotaue irail.

14 A koe dadaurata, me koe padakkier pwe koe ajaer, me koe padakki jan er.

A koe dadaurata, me koe padakkier pwe koe asaer, me koe padakki sang er.

15 O koe aja kijin likau jaraui kan jan ni om jeri, me kak kalolekoni uk on maur potopot ki pojon me mi ren Krijtuj Iejuj.

O koe asa kisin likau saraui kan sang ni om seri, me kak kalolekongi uk ong maur potopot ki poson me mi ren Kristus Iesus.

16 Pwe majan en kijin likau kan karoj tapi jan ren Nen en Kot, me mau on padak, o kapun, o kamau, o kainene on me pun.

Pwe masan en kisin likau kan karos tapi sang ren Ngen en Kot, me mau ong padak, o kapung, o kamau, o kainene ong me pung.

17 Pwe aramaj en Kot en unjokela o koiok on wiawia mau karoj.

Pwe aramas en Kot en unsokela o koiok ong wiawia mau karos.