Timoteuj I 5

1 KOE der lokaia kelail on ol laud amen, a panaui i due jam amen, a me pulepul due ri om akan,

KOE der lokaia kelail ong ol laud amen, a panaui i due sam amen, a me pulepul due ri om akan,

2 Li laud due in akan, a me pulepul due ri om li akan ni makelekel melel.

Li laud due in akan, a me pulepul due ri om li akan ni makelekel melel.

3 Kakaki li odi kan, me li odi melel.

Kakaki li odi kan, me li odi melel.

4 A ma li odi na jeri kan mia, de wa en na jeri ko, re pan padakki maj apwali pein ar penainai, o depuk on ar papa o nono, pwe i me mau o kon on Kot.

A ma li odi na seri kan mia, de wa en na seri ko, re pan padakki mas apwali pein ar penainai, o depuk ong ar papa o nono, pwe i me mau o kon ong Kot.

5 A iet li odi melel amen, me kelep, me kin kaporoporeki Kot, o podidi on nidinid o kapakap akan ni pon o ni ran.

A iet li odi melel amen, me kelep, me kin kaporoporeki Kot, o podidi ong ngidingid o kapakap akan ni pong o ni ran.

6 A me kin kapwaiada a inon jued nan i melar ni a memaur.

A me kin kapwaiada a inong sued nan i melar ni a memaur.

7 Mepukat padapadaki, pwe ren jota karaunepa.

Mepukat padapadaki, pwe ren sota karaunepa.

8 A ma amen jota kin apwali na kan, a maj toun im a kan, i me kajela pojon, o a jued jan me jopojon amen.

A ma amen sota kin apwali na kan, a mas toun im a kan, i me kasela poson, o a sued sang me soposon amen.

9 Li odi men pan kileledi, ma a jota pulepul jan jaunpar woneijok o ma a warok en ol ta men.

Li odi men pan kileledi, ma a sota pulepul sang saunpar woneisok o ma a warok en ol ta men.

10 O me kalok mau ki a wiawia mau, o me wiada jeri, o me apwali men kairu, o me widen na en jaraui kan, o me kadek on me kamekame kan, o me kapwaiada jon en wiawia mau karoj.

O me kalok mau ki a wiawia mau, o me wiada seri, o me apwali men kairu, o me widen nä en saraui kan, o me kadek ong me kamekame kan, o me kapwaiada song en wiawia mau karos.

11 A der tuki on li odi pulepul akan, pwe irail lao inon wei jan Krijtuj, re men pur on papaud.

A der tuki ong li odi pulepul akan, pwe irail lao inong wei sang Kristus, re men pur ong papaud.

12 A irail pan pakadeikada, pwe re muei janer tapin pojon.

A irail pan pakadeikada, pwe re muei sanger tapin poson.

13 A re pil ponkake o papan jili im akan, a kaidin ponkaka ta, pwe re pil poupou jili, o pil uja jili en amen a wiawia, o ar lokelokaia me jota mau.

A re pil ponkake o papang sili im akan, a kaidin ponkaka ta, pwe re pil poupou sili, o pil usa sili en amen a wiawia, o ar lokelokaia me sota mau.

14 A i men, li odi pulepul en papaud, o naitik, o apwali im ar, o der kare on me jued o, en lalaue.

A i men, li odi pulepul en papaud, o naitik, o apwali im ar, o der kare ong me sued o, en lalaue.

15 Pwe akai me wuki wei, wuki on Jatan.

Pwe akai me wuki wei, wuki ong Satan.

16 A ma li odi men mi ren ol me pojon amen de ren li me pojon amen, a en pein apapwali i o der katoutoui momodijou, pwen itar on me li odi melel.

A ma li odi men mi ren ol me poson amen de ren li me poson amen, a en pein apapwali i o der katoutoui momodisou, pwen itar ong me li odi melel.

17 Jaunkoa kan me kin dodok mau, pan waunla melel, ir me kin jauaja ni padak o kawewe.

Saunkoa kan me kin dodok mau, pan waunla melel, ir me kin sauasa ni padak o kawewe.

18 Pwe kijin likau o majani: Koe der penadi au en kau ol, me tiakedi wan wit. O toun dodok me war on pwain en dodok.

Pwe kisin likau o masani: Koe der penadi au en kau ol, me tiakedi wan wit. O toun dodok me war ong pwain en dodok.

19 Karaun pan jaunkoa men der kamelele, ma jo jaunkadede riamen de jilimen mia.

Karaun pan saunkoa men der kamelele, ma so saunkadede riamen de silimen mia.

20 Ir me wia dip, kapun on mon karoj, pwe me tei kan en majakala.

Ir me wia dip, kapung ong mon karos, pwe me tei kan en masakala.

21 I kakaliki on uk mon Kot Krijtuj Iejuj o tounlan lipilipil akan, koe en wiada mepukat, o jo lipilipil, o jo pwen konekon ren aramaj.

I kakaliki ong uk mon Kot Kristus Iesus o tounlang lipilipil akan, koe en wiada mepukat, o so lipilipil, o so pwen konekon ren aramas.

22 Der madan pokadan pon amen pa om, o pil der dipane kila dip en amen kai, a pein koe en makelekel.

Der madang pokadang pon amen pa om, o pil der dipane kila dip en amen kai, a pein koe en makelekel.

23 Koe der nim pil, a wain kij me kon on kaped om o pweki om jomau pan pak toto.

Koe der nim pil, a wain kis me kon ong kaped om o pweki om somau pan pak toto.

24 Dip en akai aramaj me janjal ap mau on kadeikada anjau wet, a dip en me tei kan pan janjal eu ran.

Dip en akai aramas me sansal ap mau ong kadeikada ansau wet, a dip en me tei kan pan sansal eu ran.

25 Pil dueta en akai ar wiawia mau me janjal metet, a me tei kan jota kak rirala.

Pil dueta en akai ar wiawia mau me sansal metet, a me tei kan sota kak rirala.