Iakopus 2
1 RI ai ko, komail poson atail Kaun Iesus Kriitus en lingan, der lipiliki aramas amen.
わたしの兄弟たち，わたしたちの栄光の主イエス・キリストの信仰を，えこひいきと共に抱いてはいけません。
2 Pwe ma ol amen pan iang omail saraui, me kapwateki ring kold likau lingan, o pil samama amen, me a tuken likau o sakanekan pan pedelong,
というのは，あなた方の集会に，金の指輪をはめ，立派な服を着た人が入って来て，同時に汚れた服を着た貧しい人も入って来た場合に，
3 A ma komail pan kilekilang me mi nan likau lingan, o komail pan indang i: Re kotido kaipokedi met, wasa mau, ap indang me samama: Koe en uda mo, de met impan utipa!
あなた方が立派な服を身に着けた人に特別に目を留めて，「ここの良い場所にお座りなさい」と言い，貧しい人には，「そこに立っていなさい」とか，「わたしの足台のわきに座りなさい」と言うなら，
4 Iaduen komail lipilipil nan pung omail, o komail wiala saunkapung kan ni omail lamalam sued?
あなた方は自分たちの間でえこひいきを示して，悪い考えを持つ裁き手になっているのではありませんか。
5 Ri ai kompok kan, komail rong! Kot sota kotin piladar me samama nan sappa et, me kapwapwaki poson, o me pan sosoki wei, me a kotin inauki ong irail, me pok ong i?
わたしの愛する兄弟たち，よく聞きなさい。神は，この世において貧しい人たちを，信仰において富んだ人たちとして，またご自分を愛する者たちに対して約束された王国を相続する人たちとして選ばれたのではありませんか。
6 A komail mamaleki me samama o. Kaidin me kapwapwa kan kin wia sued ong komail o pangalang komail mol en kadeik kan?
しかし，あなた方はその貧しい人を辱めたのです。富んだ人たちが，あなた方を抑圧し，あなた方を自ら法廷に引いて行くのではありませんか。
7 Irail sota kin lalaue mar isou, me komail maranekier?
彼らこそ，あなた方がその名で呼ばれた高貴な名を冒とくするのではありませんか。
8 Ma komail kapwaiada kapung isou duen masan o: Koe en pok ong men imp om dueta pein uk, nan komail wia me mau.
それでも，あなた方が聖書に従って，「あなたは隣人を自分自身のように愛さなければならない」という王たる律法を実行しているのであれば，それは結構なことです。
9 A ma komail pan lipilipiliki aramas, komail kin wia dip, o kapung pan kadiarok ong komail, me komail me dipan.
しかし，えこひいきを示すなら，あなた方は罪を犯しています。律法により，違反者として有罪と宣告されているのです。
10 Pwe meamen kapwaiada kapung pon, ap kawela kusoned eu, nan i me tiakedi karos.
というのは，だれかが律法全体を守るとしても，一つの点でつまずくなら，すべてに違反していることになるからです。
11 Pwe me kotin masanier: Koe der kamal, i me pil masanier: Koe der kamela aramas! Ari, ma koe sota kamal, a ma koe kamela aramas, nan koe me tiakedier kapung o.
なぜなら，「姦淫を犯してはいけない」と言われた方は，「殺人を犯してはいけない」とも言われたのです。それで，もしあなたが姦淫を犯してはいなくても，殺人を犯しているなら，律法の違反者となります。
12 Komail ari lokaia o wiawia duen irail, me pan pakadeikada ren kapung en kamaio.
自由の律法によって裁かれようとしている者として，そのように語り，またそのように行ないなさい。
13 A me sota kin kadek, pan lodi ong kadeik apwal, a me kadek, kin suaiki kadeik o.
あわれみを示さない者に対しては，あわれみのない裁きが下されるからです。あわれみは裁きに対して勝ち誇るのです。
14 Ri ai ko, da katepan aramas amen, me pan inda, me a poson mia, ap sota a wiawia mau kan? Iaduen poson pan kak dorela i?
わたしの兄弟たち，もし人が自分には信仰があると言っていても，業がなければ，それは何の益になるでしょうか。信仰がその人を救えるでしょうか。
15 Ma ri atail ol de li amen mia, me solar a likau, o solar kan ar kisin manga kaukaule,
もし兄弟か姉妹が裸でいて，その日の食物にも事欠いているのに，
16 A ma amen komail pan indang i: Kola popol rangerang o mangamanga! Ap sota, me komail pan ki ong i, me mau ong pali war a, da katepa?
あなた方のうちのだれかが，「平安のうちに行きなさい。温かくして，お腹を満たしなさい」と言うだけで，体に必要な物を与えないなら，それは何の益になるでしょうか。
17 Iduen poson, ma a kelep o sota wiawia iang, nan a melar.
同じように信仰も，業がなければ，それだけでは死んでいるのです。
18 A ele amen pan inda: Om poson mia, a ai wiawia kan mia; kasale ong ia om poson, me sota wiawia kan mia, a ngai pan kasale ong uk ai poson ni ai wiawia kan.
なるほど，ある人はこう言うことでしょう。「あなたには信仰があり，わたしには業があります」。あなたの業からあなたの信仰を取り出してわたしに見せなさい。そうすれば，わたしは自分の業によって自分の信仰をあなたに見せましょう。
19 Koe kamelele me Kot me ta men mia, me mau, nan tewil akan pil kin kamelele ap masakada.
あなたは神がただおひとりだと信じています。それは結構なことです。悪魔たちも信じて，身震いしているのです。
20 A koe aramas aklapalap, ma koe men dedeki, me poson me mal kot, ma sota wiawia kan iang?
しかし，むなしい人よ，あなたは業を別にした信仰が死んでいることを知りたいのですか。
21 Iaduen sam atail Apraam? A sota pung kila a wiawia kan, ni a pan mairongki sapwilim a kisin putak Isaak pon pei saraui?
わたしたちの父アブラハムは，自分の息子イサクを祭壇の上にささげたとき，業によって義とされたのではありませんか。
22 I me koe kilang, me poson sauasa a wiawia kan, o poson unsok kilar a wiawia kan.
あなたも分かるように，信仰が彼の業と共に働き，業によって信仰が完全にされたのです。
23 Ari masan o pwaidar: Apraam poson Kot, o i me a pung kilar o a maraneki: Kompoke pan Kot.
そして，「アブラハムは神を信じ，それが彼の義とみなされた」と言う聖書が実現し，彼は神の友と呼ばれたのです。
24 Komail ari kilanger, me aramas amen pan pung kila a wiawia kan a kaidin poson ta.
これであなた方も分かるように，人は業によって義とされるのであって，信仰だけによるのではありません。
25 Pil dueta Raap, li sued amen, kaidin a wiawia kan, me a pung kilar, ni a kasamo men en kadar, o kadar ir ala ni apot al toror?
同じように，売春婦ラハブも，使者たちを迎え入れ，彼らを別の道から送り出したとき，業によって義とされたのではありませんか。
26 Pwe duen pali war mela, ma sota ngen, iduen poson a mela, ma sota wiawia kan iang.
霊を別にした体が死んでいるのと同じように，業を別にした信仰も死んでいるのです。
