Faarfannaa 129

1 Faarfannaa ol baʼuu. Israaʼel akkana haa jedhu; “Isaan dargaggummaa kootii jalqabanii akka malee na cunqursaniiru;

A Song of degrees. Many a time have they afflicted me from my youth — oh let Israel say —

2 isaan dargaggummaa kootii jalqabanii akka malee na cunqursaniiru; garuu na hin moʼanne.

Many a time have they afflicted me from my youth; yet they have not prevailed against me.

3 Warri qootiisa qotan dugda koo qotan; boʼoo isaaniis ni dheeressan.

The ploughers ploughed upon my back; they made long their furrows.

4 Waaqayyo garuu qajeelaa dha; funyoo jalʼootaa gargar kukkuteera.”

Jehovah is righteous: he hath cut asunder the cords of the wicked.

5 Warri Xiyoonin jibban hundinuu, qaaniidhaan duubatti haa deebiʼan.

Let them be ashamed and turned backward, all that hate Zion;

6 Isaan akka marga bantii manaa irraa kan utuu hin guddatin goguu haa taʼan;

Let them be as the grass upon the house-tops, which withereth before it is plucked up,

7 namichi haamu qabaa isaa guuttachuu, yookaan namichi walitti qabu bissii isaa guuttachuu hin dandaʼu.

Wherewith the mower filleth not his hand, nor he that bindeth sheaves his bosom;

8 Warri achiin darban, “Eebbi Waaqayyoo isiniif haa taʼu; maqaa Waaqayyootiin isin eebbifna” isaaniin hin jedhin.

Neither do the passers-by say, The blessing of Jehovah be upon you; we bless you in the name of Jehovah!