Luka 24
1 Ligono la Dominika, lukela hamba kucha, vadala vala vakahamba kulitinda, kuni vagegi mayewani na mahuta gakunungalila gevatendekili.
下一周第一天清晨，女人们带着准备好的香料来到耶稣的坟墓。
2 Vakoli liganga lila libilindwisi patali kuhuma pakuyingila mulitinda.
但发现坟墓口的大石头已经滚到了一边，
3 Hinu, pavayingili mugati, vayiwene lepi higa ya Bambu Yesu.
她们走进去，却没有看到主耶稣的身体。
4 Pevavi vakona vikangasa ndava ya lijambu lenilo, bahapo vandu vavili vevawalili nyula za kung'asima neju vakahumila papipi yavi.
正为此疑惑之际，眼前忽然出现两个人，身穿闪耀发光的衣服，站在她们旁边。
5 Vadala vala vakavya na wogohi, vakagundama pahi. Ndi vandu vala vakavajovela, “Ndava kyani mukumlonda mundu mweavi mumi pagati ya vevafwili?
女人们很害怕，把脸伏在地上。他们对女人说：“你们为什么要在死者中寻找一个还活着的人？
6 Avi lepi apa, ayukili. Muholalela cheavajovili peavi akona ku Galilaya.
他不在这里，而是已经复活了。你们应当记得他在加利利时说的话，
7 ‘Yikumgana Mwana wa Mundu awusiwayi pavandu vevakumbudila Chapanga, na vene yati vakumvamba pamsalaba na pa ligono la datu yati iyuka.’”
他说：‘人子必将被交到罪人手里，钉在十字架上，在第三日复活。’”
8 Penapo vadala vala vakagakumbuka malovi ga Yesu,
她们想起了耶稣说的话，
9 vakawuya kuhuma kulitinda, vakavajovela vamitumi kumi na mmonga, pamonga na vangi voha, malovi ga mambu ago goha.
于是就离开坟地，回去把这一切告诉了十一名门徒和其他人。
10 Vadala vevabweli kujova mambu genago vavi Maliya mkolonjinji wa Magidala na Yoana na Maliya nyina waki Yakobo pamonga na vadala vangi vevalongosini nawu.
那几名女性为：抹大拉的玛利亚，约亚拿和雅各的母亲玛利亚，以及其他跟随耶稣的妇女。她们把这些事告诉了众门徒。
11 Nambu vamitumi vala vasadiki lepi malovi ga vadala vala, ndava vagahololela ngati uyimu nunuyu.
但他们认为这是无稽之谈，根本不相信她们。
12 Nambu Petili, akajumba kuhamba kulitinda, peahikili kulitinda agundimi kulingulila mugati akayiwona ngayene nyula ya msopi. Akawuya kunyumba kuni ikangasa na kujikota gala gegahumili.
但彼得还是跑到坟墓那里查看。他弯腰看进去，只看到了坟墓里的细麻布，于是就回去了，对这一切感到非常惊奇。
13 Ligono lilolo, vavili pagati ya vamulanda va Yesu vavi mulugendu kuhamba kuchijiji chimonga cha ku Emau chechavi utali wa masaa gavili kuhuma ku Yelusalemu,
同一天，两名门徒去往一个叫以马午斯的村子，距耶路撒冷大约十一公里。
14 Vavi mukugalongalela mambu goha gegahumalili.
他们在路上谈论着所发生的一切。
15 Pavayendelela na malongesi gavi, Yesu mwene akavahumila na kugenda nawu,
正在交谈和争辩的时候，耶稣走上前，与他们同行。
16 Vamuweni kwa mihu gavi, nambu vadindiwi vakotoka kummanya.
但他们却没有认出他。
17 Yesu akavakota, “Mwilongela kyani kuni mwigenda?” Vene vakayima pamihu pavi pakwinyini cha ligoga.
耶稣问到：“你们边走边聊什么呢？”他们就站住，面带愁容。
18 Mmonga wavi liina laki Kileopa, akamyangula, “Wu nga veve myehe wangamanya mambu gegahumalili pa Yelusalemu magono gagaga?”
一个名叫克利奥帕斯的门徒回答：“你造访耶路撒冷吗？关于那里发生的事情，你可能是唯一不知情的人。”
19 Yesu akavakota, “Mambu goki?” Vena vakamuyagula, “Mambu gegamkolili Yesu wa ku Nazaleti.” Mwene avi Mlota mweihotola kuhenga na kuwula palongolo ya vandu voha va Chapanga.
耶稣说：“什么事？”他们说：“就是拿撒勒人耶稣的事。他是先知，在上帝和众人面前显示出了伟大的奇迹。
20 Vakulu va kuteta na vachilongosi vitu vakamgotola na kumuhamula lifwa, vakamvamba pamsalaba.
我们的祭司长和长官竟把他交了出去，把他判了死罪，钉在十字架上。
21 Nambu tete tamsadiki mwene kuvya ndi mweatumwili kuyigombola Isilaeli! Hinu, lelu ndi ligono la datu pagahengiki mambu genago.
我们一直盼望他就是救赎以色列的那个人。这些事发生到现在已经是第三天了。
22 Kavili vadala vangi va kwitu vatikenyemwisi, muni vakahambili kulitinda lukela hambakucha,
但我们中有几名妇女却有了让我们惊讶的发现。她们凌晨到坟墓那里去，
23 Nambu nakuyikolela higa ya Yesu. Vakawuya nakutijovela vahumiwi na vamitumu va kunani kwa Chapanga, vevavajovili ngati Yesu akona mumi.
却找不到他的身体。她们回来说看见天使显现，天使说他已经复活了。
24 Vayitu vangi pagati yitu vahambili kulitinda kulola gegajoviwi na vadala vala, nambu nakuyiwona lepi mwene.
我们又有几个人到坟墓那里去看，与妇女们所说的一样，没有看见他。”
25 Kangi Yesu akavajovela, “Nyenye vayimu na mitima yinu yitopa kusadika gegajoviwi na vamlota va Chapanga!
耶稣说：“迟钝的人呐！对于先知所说的一切，你们信得太迟钝了！
26 Wuli, yamganili lepi Kilisitu msangula kung'ahika, kangi ayingilayi muukulu waki?”
基督这样受迫害，后来不是迎来了他的荣耀吗？”
27 Hinu akavadandaulila mambu goha gegamuvala mwene mu Mayandiku Gamsopi kutumbula muhitabu ya Musa mbaka muhitabu ya Vamlota va Chapanga.
于是他从摩西和众先知说起，把所有关于他的经文解释了一遍。
28 Pevahegalili na chijiji chevaambayi, Yesu akakita ngati mweiyendelela na lugendu,
他们即将抵达要去的那个村子，耶稣表现得好像是要继续前行，
29 Nambu vene vakamjovela, chondi pepayi, “Utamayi pamonga na tete, muni lilanga litipimi chitita chibwela.” Ndi akayingila nawu mugati.
两名门徒特别想把他留住：“天晚了，太阳下山了，就住在这里吧。”于是耶稣就与他们住在一起。
30 Peatamili kulya chakuyla pamonga nawu, akalitola libumunda na kumsengusa Chapanga na kulimetula na kuvapela.
吃饭的时候，他拿起饼，在感谢上帝后把饼掰开递给那两位门徒，
31 Bahapo vakagubukuliwa mihu gavi na kummanya, nambu mwene akayaga pagati yavi.
他们的眼睛此刻终于看清了，认出这是耶稣，但耶稣却从他们面前消失不见了。
32 Ndi Vakajovesana, “Mitima yitu yasangalwiki neju mugati mwitu peakatidandauli Mayandiku Gamsopi munjila mula?”
他们彼此说：“一路上他和我们说话，给我们解释经文，那时候我们的思想仿佛被火烧灼。”
33 Balapala vakawuka, kuwuya ku Yelusalemu. Kwenuko vakavakolela vamitumi kumi na mmonga na vangi vevavi pamonga na vene vakonganiki,
他们立刻站起来返回耶路撒冷。在那里遇见十一个门徒和其他聚在一起的人。
34 vakajova, “Chakaka Bambu ayukili! Amuhumalili Simoni!”
这十一位门徒说：“主果然复活了，已经向西门显现。”
35 Hinu vamulanda vavili va Yesu vakavajovela mambu gegavakolili munjila na chevammanyili Yesu pealimetulayi libumunda.
两个人就把在路上的事，以及掰开饼时如何认出耶稣的事情，讲述了一遍。
36 Pevavi mukujovewa genago, Yesu mwene bahapo akayima pagati yavi nakujova, “Uteke uvyayi na nyenye.”
他们正在交谈之际，耶稣现身站在他们当中，说：“愿你们平安。”
37 Vakakenyemuka na kuyogopa neju muni vaholalelayi pangi valiwene lihoka.
他们非常惊怕，以为看见了鬼。
38 Nambu mwene akavajovela, “Ndava kyani mwivagaya? Ndava kyani mwikujikota kota mumitima yinu?
耶稣问到：“你们为什么惊恐？为什么心有疑惑？
39 Mlola mawoko na magendelu, muni mumanyayi kuvya ndi nene. Munipamisa mumanya, muni lihoka langali higa amala lijege ngati chemukunilola.”
你们看我的手脚，就知道我是谁。摸摸我，你们就会更确认，因为鬼没有骨肉，但你们看，我有。”
40 Peamali kujova genago, akavalangisa mawoko na magendelu.
说了这话，耶稣就把手脚给众人看。
41 Pevavi vakona kusadika, ndava ya luheku uvaha na kukangasa, Yesu akavakota, “Muvinachu chakulya chochoha penapa?”
众人感到如此狂喜和惊讶，以至于仍然不敢相信这一切。耶稣说：“你们这里有什么食物吗？”
42 Vakampela chipandi cha somba yiyochanu,
他们就给了他一片做好的鱼。
43 akachitola na kulya kuni woha vakumlola.
他接过来，在他们面前吃了。
44 Kangi akavajovela, “Genaga ndi malovi genavajovili penakavili na nyenye, muni yaganikwi gahengekayi goha gegayandikiwi kunivala nene mu malagizu ga Musa na muvitabu vya vamlota va Chapanga na Muchitabu cha Zabuli.”
然后耶稣对他们说：“我还和你们在一起时，就是这样对你们解释的：摩西律法、先知书籍和《诗篇》中记载了关于我的一切，都会成真。”
45 Kangi, penapo akavalangasila luhala lwavi muni vagamanyayi Mayandiku Gamsopi.
于是他打开他们的思想，让他们能够理解经书。
46 Akavajovela, “Gayandikiwi kuvya, Kilisitu msangula yati ing'ahiswa nambu paligono la datu yati iyuka kuhuma pavafwili,
他告诉他们：“经上记着‘基督将会受害，第三天死而复生。人们要奉他的名，
47 yikuvagana mewa vandu va makabila goha, kutumbula ku Yelusalemu vakokoselewayi muliina laki kuleka kumbudila Chapanga. Muni valekekeswa kubuda kwavi.
宣讲悔改与赦罪之道，从耶路撒冷开始，传遍世界各地。’
48 Nyenye ndi mwemugawene mambu genago.
你们就是这一切的见证。
49 Namwene yati nikuvapelekela yula mweavalagazili Dadi wangu, nambu mulindila kumuji mbaka pemumemeswa uhotola kuhuma kunani.”
现在我要将天父所承诺的赋予你们。但你们需要在城里等候，直到获得来自天堂的力量。”
50 Kangi Yesu akavalongosa vawuliwa kuvala ya muji wenuwo mbaka ku Betania, akayinula mawoko gaki kunani akavamotisa.
然后他带他们走出去，走到伯大尼附近时，抬手祝福众人。
51 Peamali kuvamotisa, akavaleka, akatoliwa kuhamba kunani kwa Chapanga.
在祝福的同时离开了他们，被送上天堂。
52 Vawuliwa vakamfugamila Yesu, kangi vakawuya pa Yelusalemu, kuni vavi na luheku luvaha,
众人开始膜拜他，然后充满喜悦地回到耶路撒冷，
53 Vayendalili kuvya Panyumba ya Chapanga magono goha, vakumulumbalila Chapanga.
此后，他们便始终都在神庙中称颂上帝。
